15-08-2010, 04:08 AM
|
عضو متواصل
|
|
تاريخ التسجيل: Aug 2010
المشاركات: 72
معدل تقييم المستوى: 30
|
|
اقتباس:
المشاركة الأصلية كتبت بواسطة خفايا أسرار
اخوي اقولها نصيحه لك الدراسه اهم من كل شي لايغرك كلام الناس المحبطه اذا درست شد حيلك واختار تخصص يناسب قدراتك وجيب معدل مرتفع صدقني تفرض نفسك على الجميع سواء تبي عسكرية ولا بعثه ولا معيد بالجامعه ولا مدرس ...الخ لاتجعل العسكرية راس همك انا يوم تخرجت من الثانوي حاولت في الحرس الوطني وللاسف ما جا ورحت للجامعه وكملت وجبت امتياز والحمد لله انا راضي عن نفسي وماني نادم على الحرس هذا انا مقدم على الكلية الامنية وان شاء الله يجي القبول وقبلت في بعثه وجايني قريبا قبول في الجامعه كمعيد وعندي فرص متوفره على الرغم ان تخصصي نظري (علم اجتماع) يعني المجالات مفتوحه امامك ولاتحصر نفسك في مكان ضيق الجامعه ياما شالت ناس فوق وياما ناس دخلتها لمجرد التسلية والطقطقة وراحت فيها فأنت اختار الجامعه وعندك اصرار وعزيمة ورغبة في التحصيل العلمي والمعدل المحترم ورغما عن الجميع راح تثبت نفسك ...الثانوية العامة لو تجيب 99% علمي ما تنفعك الا انها تدخلك الجامعه لكن انسى انها تجيب لك القبول في الكليات العسكرية المبنية على الواسطات وقلة الحيا . اتمنى تركز في كلامي واترك الاحباط حنا درسنا الجامعة وراحت ايامها بسرعه لاتخلي العمر يمشي زملائي اللي تخرجو معي من الثانوية دخلو جنود في العسكرية ويوم دخلت الجامعه كلهم يضحكون علي تدري ليه يقولون مصيرك عاطل ومتوسد شهادتك والآن هم جنود ولا ترقو ولاتغيرو وانا الحمد لله وضعي افضل منهم بكثير خذ كلامي هذا عبره وفايده لك ولغيرك ترى انا انسان اذا سمعت احد متخرج من الثانوي احب اتفلسف عليه زياده لانه ينقصه شي كثير من الخبرات بس اصبر علي وفالك التوفيق .
|
ياخي والله احرجتني مدري وش اقولك ... مشكور على النصيحه الثمينه والكلام الحسن ..
لكن اذا ماقبلتني الجامعه ابروح للملك سعود بالرياض عندنا قابليني سنه تحضيريه علميه وهندسيه ..
لكن انشاء الله يقبلوني الكليات العسكرية (الحربيه) مع ان الواسطه ماهي ذيك الواسطه .. لكن واسطتي الكبرى رب العالمين ..
واذا طلعت النتائج رايح اعلمك لو برساله خاصه ..
اشكرك ثم اشكرك ثم اشكرك ..
الله يوفقك ويوفقني باللي نطمح اليه ..
|
العرض العادي
