السلام عليكم ورحمة الله وبركاته



لأنها فعلاً تحاكي الواقع


وش نفعنا فعل أبوك وفعل جدي=وش عطانا كل تاريخ القبيله
السوالف ماتجيب ولا تودي=والزمن أصبح نهاره مثل ليله
ناظر الدنيا وتفهم ويش قصدي=وين جدك وين هذاك الدليله
ماتذوق العز والحال متردي=لو تشوف الخير ماتقدر تجيله
علمونا نارد الموت ونعدي=مادروا وش صار بياع البليله
علمونا ننزل وبكره نشدي=والديار اليوم بصكوك الفضيله
علمونا نكرم الضيف المعدي=لاجل يذكرنا ويمدحنا قبيله
أكرمه لو كان يصلخ كل جلدي=ما اتعذر لو ما باليد حيله
كرهونا بالتجاره والمكدي=لو شريت وبعت ضيعت الجميله
والصناعه ماتخص عيال نجدي=لو تجي صناع ياكبر الفشيله
والمراجل تنوخذ صبح وهجدي=مادروا وش صار بياع البليله
والدراسه ماوراها خير يبدي=من درس ضيع حلاله عزتي له
ضيعونا والزمن كله تحدي=كيف ناكل عيش بعلوم جزيله
كيف يارث جنب بيت الله هندي=يوم ورثك نخلتين بالمسيله
شيخنا يبلش على تعيين جندي=ينطل بوجهه ملف جا يشيله
والموظف هيثم بن عماد سندي=يطرد الشايب ويلعن سلسفيله
وان درى انه كان فارس مايصدي=شبت النيران بقلوبٍ غليله
والسبايب ذبح خاله نقشبندي=ينتقم من فعل ربعك في وهيله
حنشلٍ من جوعهم محدٍ يعدي=خال هيثم حج وجدك محتسيله
من يروح للحجاز يقول بعدي=العيال وداعة المولى دخيله
يفخرون بكسب حجاج وعبندي=وكسبنا منهم ذنوب وحنظليله
عاد تدري ليه أنا بيحت سدي؟؟؟=لا وظيفه لا فلوس ولا حليله

يسلموووو...

ولا هنت..

صح لسانك

عاد تدري ليه أنا بيحت سدي..........لا وظيفة لا فلوس و لا حليله

مراحب بالجميع

يعطيك العافيه ياليتيم وصح لسانك

صح لسانك
ويسلم يمينك عن كتابتها
عاد تدري ليه أنا بيحت سدي..........لا وظيفة لا فلوس و لا حليله

الله يسعدكم على الرد

الله الله لها فايدة هل العطالة تطلع مواهب

تسلللللللللللللللللللللللللللللللللللللللللللم يمينك

بس بغير شوي

والوزير غازي بن عماد سندي يطرد الشايب ويلعن سلسفيله

صح لسانك
[POEM="font="Simplified Arabic,4,white,normal,normal" bkcolor="sienna" bkimage="" border="ridge,4,darkred" type=1 line=0 align=center use=sp num="0,black""]

ياالله ياواحد عليك اعتمادي=عطفك علا من عطف غيرك يعيفه
يامن على اشرار المخاليق بادي=عشان ياخذ باليمين الصحيفه
سر يا قلم وكتب حروفً جدادي=مثايلً عند النشاما ضريفه
قلب العنا حارب لذيذ الرقادي=مثل حوم الحر من فرقا وليفه
حنا قبايل فالقراء والبوادي=وسلاحنا حزم السيوف الرهيفه
يلي تقول الخير! شف هنا زادي=رجالنا يكرم من اكرام ضيفه
نسمع بشي فالصحف وروادي=وليا لتفتنا للحقايق مخيفه
اللي يطالب بحقه يقولون غادي=واللي ينافق عندهم له وظيفه

[/POEM]وسلامتكم