03-08-2010, 11:18 AM
|
|
Banned
|
|
تاريخ التسجيل: Feb 2010
المشاركات: 206
معدل تقييم المستوى: 0
|
|
|
ابـشـروا الـتـسـجـيـل فـي الـدفـاع الـمدنـي
ابشروا ياشباب ترا التسجيل في الدفاع المدني حيكون في رمضان
انا توني متصل على مديرية الدفاع المدني وسالته عن موعد التسجيل قال هو في رمضان
قلت متى بالضبط
قال في رمضان وبس
قلت متأكد ياخوي
قال هو تراك زهقتني اخذ العلم التسجيل في رمضان والكلام محسوب علي
بصراحة انا صدقته لان الاحتياط المسجلين عام 1430 توهم خاشين الدورة شهر 6 اللي طاف
وازيدكم من الشعر بيت واحد من الاعضاء اسمه عابد الياسي قال سالت مدير الدفاع في الطائف قال التسجيل في رمضان
يعني انشاء الله الخبر صحيح
بس عارفين وشو اللي يقهرني
اللي يقهرني التسجيل سيكون على الانترنت وهذي الطامة الكبرى
قولي ليش لان بيسجل كل من هب ودب
وتذكرون تسجيل عام 1430 يوم اعلنوا نتائج القبول المبدئي قبلوا حوالي 3800 فرد
بعدها باسبوع في صحيفة الرياض مقابلة مع مسؤول ضابط في القبول والتسجيل قال احنا قبلنا هالعدد ولكن اكثر من 50 % سقطوا في عملية تدقيق الوثائق والطول والوزن.
يعني بيجي واحد بيكتب طوله 170 وهو طوله في الاساس 160 راح رقم طلب حق غيره
ولا بيجي واحد بيحط نسبته 99 وهو نسبته الحقيقة 60 وتخب
ولا بيجي واحد ان معاه دبلوم بتقدير ممتاز وهو ابعد مايكون من ذلك
وغير هذا ان عملية الفرز في الانترنت ستكون عشوائية
ياشباب انا اعرف اثنين واحد من اخوياي والثاني ولد خالي
الاول نسبته 71 ومعه شهادة حاسب 6 شهور تقدير جيد
والثاني نسبته 84 ومعاه كلية التقنية وتقدير جيد جدا
سجلوا على الانترنت وللاسف قبلوا الاول والثاني سحبوا عليه
وازيدكم من الشعر بيت بيجي واحد طفشان معاه شهادة جامعية بيسجل استعباط وهو مايبيها
ولا واحد مامعاه شهادة حتى ابتدائية قال ابي اسجل كذا
يعني انا اناشد مدير الدفاع المدني ان يكون التسجيل بالملفات ويقيسون الطول والوزن وتكون الملفات عندهم يفحصونها بالشكل الصحيح والنتائج تكون بعد اسبوعين بلاهي ماهي افضل من الانترنت.
بيجي واحد بيقولي طيب الناس اللي من خارج المدينة ماهو فاضي يمتر خطوط .
الجواب ان يحطون في خمس مدن او ست مبنى للقبول والتسجيل ويقبلون من كل مدينة 600 او سبعمائة .
وانا متأكد ان اغلب الاعضاء متفقين معاي تماما
واللي ماهو راضي عن كلامي احترمه
نتمنى ان نرى ردودكم .
صاحبكم له 3 سنين عاطل
طولي 177 نسبتني 77.19 معاي دبلوم حاسب ست شهور بتقدير ممتاز النسبة 96
وش رايكم مقالي طويل ههههههههههههه
مع التمنيات والتوفيق لكم جميعاً
|
العرض الشجري
