راسلي الخاص

لاتتورط
اذا بتستثمر لاتستثمر بدين الا اذا كان عندك دخل يقدر يوفي لك الدين
ترى احتمال الخسارة وارد فانتبه

وش رايك بمصنع بلاستك في الرياض
دخله تقريبا من 35 الى 40 الف شهري
اذا ناوي عليه ارسلي ايميلك على الخاص
وارسلك التفاصيل

اخواني اللي شرفوني بمشورتهم وافكارهم

شكرا للجميع من القلب


انا من الشرقيه ولا زلت اتطلع للمزيد من الافكار

الله يوفقك لكل خير

وين افكار العباقره

[align=center]
اذا اردت تحقيق ارباح عاليه لاتسوي مثل مايسوون الناس
نصيحه من الوالد ( لان الي يسوونه الناس سهل ورخيص )
تحياتي
[/align]

يد وحده ما تصفق رح شف لكـ شركاء وأشتروا لكم عمارة سكنيه شقق مفروشه في مكه وبإذن الله منت خسران في المشروع هذا ما دام الأرض مباركهـ

اخوي بما أنك ملزم بالسداد وبدفعات كبيرة خلال مدة قريبة فأنا احذرك من فتح محلات لأنه مستحيل تغطي تكاليف فتح المحل من الأرباح خلال المدة اللي ذكرت .. لذا أنصحك أخوي بالتجارة في السيارات .. ولا شي غيرها .. لأن ميزة السيارات انها شيك في مخباك و يمكنك الشراء و البيع بربح خلال مدة قصيرة جداً .. لكن طبعاً اذا قلت لك السيارات موب معناه ان كل السيارات ينفع التجارة فيها وأن أي سيارة تلقاها بأقل من سعرها راح تكسب فيها .. لا أبداً خصوصاً ان حراج السيارات له حوالي 4 شهور وهو ميت بشكل موب طبيعي بسبب انصراف الناس للبيع عن طريق الإنترنت وبالتحديد موقع (حراج ) بحيث صار اعداد الشريطية في حراج الشفا والنسيم اكثر من حاجة السوق بكثير .. لذا انا انصحك بطريقتين فقط
1 - استيراد السيارات من دول الخليج ثم تعرضها في النت عن طريق موقع حراج ..
وعندك 3 دول وهي كالتالي :
1 - الكويت .. وهي مشهورة بأنها ارخص منا في 4 سيارات تقريباً وهي( الفورد فكتوريا ) و ( الميركوري جراند ماركيز ) و ( البرادو ) و ( الباجيرو) احياناً .. و هالسيارات اللي ذكرت لك منتشرة عندهم جداً لدرجة أن الباجيرو منتشر عندهم أكثر من اللاندكروزر .. وباقي أنواع السيارات حنا أرخص منهم .. لكن حاول تسعر السيارات دايم لأن احياناً أسعارها ترتفع عندهم أو احياناً أسعارها تنخفض عندنا ... و احذر ان تشتري من معارضهم لانها غالية مرة .. وانما اشتر من حراج الجهراء .. وهو يأتيك على يدك اليمين وانت جاي من السعودية من منفذ حفر الباطن (الرقعي ) ومتجه للجهراء بالقرب من سكراب السيارات .
2 - قطر .. وهي ارخص منا في جيوب اللاندكروزر والشيصان و الهايلكسات .. وبصفة أكثر الهايلكسات لأن الجيوب اسعارها طايحن عندنا الحين وفي نفس الوقت مطلوبة عندهم .. واما الهايلكسات فهي غير مطلوبة عندهم بسبب رخاء الشعب الله يديم لهم شيخهم أبو مشعل و شيخهم تميم و يهدي الربع اللي عندنا .. واللي مقوم سوق الهايلكسات المستعملة عندهم هم السعوديين .. وللعلم ترا اخر موديلين ماعليها جمارك في كل دول الخليج وانما تدفع فقط رسوم مقاصة حوالي 300 ريال .
3 - الإمارات .. وهي ارخص منا في سيارات كثيرة جدا وسوق السيارات عندهم ضخم جداً .. لكن يعيبها طول المسافة وحاجتك للسكن بالإمارات .. بعكس الكويت التي تستطيع ان تسكن في الخفجي او حفر الباطن وتروح لحراجها العصر وترجع في نفس اليوم للخفجي او الحفر .. وكذلك قطر القريبة نسبياً من الأحساء .. كما انك اذا دريت عن سيارة معينة في قطر مثلاً تستطيع تمشي من الرياض بعد الفجر تصبحهم الساعة 8 الصبح وتخلص اوراق السيارة وترجع للرياض في نفس اليوم .. كلها حوالي 430 كم من الرياض الى حدود قطر .. وحوالي 60 كم من حدود قطر الى المعارض .. اصلا ميزة المعارض في قطر انها تجي على يمينك ويسارك قبل الدوحة وانت جاي من السعودية .. يعني حتى لو حاولت تضيع منتب قادر :D لكن اذا ما عندك سيارة معينة في قطر فالسكن فيها افضل من الأحساء لأن بتلقى في قطر سكن رخيص بحوالي 200 ريال في اليوم في وسط الدوحة بعكس الكويت التي السكن فيها نادر وغالي جدا .. وللعلم ترا حراج قطر في شارع إسمه شارع 10 يقع في الصناعية لكن عيبه ان السيارات فيها قليلة مقارنة بحراجاتنا والشارع صغير بعكس حراج الكويت مثلاً الذي يعتبر كبير مقارنة بحراج الكويت

واصحك ان تبدأ مؤقتاً في الهايلكسات من قطر لأن ميزة الهايلكسات عندنا انها تباع بسرعة خيالية وماسكة سعرها بحيث حتى لو تأخر عندك ما راح يطيح سعره .. لكن ترا قطر عندهم هايلكسات مكينتها حجمها 2000cc إنتبه منها لأنك بتجدها رخيصة هناك لكنها غير مرغوية عندنا ولو بريال .. فلا تأخذ إلا اللي مكينته حجمها 2700