والله معاناتكم يا حقين الحاسب نفس معاناتنا اللي تخصصنا محاسبه

اذا جيتهم قالو نبي لغه واذا صار معك لغه قالو نبي خبره ولو جبت الخبره اكيد بيلقون لهم عذر جديد

حسبي الله ونعم الوكيل على هالاجانب اللي ضايقونا برزقنا وبديرتنا كل هالمصايب من ورا روسهم

كل المقابلات اللي سويتها كانت مع اجانب

الله يوفقكم ويوفقنا

الله يوفقكم ياشباب بس اذا تبون نصحيتي الي معه حاسب ياخذ شهادة انجليزي ويشباب صدقوني الي يجذب الرزق الله سبحانه وتعالى ومن ثما المحافظه علا الصلوات الخمس وكثر الذكر والاستغفار حافظو علا الصلوات وكثرة الذكر والاستغفار وافعلو الاسباب وراح تتذكرون كلامي
الله يوفقكم جميعا

تسلمون ياشباب والله معاناتنا مايعلم فيها الا الله

بالنسبه لخريج كلية المعلمين ياغالي انت مادخلت في حصر المعلمين الي صار هالسنه ؟؟

انت متخرج من سنتين ولك احقيه في الحصر ..

انا اعرف شباب كثير تخرجو من كليات المعلمين وكانت معدلاتهم ماشاء الله عاليه وكلهم راحو بعثات

والله يوفق كل حقين الحاسب والمحاسبه


وحسبي الله ع الي يفضلون الاجنبي على السعودي

بالنسبة لدورة CCNA :: هي كورسات حاسب وشبكات مكثفة

وين نقدر ناخذها هالدوره ياشباب .. وكم مدتها وكيف اسعارها الله لا يهينكم ؟

نبغى نتعاون كلنا سوا وان شاء الله اننا نحاول بهالموضوع ادراج الدورات المفيده لخريجين الحاسب عامتاً

التعاون ياشباب بعد التوكل على الله

استغفر الله العظيم لا اله الا هو وحده لا شريك له

وظائف جامعة الباحة والنتائج حقتها بهالموضوع ..

رد 36 ..

https://www.btalah.com/t209320-3.html

طبعا انا هذي نتيجتي ..

حالة الطلب مستبعد

السبب :

عدم توفر الخبره المطلوبه للوظيفه


الخبره هذي صرت احلم فيها ليل ونهار ؟

من وين نجيب الخبره ياناس وانتو مو راضين توضفوونا !!!!

حسبي الله علييييييييييهم

فعلاً الحاسب الآلي كان مستقبل مضمون وتخصص مطلوب جداً

بس متى قبل 8 أو 9 سنوااااات

يكفي أنه من يتحصل على دورة icdl كان يعطى مرتبة كااااااااملة

واللي يتخرج من كلية معلمين يتعين بناءً على رغبته الأولى

وهذا لم يعد يحصل منه الآن شيئا


المفروض على جميع خريجي الحاسب الآلي في الوقت الحالي , أن يرددوا



(( القطاااااار وفاااااتنا ))
(( القطاااااار وفاااااتنا ))
(( القطاااااار وفاااااتنا ))
(( القطاااااار وفاااااتنا ))
(( القطاااااار وفاااااتنا ))
(( القطاااااار وفاااااتنا ))
(( القطاااااار وفاااااتنا ))

هذا حال الدنيا
واحمدو ربكم على الاقل اخذتوا البكالوريوس لان فيه غيركم عاطل 10 سنوات وشهادته الابتدائية
(( قالها علي بن محمد / كلن يغني على ليلاه .. ))
واتمنى من الجميع مايتضايقوا من الخبرة
الدعوة تعقيد وبس
انا لي خبرة في شركة ولي خبرة في عمل حكومي ولا فادتني بشي

حـاسب آلي بالعكس الشركات تبي حاسب . / بس مو تجيب ثلاث شهور وماعندك سالفه لآزم تكون [ كنــ حــاسب ــق ] يعني الطباعة ع الاقل لازم تكون عندك 10/10 ولا يازين الحــأسب للي فاهمها .

ياخي ليش ماتكمل ؟؟ ليش ماتكمل دراسه الحاسب مجاله وااسع كمل دراسه جيب شهايد لا تجلس كذا تنتظر رزقك يجي عند باب بيتكم

والله الشغله ارزاق
وثاني شي واسطه بعد توفيق الله سبحانه وتعالى
انصح كل خريج ان يخصص معظم وقته للبحث عن واسطه وخذ السبب عندك((قدمت على مليون وظيفه وفي كل مره يقولون اخذوها ناس اعلى منك درجات ولكن للاسف وليتني لم اعرف في آخر تقديم نفس العباره اخذوها ناس اعلى منك درجاتهم وبصدفه تعرفت على واحد من الناس الي انقبلو لا يحمل الا الشهادة الجامعيه وخريج حديث ومعدله اقل من 3 مع العلم اني املك خبره سنه وسبع شهور وشهادة لغه ودورات في معهد الاداره ومعدلي اعلى منه ))؟؟؟؟؟
لالالالالالالالالالالالا تقول ما يصلح
انا يا محاكيكم مابقي الا اقدم في جورجيا