فكرة شراء شاحنات من الخارج

عاطل بس عفيف · #1 (**permalink**) 04-08-2010, 02:12 AM

السلام عليكم ورحمة الله وبركاته

أحبتي في الله نكتب لكم

من باب

حب لأخيك ما تحب لنفسك

أحب أن اطرح عليكم فكره

قد تفيد البعض وخاصة من أراد البحث عن تجاره وزيادة دخله او تكوين رأس مال له

البعض قد تغيب عنه هذه الفكرة الاستثمارية

والبعض قد يكون على علم بها

والبعض قد تكون جديدة عليه

ولكن نطرحها لكم

للفائدة

ولا نريد منكم سوى الدعاء

وقبل البداء هناك أساسيات وهي

1- استخارت الله عز وجل قبل الأقدام على أي شي في حياتك

2- دراسة الموضوع دراسه جيده على ارض الواقع واستشارة اهل الخبره والمثل يقول ( من شاور الرجال شاركهم عقولهم ) والبعد عن الأحلام والتهور

3- البعد عن الدين لانه ممحقة البركه

نبداء مستعينين بالله

بطرح الفكرة او الفرصة الاستثماريه على شكل سؤال وجواب وأسلوب حوار كي نستطيع إيصالها وشرحها بالشكل المطلوب

الفرصه الاستثماريه هي

عباره عن شراء رؤس شاحنات مستورده من اوربا

س- طيب يابو امل كم سعرها وتكلفتها ؟

ج- راح نبداء بأقل سعر وهو من 80 الف اللي 90 الف ريال واصله الي ميناء جده الاسلامي وممكن يكون المبلغ شامل حتى الجمرك

س- وش نوع الشاحنه وش المطلوب بالسوق وكيف اختارها وانا ما اعرف شي عن الشاحنات ولا لي خبره فيها وكم تباع في السعوديه ؟

الشاحنات كثيره ولكن نبداء بالمعروف والمرغوب في السعودية وهي شاحنات مرسيدس اكتروس والأرقام الملطوبه 1840-1843وبعدها تجي شاحنات المان

تختارها ياطويل العمر عن طريق مواقع مزادات أوربيه معروضة صورها وسعرها مثل ماهو موضحه بالصوره

[IMG]http://www.******.com.sa/vb/images/statusicon/wol_error.gif[/IMG]هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 825x590 الابعاد 98KB.

[IMG]http://www.******.com.sa/vb/images/statusicon/wol_error.gif[/IMG]هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 805x578 الابعاد 64KB.

وبعد ما تختار لك راس شاحنه تدور حولك ومن ربعك اللي شغال في المعدات وتستشيره عليها وتسعرها في السوق كم تسوى الشاحنات اللي مثلها وبعدين تشوف لك وسيط ولازم يكون تعرفه ابعد عن النصب والاحتيال اسئل حولك وسوف تجد من يدلك ولا تسلم مالك وعقلك لاحد وبعد ما تقرر تشتري راح يكون هناك وسيط يعرف صاحبك اللي في السعودية واذا لك احد من أقاربك أو معارفك ممكن ما تحتاج لوسيط وفائدة الوسيط هو من سوف يوم بفحص السياره والكشف عليها وعلى جميع اوراقها والتأكد من موديلها وجميع مافيها من بودي ومكينه يعني حالة السياره بشكل عام ورقم شاصيها وهذا مهم جداً لانهم يختلفون عنا في السعوديه هم يسجلون الموديل بتاريخ التشغيل يعني سياره انتاجها في عام 99 ولا اشتغلت الا في عام 2000 يسجلون موديلها 2000ولكن حنا في السعوديه نسجل الموديل حسب تاريخ الانتاج اسعار رؤس الشاحنات وحسب ما سمعت انها من 110000 ريال الي 130000ريال ممكن تزيد وممكن تنقص وهذا حسب ما وصلني ونحسب على اقل تقدير انه 110000 ريال وانت مشتري السياره ب 80 الف مكسبك 30 الف ريال طبعا السياره اذا وصلت لا تستخرج لها لوحات ولا تفحصها اعرضها للبيع مباشره وخلنا نفرض انك بعتها تقوم تستورد تريله ثانيه بس افضل منها موديل لانها يكون سعرها اغلى في البيع في السعوديه يعني لو اشتريت وحده موديل 2002 او 2003 ونقول انها كلفتك 95 واصله الي السعوديه بكم اسعارها هنا حسب ما وصلني انها من 140 الف اللي 150 الف خلنا نقول 135 الف يعني مكسبك فيها 40 الف والباقي عندك من البيعه الاولى 15 الف مجموع المكسب 55 الف ريال خلال تقريبا من 3 اللي 4 اشهر وحسب ما وصلني ان مدة الشحن وتخليص اوراقه من 21يوم اللي 25 يوم تقريبا وتكون السيارة عندك وبعدها اشتغل جيب سياره ثالثه ورابعه حتى ينتهون الافراد اللي مسجلين في دفتر العائله للوالد الله يحفظه لانه المسموح لك تستورد سياره وحده في السنه حسب ما اعرف الا عن طريق مؤسسة استيراد فما عندك مشكله بس انهم اكيد بياخذون عليك عمولتهم

طيب لو فرضنا انك استورد10 شاحنات ومتوسط ربحك فيهم 30 الف يعني مكسبك في ال 10 سيارات 300 الف وقلنا متوسط يعني ممكن وحده تبيعها بمكسب 40الف وحده بمكسب 20 الف وهكذا

س- طيب ممكن السياره ما تنباع ولا تجيب لي القيمه اللي ابيها ؟

حلو ياطويل العمر انت مشتري السياره من البدايه انها لك وانك تبي تستخدمها لو استخرجت له لوحات تكلفك 1000 ريال وفحص 250 ريال وممكن فلتر زيت واديتر اذا كان الاديتر اقل من 3 طبق المهم الحين تشتغل بسيارتك على راحتك

س- وبعدين وش اسوي فيها وكيف اشغلها وانا ما معي الا هل 80 الف ريال اللي حطيتها فيها أخليها واقفة ولا وش اسوي ؟

ج – لا يا طويل العمر ما عندك فلوس تشتري سطحه ممكن تستأجر وحسب ما وصلني انهم يأجرون السطحه بسعر من 1000 ريال اللي 1500 في الشهر وتشغلها في مثلاً نقل علف لو حسبنا الاجره من تبوك للمدينة سعر البالة ريالين والتريله تشيل 850باله يعني 1900ريال لو افترضنا شغلك خفيف ولا تشتغل في الشهر الا 10 ايام فقط يعني 19 الف ريال خل السياره وسائقها يكلفون عليك في الشهر 9 الاف وصافي لك 10 الاف يعني لو اشتغلت في السنه 10 اشهر وشهرين هذي موقفه السياره راح يكون محصولك 100 الف ريال

طبعا لا تنسى إن السيارة ما تخليها تروح فاضيه لتبوك تسجلها مثلاً عن أي مكتب تحميل عفش او تسجلها مثلا في أي شركة لصناعة البلوك وخلنا نقول مثل مصنع الميمني سعر الحموله من 700 ريال اللي 900 ريال خلنا نقول هذي مصاريف السيارة والسائق

عاطل بس عفيف · #2 (**permalink**) 04-08-2010, 02:13 AM

نكمل الحوار

س- طيب ليش اشغلها سطحه ولحسابي ليش ما اجرهاعلى شركه وافتك منها ؟

ياطويل العمر المثل يقول ما يحك جلدك مثل ظفرك يعني الشركه ممكن يستأجرونها منك طبعاً بعد ما تكلفك اما صندوق قلاب او تيدر ماء خلنا نقول بالشهر 15 الف لكن الشركه ما يحافظون على سيارتك ويحملونها فوق حمولتها يعني ماشين على المثل اللي يقول ثوب ماهو ثوبك جره على الشوك الا من رحم الله

وبعدين شغل السطحه هو اقل خرابات وممكن اذا انت فاضي ما يحتاج لك سواق ولا شي اشتغل بس 10 ايام في الشهر و20 يوم خلها نوم لو افترضنا انك اشتغلت في السنه 100 يوم فقط و265 يوم الباقيه من السنه مريح يعني دخلك 200 الف ريال وعطني تجاره تدخل عليك 200 الف ريال وانت راس مالك قليل ومبتدء ب80 الف ريال يعني 120 الف ريال مكسب فوق راس المال

س- طيب يابو أمل الفكرة دخلت مزاجي وش عندك من معلومات وتفاصيلها ؟

ج- ابشر بسعدك اول شي الموديلات المسموح فيها هي من موديل 2000 وفوق

وانواع الشاحنات كثيره يا طويل العمر منها مرسيدس ومنها المان ومنها الفلفو هذا المتواجد عندنا بكثره

افضلها المرسيدس وهو المرغوب وله بيعه في أسواقنا لانه قطعه متوفره ولكن المرسيدس الاوربي انواع ومقاسات وانا ما عندي خبره ولكن حسب ما سمعت ان الاحجام المرغوبه هي مرسيدس الاكتروس 1840-1834-1844بس انتبه فيه انواع منها حسب ما سمعت ماهي المانيه يعني تجميع دول اخرى ولا هي مرغوبه ولا لها قطع عندنا مثل هذي مرسيدس اكسرLS AXOR) 1840) وهذي صورتها

هذي المانيه تجميع تركي وتحصلها بسعر رخيص وموديل حي مثلا2003 او-2002 بسعر 80 الف ابعد عنها لانك تدور المرغوب في السوق

وفيه انواع فل كامل من المرسيدس الاكتروس مثل فل كامل ونصف فل الفل كامل ماهي مرغوبه المطلوب هو نصف الفل وايضاً القير نصف اتومتك وفي احجام الغماره المرغوب الغماره الكبيره وهذي اسمح لي ما اعرف انوعها ويوجد نوع من الاكتروس غير مرغوب فيه يسمى لو لاينر ((Low Liner )) وهي تجي في جميع موديلات اكتروس

وهذا النوع يجي منافيخ أمامي وخلفي وليس سست أمامي ومنافيخ خلفي ودائما تكون نازله وقريبه للأرض وعلى فكره سعره رخيص مقارنه بالعادي وهذا ممكن يغري البعض في الشراء وهذا الكلام منقول عن الأخ Fars11

وهذه صورها لها

وهنا شرح بالصورة للخبير فهد 111 في احد المواقع على شاحنات مرسيدس

سوف يكون عن توضيح الفرق بين ***** والعادي وبين الرأس والشاص وبين نوع الغمارة ) الكابينه (

نبدأ بالصور والشرح عليها

[IMG]http://www.******.com.sa/vb/images/statusicon/wol_error.gif[/IMG]هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 687x600 الابعاد 49KB.

[IMG]http://www.******.com.sa/vb/images/statusicon/wol_error.gif[/IMG]هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600 الابعاد 74KB.

[IMG]http://www.******.com.sa/vb/images/statusicon/wol_error.gif[/IMG]هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600 الابعاد 87KB.

[IMG]http://www.******.com.sa/vb/images/statusicon/wol_error.gif[/IMG]هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600 الابعاد 89KB.

وهذي صورره للمرسيدس اكتروس

[IMG]http://www.******.com.sa/vb/images/statusicon/wol_error.gif[/IMG]هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 805x578 الابعاد 64KB.

وهذ صوره للمان

س- طيب يابو أمل ماعندي قيمة راس تريله وش اسوي وفكرة الاستيراد داخله مخي واللي عندي مبلغ بسيط حول ال 40 الف ؟

ج- حلو ياطويل العمر وبداية ال الف ميل خطوه يعني

ممكن تستورد لك سياره صغيره مثلا فورد وحسب ما سمعت ان تكون رخيصه واقل مكسب فيها 10 الف ريال

او جمس يوكن وقد استفسرت من واحد جايب له جمس 2002 بسعر 28000ريال وباعه بسعر 45 الف ريال يعني مكسب 17 الف ريال وسمعت انه بالصاله ممكن يكون سعره من فوق ال 50 الف ريال طبعا أي سياره تستوردها لا تركب لو حاتها ابداً لانها تنقص قيمتها ومثل ما اتفقنا في السابق ابعد عن النصب والاحتيال لان النصابين واجد وعلى قولة اخونا المصريين ( اللي يسئل مايتوهش ) يعني لو الله كتب لك فيها رزق ومشت معك وقدر تستورد 10 سيارات ( وكرت الشايب موجود) لانه ما يسمح لك باكثر من سياره في السنه حسب ما سمعت وقلنا 10 سيارات بمكسب 10 الف الربح 100 الف صافي غير راس المال وهو 40 الف

ملاحظات على هامش هذه الفكره والدراسه

1- البعد عن الأحلام وأكل التمر حبه حبه يعني أخي الكريم لا تقابل الشاشة وتغريك الأرقام المكتوبة وتجلس تضرب في الأرقام وتجمع فيها وراح تطلع معك أرقام خياليه ومكاسب فوق ما تتوقعه ولكن هل ممكن التطبيق على ارض الواقع

2- هذه الفكرة هي استشاره طلب مني احد أصدقائي بدراستها من جميع النواحي وهذا الحديث الذي دار بيني وبينه انقله لكم من باب المحبة

3- جميع الأرقام والموديلات والأحجام قد لا تكون صحيحة 100% ولكن المقصود هو إيصال الفكرة وخاصة أن المعدات الثقيلة أصبح عليها طلب في السنوات التي نعيشها ألان بسبب المشاريع القائمة في البلاد

4- هذه الفكرة ممكن تخدم من يريد شراء سيارة للماء لحلاله بأسعار رخيصة

5- جميع ما ذكر أعلاه هو عبارة عن فكره فقط وهي اقرب للخطاء من الصواب من أراد أن يقدم عليها فا عليه دراستها بشكل أفضل من ما ذكر أعلاه وعلى شكل أوسع

وفي الختام

أفضل الصلاة التسلم على سيد المرسلين وعلى اله وصحبه أجمعين

كتبه

الفقير اللي عفو ربه

أخوكم

أبو أمل

</B></I>

للأمانه منقول.

عاطل بس عفيف · #3 (**permalink**) 04-08-2010, 02:16 AM

اسف على الاطاله

ولكن احاول ان اضع جميع ما لدي من معلومات حول هذا الموضوع

بعض المعلومات وحسب ما سمعت
1- الوسيط او من يقوم بفحص السياره وتخليص جميع اوراقها ياخذ اتعاب من 500 الي 1000 يورو
2- شركات الشحن تتعامل بالدولار وحسب ما وصلني ان سعر الشحن 2500 دولار
3- سعر الجمارك 5% من قيمة السياره في سنة انتاجها

مثال
لو حصلت سياره بسعر 11000 يورو علما ان سعر صرف اليورو اليوم 5.39ريال
11000×5.39= 59290ريال
هذه سعر مشترى السياره
بعدها اضف عليها المبالغ المذكوره اعلاه وسوف تستخرج مبلغ التكلفه التقريبي
ذكرت هذا المثال حتى تكون على علم وبينه

وتقبلو تحياتي وتقديري للجميع

</B></I>

حي السفارات · #4 (**permalink**) 04-08-2010, 02:19 AM

الله يرزقك الجنه اخوي ابو امل موضوع متعوب عليه وصراحه الاستيراد من الخارج خصوصا السيارات مربح للغايه خصوصا السيارات الى تجي من الخارج شبه جديده

حالي غريب · #5 (**permalink**) 04-08-2010, 02:40 AM

[align=center]جزيـت خيراً أبو أمل[/align]

طحيمر فون · #6 (**permalink**) 04-08-2010, 03:36 AM

جزاك الله خير ! ياليت تعطيني تفاصيل اكثر للي يبغي يجيبة بنفسة
يعني ذكرت الطيران
الدولة التي توجد فيها الشاحنات النظيفة
طريقة الفحص
المواقع في الانترنت
لاني ناوي علي هالمشروع

عاطل بس عفيف · #7 (**permalink**) 04-08-2010, 04:04 AM

اقتباس:

المشاركة الأصلية كتبت بواسطة طحيمر فون

جزاك الله خير ! ياليت تعطيني تفاصيل اكثر للي يبغي يجيبة بنفسة
يعني ذكرت الطيران
الدولة التي توجد فيها الشاحنات النظيفة
طريقة الفحص
المواقع في الانترنت
لاني ناوي علي هالمشروع

انا ناقل الموضوع / للفائده لكن بعد البحث تبين لي المانيا وهولندا .
في شركات هناك تبيع باسعار معقوله عاد طريقة الفحص مدري لكن يضمنون لك الشاحنه
او المعده
المواقع / BAS TRUCKS في هولندا في جنوبها
المانيا بحثت لكن البحث مستمر
التذكره عاد اسال الخطوط السعوديه

عمر شقراء · #8 (**permalink**) 04-08-2010, 08:58 AM

جزاك الله خير اخوي
والله كنت ناوي احط موضوع عنه
انا خضت التجربة شخصيا يعني كلامي من واقع تجربة
الارباح مافيه زي اول قبل سنة الارباح من 10 الاف الى 15الف
انا شريت مان موديل 2000 حجم 414 19 غمارة نازلة من الامام سست ومن الخلف منافيخ ب55الف ريال
والشحن ب10600ريال والوسيط طبعا سعودي 1000يورو والجمرك ب6500ريال واجور الميناء 200 ريال واجرة المخلص 400 ريال وقيمة سيارتي في السوق من 80الف الى 90 الف
واذا بغيت تشغلها عندك استمارة وتامين
وتغيير الاديتر الى اربع رصات بدل رصتين ب1800 وتغيير البلف الى حجم 60
واذا بغيت ترفع القاعدة اللي تبع الرحى وتزيد ريشة في السست اللي في الامام يكون افضل
وتسوي فحص كامل وعلى الليات وتتوكل على الله واذا بتشتغل قلاب لازم تركب طرمبة قلاب اذا ما هي موجودة وقيمتها حوالي 4000ريال واذا هي موجودة شيك عليها
والكفرات اذا جمعت فلوس غيرها على طول
وانتبه من الوسطاء العرب وانتبه من السوق الحرة في الاردن ترا فيه نصب موطبيعي يغيرون المكاين وانت ما تدري
والحين الناس فتحوا كان من اول مايستورد من المانيا الا الشريطية والا اللي يبغى يبيع
الحين صار اللي يبغى يشتغل يستورد تريلة ارخص له من السوق بحوالي 10 الاف ريال
وبالتوفيق

محمد الطميحي · #9 (**permalink**) 04-08-2010, 05:23 PM

ما شاء الله
موضوع قيم

فيصل فرج · #10 (**permalink**) 04-08-2010, 11:38 PM

شكرا لك على هذا الموضوع القيم والشكر موصول لعمر شقراء على الإضافة ...........

بقي في الموضوع مسألة عناوين المواقع على الانترنت .........؟؟؟؟

بالنسبة للسيارات الصغيرة كلها تجي من امريكا وما شفت سيارات صغيرة تجي من دول أخرى ....!!

لفت نظري في الموضوع نقطة الأعلاف لأني شفتها تباع بـ 15 ريال وفوق .... فهل الشاحنات يأخذونها من تبوك بريالين ثم يبيعونها كما وجدتها بـ 15 وفوق ..........؟؟؟؟