السلام عليكم ورحمة الله وبركاته

بدون مقدمات ابغى رايكم ويفضل من اهل الخبره في هذا المجال

عندي اخوي مصري طبعاً مو على كفالته شغال مؤقت في بقالة اخوي

المصري دين وطيب ورجال عنده عزة نفس من خلال السواليف معه

هذا اخونا المصري كان شغال في شركة الدقل وهي شركه سعوديه معروفه تخصص ملابس رجاليه واحذيه

اعزكم الله من الجلود الحيوانيه

وكان مدير المصنع لشركة الدقل وكان هو كبير المهندسين لكن حصلت مشكله وقرر يشتري كرامته وعزت

نفسه وسحب على الدقل

هو ما يبغى البقاله وعرض عليّ إنشاء مصنع للحذيه اعزكم الله طبعاً المحل عندي ومتوفر والجلود انا

اللي اتكفل بها وهو عليه المكائن يجيبها عن طريقه

وبصراحه لحس مخي ويقول مكسب مضمون والأداره عندي وازهل المصنع من خلال خبرته

المصري ما نزكي على الله احد ومن خلال سواليفنا القديمه طلب مني اروح اسال عنه في شركة

الدقل وهم راح يعلموني عنه لاني امزح معه واقول انت لاعب وطردتك الدقل "اسلوب عس النبض"

ويحلف بالله انا الدقل يبغاه لكن هو رفض الرجوع

المطلوب منكم وش رائكم ولو كنتوا محلي ويش تسووووووون ؟

وهل المشروع مربح كون المكائن بلاش و المهندس موجود

وياليت نسمع من اهل الخبره اللي سبق العمل لهم في هذا المجال

انتظر ارئكم

تقديري ,,

توكل علي الله لكن قبل تتوكل سوي دراسه جدوي للمشروع وروح اسال وشوف
واتمني لك توفيق

بنت الطنايا

مشكورة ودراسة الجدوى إن شاء الله نسمعها من اهل الخبره في هذا المجال

والمشروع مثل ماقلت نادر نسمع فيه وعسى الله يرزقنا من اهل المنتدى من يدلنا وينورنا فالبدايه

وقبل ذلك كله هل نقدم على هذه الخطوه ام لا ؟؟؟

توكل على الله
المصريين عندهم أخلاص عجيب

هلا اخوي محمد الوهيبي وبصراحه اسلوبك اعجبني

والمصري اخلاقه عاليه جداً وكبير فالسن واهل الحي يثنون عليه وانا ومعي الكثير مرتاحين له مع العلم باني حريص جداً

ودائماً ما اخلي لاحد فرصه علي لو كان من كان

ومن ناحية اسال عنه بصراحه ما سالت عنه وهذا المفروض وباذن الله راح اسال عنه

وهو مهندس وصاحب الشغله وكان الكل فالكل وعنده معارف كثير من اصحاب المهنه

وقد سالته ليش ما ترجع للدقل واللي فات مات

قال انت ما خذها بالبساطه ديه لو رقعتش راحوا يشمتوا فيه ويولوا بص رقع غصبن عنه وهو مكسوف من عملته

طبعاً اللي يشتمون فيه زملاءه فالعمل بالنسبه كونه مدير على الكل

وسبب تركه فتح مصنع في مصر صاحب الشركه بعد ماشار عليه لكن العماله خذلوه وخسر المصتع في مصر

مع العلم المصتع اللي فالسعوديه كان مديره وشغال ميه ميه

ولما رجع من مصر وقفلوا المصنع صار اختلاف بينه وبين الدقل وقرر المصري الأنسحاب من العمل

وهذه رؤس اقلام عن سبب الترك

والمكائن هو اللي يجيبها انا مالي صلاح وبصراحه ما ادري كم قيمتها

وشغلته فالبقاله مؤقت لين اخويه يحصل عامل بس اخوي ارتاح له وللأمانته

مع العلم البقاله خسرانه هههه لا تقول من المصري ماله ذنب

وهو يبغى يسافر وإذا جاء من السفر يدور عمل ثاني

ولو وافقت وفتحت المصنع راح يبطل السفر ويجيب العماله الفاهمين عن طريقه ونبدى على بركة الله

توكل على الله

فيزيائي يادنيا
شوف اخوي اولا : صل ركعتين استخارة .
ودامك انت رجل اكيد بتوقف على حلالك بنفسك وتشرف عليه وتعرف طريقة العمل والتسويق وكل شئ .
علشان بعدين ماحد يستغفلك بامور المصنع مثل ما يُقال ( حرّص ولا تخوّن )وباذن الله تلقا الراحة في الشطارة وادارة عملك وحده بوحده مع شريكك وبالتوفيق لك

السلآم عليكم ورحمة الله وبركآته


أخوي أول شي التجاره مافيها مجامله

الشي الاخر نصيحه مني تبي تأسس مصنع ادرس دراسه دقيقه لآن كلمة [ مصــنـع ] مو بالسهوله اللي تتوقعها


بالنسبه للمكائن خذ هذا الرقم من باب الاستفسار فقط

مخالف

رقم يبيع المعدات بالاردن


وربي يوفقك بس خلك مصحصح زيــن


وتذكر

من باع غيرك يبيـعك


تشآأآأو