السلام عليكم ورحمة الله وبركاته
صبحكم / مساكم الله بالخير جميعا
الاحد اللي فات كان عندي مقابلة توظيف في شركة زين لتخصصي واللي هو التسويق
انا خريج جديد هالسنة وجابوا سيرتي عن طريق موقع بيت للتوظيف اللي انصح اي واحد يحط سيرته فيه
المهم رحت وجلست يمكن نص ساعة انتظر وبعدها جاني المسئول عن المقابلة ودخلني غرفة اجتماعات كبيرة وكان هالشخص سعودي من قسم الموارد البشرية وواحد ثاني لبناني من قسم التسويق
طبعا بعد السلام والسؤال عن الاحوال سالوني تتكلم انجليزي قلت ايه
وبدت المعركة
حق الموارد البشرية اسئلته واضحة ومحترمة عكس اللبناني اسئلته كلها صعبة ومعقدة لو كانت بالعربي وشلون عاد وهو كان ينتظر الاجابة مني بالانقليزي
من اسئلته:
اوصف شركة زين بكلمة وحده؟
اوصف الاتصالات بكلمة وحده؟
اوصف موبايلي؟
وش رايك بالعلامة التجارية لزين؟
وش رايك بالموقع السوقي لشركة زين؟
وشلون شركة زين تحسن من مركزها السوقي وتكسب العملاء ؟
وسئلني وش شريحة جوالك قلت له الاتصالات
حق الموارد عطاني تمرين وقعد يكتب اجاباتي
والسؤال كان عدد خمسة استخدامات للملعقة انا جبت اربع وانبهر مني
وسئلني وشلون صرت تتكلم انجليزي بطلاقة وانت خريج جامعة الملك سعود
قلت له لغتي مهيب من الجامعة
قال تحب تشتغل مع جماعات ولا لحالك قلت اذا كنت اثق فيهم اكيد بشتغل معهم
وبالاخير قال عندك اسئلة
قلت هل الوظيفة بشركة زين نفسها قال ايه
وسالته عن مسماها الوظيفي قال المسميات حق التسويق كثيرة
وقال انت اول واحد بدينا بمقابلته وبعد ثلاث اسابيع بالكثير بنرد عليك
ادعو ياناس ان الله يرزقني بالوظيفة
عذرا على الموضوع المخربط بس والله ودي يستفيد الناس من اسئلة مقابلتي والطريقة ايضا
الله الله عاد بالتفاعل بالردود

الله يوفقك ويرزقك من فضله


أهم شئ العلامة التجارية , قولهم انها تجيب الكئابة لهندسة عطالة

خلهم يغيرون لونها

الله يوفقك يا رب


دعواتي لك !!

بالتوفيق ان شاءالله والاجانب ذولا ماخلو مكان الا وتوضفو فيه وجع

ربنا يوفقك ويكتب لك الخير ..

بالتوفيق لك

والله انصدمت من الاسئلة لو مدير تنفيذي اش بتكون الاسئلة خخخخخخ

الله يوفقك ان اشاء الله ويكتب لك الخير فيها

اقولك اكتب الاجوبة اللى انت قلتها له خلنا نشوف الابداعات