هلا وغلا باخوي التغيير
في البدايه الله لايهينك ولاعليك زود طال عمرك
انا لا اخفيك الوضع ان الفكره تدور في راسي وانا ابحث عن شريك ممول
والمبلغ اللي معك يوفر لك الكساره والمعدات لو تستاجرها في فتره بسيطه بتطلع حقها
والله يالكساره انها مشروع وفكره بماء الذهب واذا مشت بعد توفيق الله فدخلك اليومي من 20 الى 25 الف
وانا لي معارف بالنسبه للثروه المعدنيه للتراخيص والكساره والمعدات
سواء في الداخل او الخارج وعلاقاتنا مميزه وقويه
واسال الله ان يرزقك ماتتمنى وانت في احسن حال
ودمت بود الله ورعايته
اخوك
رفحاوووي.

حبيبي الكسارة اقل مبلغ 2000000 ريال انتاجها 200 متر في اليوم
الكسارة مشروع ضخم ومربح ويحتاج راس مال كبير
تقدر تفتح كسارة اذا معك مبلغ مليون ريال
وتستاجر بوكلين دقاق و3 قلابات سقس وبلدوزر وشيول كبداية
بعدين تشتري المعدات من ارباحك
مصنع البلك برضو حلو
ومشروع الدواجن احلى واحلى والخير واجد
بس توكل على الله واعزم واسال اهل التجربة ليس اهل دراسات الجدوى ترا الدراسة شي والواقع شي
واكثرنا يسمع بارباح وكذا ويجي يتكلم ويدافع عن فكرته بدون تجربة ترا التجربة غير
لايهمك اللي يقول تدفع كذا تربح كذا تنصدم بالواقع مثل التريلات وغيرها
وشكرا لك
انصحك بالوقوف على المشروع الذي تريده بنفسك
اذا اعجبك مصنع البلك روح لمصنع البلك واسال مديره السعودي او المصري لو تدفع له اية رال ورح للثاني والثالث والرابع اسال تتكون عندك خبرة احسن من الللي معه ماجستير مشاريع
انا كنت اسمع عن ارباح التريلات وكذا صرت كل محطة على طريق الحجاز عندها تريلات اوقف عندها اسال السواقين وين الشغل الزين احدهم تلقاه نصاب واحدهم يعلمك العلم اللي يشفي تساؤلاتك وبعدها اتخذت الخطوة التالية وهي المغامرة والى الان ان شاء الله نقول ان حنا ناجحين
وكم واحد امي لا يقرا ولا يكتب عنده مشاريع تدخل ذهب
لانه مارس وسأل عنها
وبالتوفيق

الارزاق بكل مكان ولاكن الاهم المصدر الحلال والجديه.

اهم شيء لاتدخل اي مشروع بكل راس مالك ابدا بالثلث او النصف على الاكثر وربي يوفقك

اخوي التتغير ما شاء الله عليك قرات كل حرف كتبته في هذي الصفحه
وجدت ان لك معرفه وخبره بكل المشاريع اللي ذكروها لك الشباب وقد وقفت على بعض منها

لكن انا بعطيك فكره وانت اشرحلي اذا لك علم بها اما انا لي فيها ادني علم من ناحيه الاجرات
يعني بصرني وابصرك
هذي اللفكره
استيراد سيارات من الامارات مثل الجيوب و اللكزس او من امريكا فورد فقط
اللي اعرفه ما لك إلا سياره وحده وما يكون مضى على موديلها خمس سنوات

السوال
ابغا استورد اكثر من سياره يعني في اي وقت
ايش يلزمني من اجرات
مثال رخصه استيراد او غيرها ؟؟

ووووووووووووووووووووووو بس

يالغالي شوف احسن تجاره بنظري دام المبلغ ذا معك المعدات تأخذ قلابات العدد2 قول
تقريباً الواحد 140الف ريال
تأجره على شركة او مشروع مثل(مدينة المعرفة في المدينة المنورة)قول فرضاً الشهر
القلاب الواحد
12الف*2=24 الف بالسنة تقريباً 288 الف ريال
تسوي عقد مع الشركة لمده 5 سنين .
انتبة قبل لا تعزم على الفكره ذي مره على الشركات واسئل وش المطلوب اتنمني لك التوفيق تقبل فكرتي.