السلام عليكم ورحمة الله وبركاته
ياشباب ابي اتكلم عن البطالة وماادراك مالبطالة
هل يعقل ان البطالة يوم بعد يوم تتزايد والحل مافيه
انا اتوقع ان عدد البطالة في السعودية يفوق 40 %
يعني الناس اللي ماخذين شهادات ثانوية وش ذنبهم والي معاهم شهادات جامعية او كليات تقنية او معاهد مين الي بيوظفهم
الى متى والناس مالقى وظائف يسترزقون مثل العالم
عندكم قطر او الامارات او من دول الخليج يمكن نسبة البطالة ماتتعدى 10 % هذا ان وجد
اما لدينا اوووف تعد وتغلط
انا ماني عارف ليش القنوات السعودية سواء الحكومية او الخاصة مثل العربية mbs مايحطون برامج عن البطالة بدال العاريات الي يطلعون على القنوات مثل لوجين عمران ومن هم على شاكلتها واغير هذا برامجهم الماسخة الي ماتؤدي ولاتجيب
يعني شوفونا حل ملينا البطالة انا لي تقريباً 3 سنين وانا الف وادور في هالدوائر الحكومية والنتيجة ولاشي.
انا بتكلم عن شخصي عاطل ثلاث سنين انا طولي 177 طول ممتاز حق عسكرية نسبتي 77 نسبة حلوة معاي شهادة حاسب 6 شهور ممتاز قدمت على الدفاع المدني ولاقبلوني قدمت على المباحث والنتيجة لاشئ وقدمت الامن العام طالبين قدرات ماادري ليش مسكت على قدرات تراها عسكرية
قدمت على الجوازات سقطت في الفرز الاخير وقدمت على الامن الخاص ولاانقبلت يعني وش اسوي اضرب راسي في الجدار .
انا ماني عارف الناس وراها مستقبل وزواج واجار بيت ليش مايشوفون لنا حل.
قلتلكم الحل قنواتنا الله يهديها المفروض يحطون لو في الاسبوع مرة برنامج عن البطالة يعني يوصلون صوتنا الى الحكومة
ويسمونه برنامج حلول البطالة هههههههههههههههههه
الله يوفقنا كل العاطلين
وانشاء ننقبل في الدفاع المدني
تحياتي