مشكوووور ع المووضوع الحلو


عشرة الاف تكفي لاستيراد بضاعة جيدة ومطلوبة هنا والا ماتكفي


وشئ ثاني لازم السفر لدبي والا يكفي تطلب البضاعه طلب من احد المكاتب ؟؟

ومشكوووووور مررره ثانيه

خيره والله يعوضك

[align=center]الله يعوض عليك ويكفيك فخر انك بنيت تجارتك من لا شي 200 جوال إلى ملايين اعتبرك عصامي بصراحة

لكن ياليت تقولنا إستراتيجيه الشغل بينك وبين الصيني واليمني والاردني
وبالتوفيق لك ،،[/align]

ماشاء الله عليك

طيب اخوي من قرائتي لموضوعك يتبين لي وللشباب بان الخبرة لديك طويلة وعارف مداخل ومخارج الشغله وشوري عليك انك ترجع وتشتغل ولكن تكفى لو رجعت لاتجيب عماله جيب سعوديين يقربوا لك

عندي ملاحظة :

البارحة بالليل كان معي صديقي ومعه جوال n80 ورحنا لمحلات الجوالات عشان سماعة الجوال فيه تشويش خربان المهم لفينا كم محل الاسعار بين 30 و25 وكلهم أجانب يمنى ولقينا 2 مصريين

المهم صلحنا الجوال ب 25 ريال يغير السماعة انا افكر نحط الجوال ونجيه بعد يوم قال العامل لا خذ لك لفتين حتى اصلح لك السماعه قلت بدل هاللفتين نجلس عندك تدري وش سوا فك الجوال وطلع السماعه القديمة شريحة صغيرة وحط شريحة جديدة وقفل الجوال وقال لنا تفضلوا جوالكم شغال 100% والله ما اخذ منه 3 دقائق يا اخي وربي في شغل ذهب بس حنا نايمين

ياليت الشباب يفكروا بمحلات الصيانة للجوالات ولا صيانة كمبيوترات

ياليت لو تعلق على الموضوع بحكم خبرتك بالجوالات وكيف قطع الغيارات

وآسف على الآطالة

صحيح

الصينـي اللي ارتاح لك مسخر لك

ربمآ تعاملت مع صينيين هنا لم اجد النفع من وراهم

وبيني وبينك .. الصيني فيه تناحه شوي .. واقصد بالذات الي يشتغلون هنـا بالبلد

ماتدري شلون يفهـم ..

ومثل ماقلت انـت المال الساايب معرض للسرقه .. والي يدير بنفسه بيمشي خاصه لاصار عنده طموح

وتفكير ..

والله يوفقك ويوفقنآ وتستآهل كل خير

~

ليست خسارة هذه التجربة

بل تعتبر خبرة وكل انسان يخطأ ربما خطأك كان في اخر الحكاية عندما اعتمدت على الاجانب وسافرت

واهملت الشغلة

كان الاولى تحط مشرفين سعوديين > ترا فيهم خير

لكن الحمد لله على كل حال

الحين انت جاهز لاي تجارة وسوف تبدع فيها وتحقق ارباح لأن عامل الخوف من البزنس راح عنك
وهذا اهم شي

ان شاء الله نسمع اخبار حلوة عن تجارتك

نفسي أشتغل في البضائع الصينيه بس عجزت أعرف كيف أوصلهم


الله يوفقك ويزيدك من نعيمه

ماشاء الله عليك يا مليونير
الله يعوضك خير
صراحة تجربة رائعة
انا قبل فترة كنت ناوي اجيب جوالات من الصين ابغى الف جوال وكان المبلغ حوالي 185 الف وغيرت راي ورحت للمعدات
ولقيت لي واحد سعودي يقول لازم واسطة في الجمارك على اساس تدخل الاجهزة المقلدة وهي ارباحها خيال يمكن 100%
انت شنو رايك هل افضل شي هل هو الاجهزة الصينية العادية ام المقلدة وكم نسبة ارباح هذي وهذي كرما لا امرا
الله يوفقك يا رب

السلام عليكم وشاكر على مروركم ونورتي موضوعي

انا كنت استنى واحد يقول ليش ما شغلت سعودي

اكون صادق معكم انا شغلت اكثر من سعودي في فتره قصيره وخاصه من هم قريبين مني ( اقارب واصدقاء وتعاطفت مع ناس لا اعرفهم ولا يعرفوني )

السعودي وليس جمعيهم يجيك في البدايه متحمس ويبدأ يطفي شوي شوي

واقولكم كيف********> هاذا واحد شغلته عندي مراسل (طبعا عاطل) شغلته يروح لدبي يسلم اوراق وشيكات ويرجع في نفس اليوم الطائره يروح الساعه 5 وفي بيتهم الساعه 11 مدفوعه التكاليف ومعها زياده 3000 ريال كل رحله .
اول مره راح وكان مستانس قلتله اعجبتك الشغله قال ما يحتاج .
المره الثانيه ويالتيها ما صارت قبل عيد الاضحى بيومين قلتله بكره لازم تروح لدبي قالي اجلها قلت ما تتاجل قالي بالحرف الواحد ( والله ما راح افوت طلعت اخوياي للبر عشان 3000 ريال ) .لرحت للمطار ولقيت ابن حلال مسافر لدبي وعطيته الاوراق في ظرف وقلت بيجيك واحد في المطار بيستلمها منك والحمد لله انها وصلت

السعودي الثاني( راح معي اكثر من مره ) طبعا قلتله ابغاك تروح لدبي لوحدك وتشتري البضاعه وتفحصها بنفسك وحده وحده قال اوكيه هذا خويي مثل اخوي ما راح اقول كم عطيته .
المهم راح واتصلت عليه ها كيف الامور قال عال العال قلتله الله يعطيك العافيه وصلت البضاعه تم بيعها من اول يوم انا ما شفتها اتصل علي اللي بعتها له زعلان قالي البضاعه مضروبه ما فيها شغال الا عدد بسيط قلت جايك مريت خويي ورحنا للمحل قال العامل مضروبه قلتله ابغاك تفحصها قدامي فحص الاول مو شغال ومثله الثالث والرابع قلت بس وقف وشلون فحصتها هناك قال من كل كرتون اخذ جهاز اكيد اللي معهم بالكرتون نفسها انصدمت
المهم سحبت البضاعه وحاولت ارجعها ما قدرت يقول صاحب المحل صيني طبعا ( اشتغل معه بالكاش ) انتم فحصتوها لو ما فحصتوها كانت رجعتها . قلت لخويي فداك هالبضاعه وراعيها قالي اجل هينا وخلاص ما راح اشتغل .

وغيرها الكثير والكثير ولي رجعه

لك رساله على الخاص