31-08-2007, 05:45 AM
|
عضو جديد
|
|
تاريخ التسجيل: Aug 2007
المشاركات: 8
معدل تقييم المستوى: 0
|
|
انظر لما فعلته وزارة الواسطة المدنية....مأساة عاطل
بسم الله الرحمن الرحيم
أخواني بصراحه هذا اول موضوع أكتبه وأول يوم اسجل فيه في هالمنتدى الرائع
ودي ابتدي واحكيلكم عن مصيبة لا بل كارثة بس مادري من وين ابتدي بس ماراح اطول عليكم هذي حكايتي بإختصاربس ابيكم تحكمون وتقولون وش رايكم :
تخرجت من جامعة الملك عبدالعزيز بجدة قبل سنتين تخصص ادارة عامة_تنظيم وتطوير اداري طبعا مادخلت هاالتخصص الا برغبة مني ومافيه الا هاالتخصص هو اللي معتمد من بين تخصصات الادارة العامة في وزارة الخدمة المدنية صدر اعلان في رمضان اللي طاف عن طرح وظائف ادارية طبعا اخوكم ماصدق خبر ورحت أقدم اوراقي عندهم قالوا انت جيت والا الله جابك هذا المطلوب انتظر نتيجت المفاضلة تطلع في شهر محرم اللي فات طلعت النتائج بصراحه اسمي ماكان موجود.
رحت لوزارة الواسطة المدنية قالوا لي خذ رقم ترشيحك اللي هو 882 وانتظر لحد مايجيك الدور قلت يالله في أمل في الوظيفة اللي كانت بالنسبة لي حلم وانتظر انه يتحقق وصرت امر عليهم كل ثلاث اسابيع بشروا ياالربع كم باقي قالوا خلاص هانت السرى واصل 470والمره الثانية 533 وعلى ذا الحال لحد ماوصل 622 قلت جاك الفرج قالوا تبي تعرف بالضبط كم الباقي على اسمك قلت:ياليت قالوا:مالك الا الوزارة في الرياض هم يعطونك بالضبط وادق سلف السيارة وعلى الرياض طبعا انا من جدة واروح الوزارة وانا مبسوط ماحد قدي وادخل الوزارة وياليتني مادخلت
تلقيت الصدمة من عند الباب قلت فاتحت خير اسأل الموظف طبعا عن الشي اللي جاي عشانه قالي المفاضلات ألغيت ياخوي تأكد قالي عطني رقم السجل المدني عطيته تخيلو مالي وجود بالكمبيوتر ياعيوني تأكد قالي مالك اسم عندنا قلت بس ملخبط الأخ رجعت جدة وتقولون ليش ماسألت غير هالموظف أقولكم ليش :كل حلم حلمت فيه مر قدام عيني الوظيفه والخطيبة اللي توهقت فيها لأني خطبت قلت بس الوظيفة جايه جايه..
رجعت جدة قلت تكدوا أخوان انا رحت الرياض وماحصلت اسمي في الكمبيوترمره قالي انت وش تخصصك قلت يابو فلان كم صارلي وانا رايح راد عليك كل مره تسأل قلت له وبكل ثقة وفخر ادارة عامة_تنظيم وتطوير اداري.... قال اساميكم اسقطت لأن التخصص مو معتمد عندنا بالوزارة اللي هو التنظيم والتطوير الاداري وتخصص التمويل....
كيف متى صدر القرار؟ ومن هنا تبدأ الكارثة القرارصادر بتاريخ 19/5/1428هــ وانا رايح له ثلاث مرات ياأخوان بعد التاريخ هذا ويقول ترى سراك قرب ماعاد باقي شي..قلت عطني القرار بأقراه قالي تفضل قلت الله لايزيد فضلك ونص القرار كالتالي:
أود الإفادة بمراجعة الموضوع بمشاركة الادارة العامة للتصنيف تبين ان هذين التخصصين لم يسبق دراستهما من قبل مما يتعذر معه تحديد مجالات العمل المناسبة لهما وبالتالي يتعذر قبول هذين التخصصين في هذه المفاضلة ريثما تنتهي دراسة وتحديد المجالات المناسبة لكل تخصص.
أسئلة كثيرة تحتاج الى إجابات من قبل وزارة الواسطة المدنية...
لماذا تم قبول طلباتنا؟
لماذا تم توظيف أكثر من 400 متقدم على هذا التخصص؟
لماذا اسقطت اسمائنا أوأحلامنا؟
لماذا لماذا لماذا لماذا ولماذا؟؟؟؟؟
كل اللي أطلبه منكم توقفون جنبي وتساعدوني اللي يعرف احد نفس حالتي اسقط اسمه يدلني عليه لأني حاط الوزارة في راسي وابي اشتغلهم دعاوي تكفووووون وانا اسف على الاطاله بس والله من القهر وشكرا.........
|
العرض العادي
