31-08-2007, 06:19 AM
|
|
Banned
|
|
تاريخ التسجيل: Aug 2007
المشاركات: 104
معدل تقييم المستوى: 0
|
|
استفسار .... من عاطل جديد
اخواني اعضاء منتديات البطاله
السلام عليكم ورحمة الله وبركاته
في البدايه حبيت اعرفكم بنفسي انا اخوكم داوردي عاطل جديد توني متخرج هذي السنه من الثانويه قسم ادبي ونسبتي أستغفر الله 74.44% وين بوديها هذي وهذي اول مشاركه لي في المنتدى المهم يااخواني تصدقون مرات اقول ياليت نسبتي في الـ 60 اي والله كان ارتحت كل ماجاء تقديم اقل شي 75 مايبقالي على الـ 75 شي المهم يااخواني والله ماادري وين اقدم فيه شكل اخرتها في العسكريه جنود بس والله شي يقهر ثانويه وجنود ليه وش خلو للي معهم الكفائه وين بيروحون ذول
معليش ياجماعة الخير طولت عليكم في الكلام بس لا تلوموني هذا والله من القهر اللي فيني فضفضتلكم شوي علشان ارتاح المهم ابي ادخل في الموضوع
انا حبيت استفسر عن المعاهد العسكريه اللي لحد اللآن مسماها معاهد في معاهد مثل الدفاع المدني والجوازات هذي خلاص الحين مو معاهد الحين تخرجك جندي
انا ابي المعاهد اللي لحد الان تخرجك وكيل رقيب وماهي شروط القبول فيها
وحبيت بعد يااخوان استفسر عن مهد الدفاع الجوي بجده متى موعد التقديم فيه وماهي شروط القبول فيه
في النهايه آسف اني طولت عليكم بالكلام واتمنى اتمنى انكم تجاوبون عن استفساراتي
أخوكم
داوردي
|
العرض المتطور
