السلام عليـــكم

انا طالب توني جديد ما بعد داومت توهم قابليني بالكليه التقنيه وحاب استفسر عن اشياء كثيره
وخــاصه التخصص وانتم شباب التقنيه ما تقصرون
انا اقبلوني بتخصص ميكانيكي مركبات ومحركات
1-هل التخصص مطلوب من الشركات سابك ارامكو
2- كم مكافئه التقنيه انا سمعت يعطون على حسب المعدل؟؟؟
3- تنصحوني اكمل بالتخصص هذا يعني له مستقبل
والله اني سمعت انه دراسته سهله ووضيفتها مضمونه هالتخصص
بس اسمها ميكانيكي وربي الواحد يستحي يقول تخصصي ميكانيكي وخاصه البدو ما يعرفون هالسوالف
ومو بس كذا حتى ربعي من عرفو اني انقبلت مكانيكي صار يسموني << رفيق هههههههههههههه
صرت انا وهندي الورشه زملاء
والله والله انا من سكان حفر الباطن ومعروفه طريق التقنيه يسمونه الطريق التهلكه
لان في نااااس كثيره كثيره تموت بهالطريق وتدرون شنو الحل الي يوقف هالعدد الكبير من الموتى
إشـــاره مرور اي والله اشاره مرور مو قادرين يحطونها نضمن ارواح الطلاب تخيلو
من غير العساكر القلق الي هم بعد بنفس الطريق يا حبيبي وربي خايف من الطريق اكثر من الدراسه طبعا ادري طلعت براء الموضوع بس قلت بفضفض معاكم شويات
وهالحين ابي نصيحتكم وش تنصحوني وهل صحيح التخصص مطلوب
تحــــــــــياتي ســــــــوالف عطال

مرحبا فيك اخوي

بصراحه شديدة أذا هذا تخصصك فأنا أقلك كمل وراسك مرفووووع ووظيفتك مضمونة بإذن الله أهم شي يكووون معدلك عالي والله ثم والله بعد توفيقة تتوظف

وماعليك من الناس خصوصاً ذولي الله مايعروفون كلمة تقنية

أما مكافئة التقنية 990 ريال

لكن اعتقد اذا نزل المعدل عن 2 من 5 يخصمون او يفصلووون او يغطعون عنك المكافئة والله اعلم

شد حيلك وكمل

اخووي مثل ماقالك اخوي مساعد مبرمج كمل وماعليك من كلام الناس وتخصصك حلوو من احسن

التخصصات بعد الكترونيات وفيه مجال كبير انك تتوظف بشركات واجد منه ارامكو الكهرباء وغيره

كثير وبخصووص المعدل اهم شي ماينقص عن 2 لانه اذا نقص راح يعطوك انظار وتتوقف

عليك المكافئه وبعد ماترفع المعدل يرجعووو المكافئه اتمنالك التوفيق يامهندس

نصيحة كمل جامعة ابعد عن التقنية يكفي بطاله

شف أخووووي اول شي
الف الف الف مبروك على القبول

بس عندي ملاحضه ولك الاختيار
التقنية ابعد عنها وربي من 1428 وانا متخرج وتقدير 4.55 من 5
للا وظيفه ولا شي
صح الرزق بيد الله والنعم بالله
انا اقول لو معدلك كويس ويدخلك جامعه وتخصص ينفعك انجزت شي حلووو في حياتك
والاختيار لك بالاول وبالاخير استخير
تحياتي

مشكووووووووووووووووورين لكل الي ردو اقنعوني اكمل
بخصـــوص الشباب الب قالو لا تكمل او روح جامعه
انا يا شباب نسبتي 70 وما تدخلني اي شي ومافي شي قبلني
غير التقنيه و لو فيه غيرها رحت ليــش اعرض نفسي للخطر
كل يوم والسبب الطريق بس تقنيه احسن من اقعد بالبيت ومشكووورين

متى طلعت نتائج القبول ؟؟
وكيف شفت قبولك ؟؟

متى طلعت نتائج القبول ؟؟

ووووووووووووووووووويه من زمان يا عمي طلعت وسويت الفحص الطبي وخلاص انقبلت قبول نهائيه
مع انها التقنيه إلا انو جوها طلاب كثيره ونصهم والله ما انقبلو
بس الحمـدلله اقبلوني لان لو ما قبلوني كنت راح اقعد بالبيت وربي ما خليت شي ما قدمت عليهم وماكو فايده
ولو ان طموحي اكبر من تقنيه بس شنسوي !!!!!!!!! ومشكورين للي ردو فوووق