السلام عليكم ورحمه الله وبركاته
والله انا في البيت ابوي واحد موسوس حده كل ماجيت اقدم في شي لعوزني وقلي لا ماقدر اروح لزم مصروف وسياره وهذا انا ابي اقدم في امن السفارات ورافض وش الحل والله طفشني وش اسويله اي مول حتئ ربعي مابقئ واحد ماقلي لتروح معه وش اسوليه ياناس
المشكله اني متحمله انه ابوي بس نبي حلكم ياجماعه الخير ؟؟؟؟؟؟؟؟؟؟

يارجل توكل على الله تراء ابوك مآينفعك بآكر ولا وده يصرف عليك طول حياته وشلون تزوج وشلون تبني مستقبلك واذا ودك ابوك مايزعل عليك جب لك واسطه اذا عندك عم ولا خال يكلمونه حتي مايزعل عليك
والله يوفك ويرزق بالوظيفه تبعد عن بيتكم 500 متر ^_^

حاول ياذيب انك تعتمد ع نفسك

ورح قد م اذا كان طولك 175 ومافوق وذا كان طولك 174لاتروح

موفق بإذن الله ... لك مني أجمل تحية .

اخوي اسأل الوالد بشكل مباشر وشلون تبيني اتزوج بكره ؟ من وين اصرف على زوجتي وعلى نفسي؟ وشلون اتوظف؟ انصحك خذ ملفك ورح قدم على امن السفارات ترا انصحك فيه بالحيل وصدقني لتوظفت بكره بيرضا عليك الوالد وصدقني مهما سوا كل مقصده خوف عليك لا اقل ولا اكثر بس لايروح عمرك وانت جالس وتراك الحمدلله ماسويت شي يزعله اتمنالك التوفيق

السلام عليكم ورحمة الله وبركاته

اللـه يعينــك ع آبــوك مهمآ كـآن آبوك مآتقدر تقول شـي صــدقــنـي دآم تشوف عمك ولآخآلك كبيـر بيكلمه الله يوفقك

الله يعينك ويصبرك

كثير الناس اللي مثل ابوك

بس انت دبر نفسك وتوكل على الله وبدون لا يدري انك رايح تقدم

واذا انقبلت وقتها تقوله ^_^

الله يوفقنا وياك

حتى ولو .. هاذا ابوك
لو منعك عن شي اتركهـ

ولا حآول تقنعهـ .. اما انك تقول "متحمله عشانه ابوي " فتأكد ان الله ماهو موفقك ولا راح ترتاح بوظيفتك اللي بتتوظفهآ << هاذا اذا توظفت !


قال ايش قال "والله طفشني "