افكار اكثر من رائعة ولكن ممكن تقول لي كيف التجارة في التمور

احس المشروع هذا عاجبني بس ما ادري كيف ابداء فيه

لك كل الود

مشكور على الافكار الحلوه

والله يوفق الجميع

تجارة التمور على اتجاهين من الناحية المبدأية

الاتجاه الأول

تروح الصباح للمناطق الزراعية مثل( شقرا _ الزلفي _ الحوطة _ الدلم _ الخرج ) وتشتري رطب بالجملة سعر السطل الصغير الخلاص 18 ريال وتحمل سيارتك قد ماتقدر
طبعا السيارة غمارة وحدة تشيل مايقارب 200 الى 350
إذا مارستها يوميا تطلع بمكسب مالايقل عن 300 ريال يوميا
وميزة هذا الاتجاه إنك إذا ربيت زباين تصير تنزل لبيوتهم مباشرة بالسعر اللي تبيه




والاتجاه الثاني

اريح بكثير لكن المكسب أقل

تنتظر شوي الى منتصف رمضان وتشتري التمر (الناشف او مايمسى باليابس او مايمسى بالنثري) <<يعني جاهز للكبس

كرتون الموز او الصندوق الاصفر اذا كان مليان يساوي عشرين كيلو سعر الخلاص الممتاز في حدود 300

تأخذ لك كمية وتوديها للبيت وتجلس عليها تنظفها وتشيل القموع والأعواد والتمرة الفاسدة وبعدين تروح لمصانع التمور وتدخلها عليهم للكبس (الضمد) يضمد لك الكيلو بــ1.5 الى ريالين

وفي النهاية الخلاص الدرجة الأولى تطلع تكلفته عليك بــ 90 ريال
البيع بــ 150 إلى 170 ريال

وإبدأ بالاقارب والاصدقاء وميزتها إنه لو يجلس عندك مدة طويلة مايضره ولايخرب ولا تخاف تخسر

وفورا تتجه لأسواق الرياض وتبيع السطل بــ22

الله يجزاك كل خير

شـكرا لك وبارك الله فيك... لك مني أجمل تحية .

بارك الله فيك

يعطيك العافيه على هالافكار

نصائح وافكار مميزه
لك مني اصدق الود.

معلومات قيمه

تجارة الغنم جيده لكن تحتاج عنايه واهتمام

بالنسبه للتمور انت ذكرت تشتريه ب18 طيب ابيعه بكم ؟؟؟

وكم سيكون مقدار الربح ؟؟ اتمنى الافاده