الله يباركم فيكم كلكم

يا شباب اول يوم تروحون بالباص لنفس المكان حق الفحص الطبي
بعدين يدخلونكم بالغرف اللي كنا نسوي فيها الفحوصات تلقون فيه لابتوب فيه اساله علشان يشوفون نفسيتك مثل هل تسمع اصوات لا يسمعها الاخرون وزي كذا وهي خمسين سؤال اذا خلصت تقعد على الكراسي اللي عند الباب وينادون اسمك باول غرفة وتدخل عند دكتور نفسي انا سالني قالي كم درجاتك وش نوع جوالك وبعدين قالي الله يوفقك وكتب على الورقة سليم

بعدين تروح تفصخ ثوبك وتلبس الثوب الازرق ما غيره وتروح تسوي اشعة بعدين تحليل بول وانتم بكرامة واخر شي فحص دم الابرة هذا كبرها ههههه لا البره عاديه لاحد يخاف ياضباط المستقبل وبعدين يرجعونكم للشعلة...

اليوم الثاني تروحون للتبصيم اللي بالبطحة بالباص طبعا تبصمون انا خلصت الساعة 6 ونص والسلام ختام

ايييييييه صح النتايج طلعت بنفس يوم التبصيم بالعصر
موفقين انشاء الله

>>---همســــه لكل واحد تم قبوله----<<


يالله ياشباب...الحمد لله اتحقق حلمكم..وانقبلتم


لو ترجعون لورى بداية التقديمات..!

الكل مو بالحيل عليها


كل واحد فيكم يدعي ربه ليل نهار انه ينقبل

تذكرون برمضان لما كنا على اعصابنا>---







وهذا انتم ياربي لكم الحمد...تسهّلت اموركم>--ربي اللي يسرّرها لكم




والبعض منكم مو واسعته الفرحه....حتى اهله فرحانين له...^_^



غيركم>--مانقبل والله اعلم بحالته




حري بكل واحد انقبل...

يـصـلّــــي ركعتين شكر لله تعالى على منّه و فضله




وانه يسّر له هالشئ...

لاواسطه...ولا شئ..تقدر ترد المكتوب عنك


لان لو اجتمعت الامه على ان ينفعوك بشئ..لم ينفعوك بشئ..الاوقد كتبه الله لك


او كما قال صلى الله عليه وسلم




كل واحد تحددت وجتهته..طيار..او فني...


خلووا عنكم الكسل وارتقوا بهالمجال...

وابدعو ا فيه


وأوصلوا لاخر نقطه في هالمجال



تذكر ان اهلك معوّلين عليك الشئ الكثير


لانك تخدم ديــــــــــنك

ووطنـــــــــــــك


ومليكك


اتمنى التوفيق للجميع ^_^

كلام جميل سفير بني عطيه
واحب ابارك لك ياسر والف الف مبرووكــ
وربي يبارك لباقي الشباب ويوفقهم يارب

يالربع الي خلص كل شي اليوم ..!!

وحتى الان ما صار عليه شي ( تم قبولك مبدائيا ....) ؟؟

وش يعني ,,, تكفون ردو !!

1. مكينة ومعجون وفرشة حلاقة ، فرشة ومعجون أسنان ، شامبو ، صابونة..
2. فرشة ملابس، فرشة تلميع جزمة، علبة بوية أسود للتلميع، مغاط أبيض (لفة).
3. شنطه علاقي متوسطة الحجم – لون أسود
4. مقص اظافر صقير، مقص شعر صغير، شبشب حمام.
5. إبرة وبكرة خياطة لون (زيتي، أبيض، أزرق فاتح وغامق، أسود).
6. منشفة حمام مقاس صغير. عدد(3)
7. منشفة حمام مقاس كبير. عدد(3)
8. فنيلة داخلية شكل الرقبة (7). عدد(6)
9. سروال داخلي. عدد(6)
10. سروال سباحة (اللون) حسب اختيار كل كلية.
11. شراب أسود سادة. عدد(6)
12. شراب أبيض رياضي سادة. عدد(6)
13. لوحة اسم (قماش - تفتيش) عربي/انجليزي حسب المتبع في القوة التابع لها الطالب.
14. بنطلون رياضي لون أزرق( البرية- الجوية- البحرية) ولون أسود (الدفاع الجوي). عدد(2)
15. فانيلة رياضية لجميع القوات. عدد(2)
16. جزمة رياضية لون أبيض سادة مخصصة للجري
17. مستلزمات مكتبية محدودة

اللحين يا الربع لآزم نجيب كل ذا الاغراض ... ...؟

ابشرررركم

( تم قبولك نهائيا وعليك تسليم الملف )

الف مبروووووك للجميع ,,,

السلام عليكم ورحمة الله وبركاته

بسم الله الرحمن الرحيم

ممبروك القبول النهائي للجميع وعقبال التخرج

للي راح للجنائيه وبصم ترا هناك احتمالين يا نتيجتك تطلع اليوم اذا خلصت تبصيم...

ولا بكره بعد الظهر هذا اللي صار معي.

ولا يشغل باله اللي ماطلعت له نتيجت القبول ينتظرها اليوم الثاني ع الموقع ولا رساله ع جوالك

والله يوفقكم جميع

ظهور نتائج الكشف الطبي النهائي لطلاب الكليات العسكرية


يسر اللجنة المركزية لقبول طلاب الكليات العسكرية أن تعلن عن ظهور نتائج الكشف الطبي النهائي عن طريق مراجعة موقع القبول الالكتروني (متابعة حالة الطلب)لمعرفة نتيجة الكشف الطبي النهائي وعلى الطالب المجتاز مراجعة مكتب التسجيل بكلية الملك عبدالعزيز الحربية القديمة أمام اسواق الشعلة (من الساعة الثامنة صباحاُ وحتى الساعه الحادية عشر ظهراً ) لتسليم الوثائق الاساسية كما هو مبين خلف كرت المراجعة بداية من يـوم الاثنين تاريخ (11/10/1431هـ) ويستمر تسليم الوثائق حتى يوم السبت الموافق (16/10/1431هـ) وبالنسبة للطلبة الذين أجروا الكشف الطبي النهائي يومي الاثنين والثلاثاء فيستمر استلام الوثائق الأساسية الى يوم الأثنين الموافق (18/10/1431هـ) .



يالله لك الحمد