ربش الربش :: تراك جبت العيد الله يهديك .. الاغراض اللي بالموقع قديمه جدا ..
انا بنفسي سمعت العسكري لما يقول للطلاب حقين الكليه الحربيه والبحريه هذي الطلبات الجديده والطلبات اللي بالموقع قديمه .. انا سامعه بنفسي هع ..
وبالتوفيق ..

...
بالنسبه للورقه اللي نوقعها تعهد ماادري هل الكليات كلها نفس السالفه او لا..
المهم ..
الحين كل تفكيرنا بالدراسه وانتهينا وان شاء الله انها سهاله للمجتهد

يعطيك العافيه يانايف الخرج

وياياسر والله أظاهر إني صدق جبت العيد .. بس ماظنتي تختلف واجد لانها حاجات بالعقل ..غيارات ملابس وجزم وشرابات الله يكرمكم ومن الي تحتاجه واذا فيه شي جديد بعد الله يعينه عليه بس ..

اما الورقه التعهد الي ابوك يوقعها .. والله مدري وشي هع .. حتى انا وقعتها عن ابوي بعد خخخخ

ايه ممكن ماتختلف واجد بس للتوفير هع .. انا عن نفسي ماراح اشتري الا لما يصكوني بالورقه ..

والله انا مالحسني الا الاسئله الي يقول نماص الشهري ..! وش يقصدون فيها .. فرشة الملابس ؟؟؟ وش المقصود؟؟؟
وثاني شيء سروال السباحة لازم لون محدد
وفنيلة الرياضة لها لون محدد ..


وان شاء الله نذكر يوم الاثنين ونسئلهم .. لاكن الحين بالظبط وش نجيب اقصد الاغرااض الضرووووريه مره .. اللي مالك غنا عنها بعد الله وشي .. ( مع ان كل طلباتهم ضروريه هع ) او تقدر تقول الي تجهزها قبل يوم الاثنين
يعني اشترها وانت متطمن انهم مايردونك عليها ..

اللي اعرف ملابس داخليه (فنايل الرقبه على شكل 7 وسروال قطن احسن خخخخخخ درازن 12 حبه اذا تقدر) .. وكنادر جززم الله يكرمكم ( لونها ابيض ساده وحقت جري لازم عشان ماتسبب لك ازمه فالجري ) وشرابات الله يكرمكم ( سوداء عاديه .. وبيضاء للرياضه والجري ) .. ومناشف .. وشنطه علاقي سوداء يقولون متوسطه الحجم لاكن ماتكفي متوسطه الحجم طلباتهم خذ اكبر شي ( علاقي شرط انها سوداء ساده ) .. شبشب حمام .. واغراض النظااااافه > واجده هع .. لاكن الي مهم كاتبين مزيل العرق خذه لااازم يعني هع .. الاغراض الي قالها اخوي [ نايف الخرج ] بندول .. بس ماعندهم عياده يعني ..؟
حقت النظافه مقص اظافر صغير لليدين وكبير للرجلين .. وفرشايه ومعجون اسنان وشامبو وصابون يعني اغراض تحتاجها لازم ..

ايه ياياسر لاكن الفلوس موجوده الحين واخاف انتظر الى الاثنين وتطيييير خخخخخ وش اسوي بعدين

لاكن فيه اغراض ضروريه معروفه لو مايقولون لك .. تجيبها معك ..

أقول يعياال إدعولنا تكفووون اننا ندخل الدفعه الاولى والله مافيني اصبر ..

يااااارب الاولى

ايه والله يارب .. انا كماان ابي الدفعه الاولى ..
وبالنسبه للطلبات كلها تتجمع بيوم واحد

ربش نفس الطلبات اللي جبتها ماراح تختلف الا قليل جداً جدً
ولا تشتري شنطه اهم راح يعطونك شنطه كبيره لونها كحلي عليها شعار الكليه
البنادوول مهم لانك مو شرط يطلعونك للعياده الا اذا شارفت ع الموت لوووووول
زبالنسبه للجزم لاتشتريها الحين يمكن يعطونكم زي الدفعه اللي راحت
والورقه تعهد وهي ورقتين وحده اذا اكتشفو فيك مخدرات اثناء الدراسه يشووتونك وتدفع المصاريف كلها
والثانيه اذا كانت القوات الجويه تحتاج تبتعثك انك توافق بدوون اي اعتراض منك او من ولي أمرك

اخوي نايف لو حطوني دفعه اولى وبغيت ثانيه يواااااااااافقون ان وجد البديل



=====

والله ماادري اخوي بس انت اسألهم وشوف