السلام عليكم ورحمة الله وبركاته ..

ياجماعه وش اسوي كل ماحاولت اكمل دراستي تسكر علي ..
رحت لكلية المعرفة على اساس اني اكمل دراستي عندهم وكنت اريد ان اكمل على حساب المنحة الداخلية أو الموارد البشرية ..
قال لي موظف الإستقبال : بالنسبه للمنحة الداخلية يشترط ان يكون معك توفيل وبالنسبه للموارد لايوجد الى لأهل الثانوي فقط ..
رجعت للبيت ومن زود الزهق قلت خلني اقرأ جريدة الرياض وجدت اعلان لكلية الرياض الطبية وانهم يسمحون ببرنامج التجسير لأهل الدبلومات،، ومن بكره وانا عندهم قال يمديك عن طريق الموارد بس رح لهم وخذ من عندهم خطاب انك تريد ان تكمل عن طريق برنامج التكميلي رحت للموارد وقال لي الموظف : آسفين ياخي احنا مانخدم الى لأهل الثانوي فقط دار بيني وبينه نقاش وفي الأخير اصر انه مافيه شي ..

الحين وش السواة مع العلم ان معدلي والحمدلله 4 من 5 واللغة جيده جدآ ..

هل في أمل ان اكمل دراستي عن طريق الحكومة ..
اتمنى اللي يعرف ان لايبخل علي الله يجزاه خير