السلام عليكم ورحمة الله وبركاته

يا ليت يا شباب اللي عنده خلفيه عن هالشركه يعلمني

انا مقدم عليهم مدري متى

المهم جاني اتصال منهم اليوم الصبح الساعه 11:55 تقريبآ قالو لي اليوم عندك مقابله شخصيه بفندق الماريوت بجده قلت وش الوظيفه قال لي ببنك سآمبآ قلت طيب..
المهم رحت لهم الساعه 3 العصر وقابلت موظفين اثنين جالسين باللوبي قال لي عبي الابلكيشن وعبيته وخلصت وسئلني كم سؤال كلمني عن نفسك وايش تعرف عن بنك سامبا جاوبته الحمدلله

انا سئلته قلت له هل الوظيفه تبع بنك سامبا قال احنا شركه مشغله للبنك واللي يكون مسؤل عنك البنك يعني الراتب على البنك وتعاملي كله معاهم قلت له وش الوظيفه قال لي مندوب مبيعآت ميداني يعني اروح الفلف وادور على الموظفين الحكوميين وموظفين الشركات وادور لي عملاء يقول لي على كل عمليه تنجزها لك فيها من 500 الى 1000ريال للعمليه الواحده المهم اللي سوا معاي مقابله قال لي بصراحه انا ارتحت لك وباين عليك انه لو قلت لك تعال اشتغل بتشتغل من بكره انا ما صدقت خبر
قلت له الراتب كم وايش المميزات قال الراتب تقريبآ 3200 ريال فيه تآمين بوب واجازه 30 يوم وبس

وقال لي بكره تجينآ ببنك سآمبآ علشان موظف البنك يشوفني ويسئلني كم سؤال..

عاد موآعديني بكره الساعه 9:30 الصبح بنك سآمبآ فرع الستين بجده

وانا متردد احس الشغله فيها ربآ

وش تشورون عليه اروح لهم ولا لا

الله يوفقك

القرار في الاول والاخير لك

لكن بتشوف انواع الاستهزاء والاستهبال اثناء لفلفتك في الدوائر الحكومية والشركات
والسالفه كلها قروض في قروض
"اللبيب بالاشاره يفهم"

انا والله جاني اتصال منهم قبل فتره وقالولي تعال عشان نقابلك مقابله شخصيه قلت طيب وش الوظيفه قالي مندوب مبيعات فيزا قلت بيني وبين نفسي يفتح الله اغلبها ربااااا ومن ترك شي لله عوضه الله بشي احسن منه
وسحبت عليهم وطبعا هم نفسهم الحلول الممتازه اللي اتصلو علي

اشكر كل من علق على موضوعي وشآركني رآئه

الحمــدلله بطلت من هالشـركه حآس انهم نصآبين وما وراهم الا عوار الراس

اليوم رسلو لي رساله الصبح يذكروني بموعد المقابله فالبنك بس سحبت عليهم