السلام عليكم : هذه بعض النصائح السريعة لعمل تست طبعا مع احترامي الشديد للخبراء ..............

أولا : الهارد :
أفضل طريقة هو أنت تقوم بعمل فورمات وتقسيم من جديد وتنزيل سوفت وير ثم عمل اسكان من الدوس ........ثم لا بد من تنزيل ويندوز كامل عليه ...... ولا تنس أن تسمع صوته فإذا كان به تكتكة أو شخللة أو صوته عالى فاهرب منه في الحال ...وانظر إلى أطرافه فإذا كانت مجرحة تجريحا واضحا فهذا دليل على إنه طلع عينه من كتر الفك والتركيب والنقل يعني اتهرى .......ولا تنس أن تنظر إلى بناته هل بها لحامات أم لا أو يكون بها بنة ناقصة ....


ثانيا : البردة :
بص عليها من تحت كويس أوي وشوف أرجل المكثفات هل كلها متشابهة في اللحام أم لا ... فإذا لم تكن متشابهة فقد يكون دليل على إنها مغيرة مكثفات ........ وانظر أيضا إلى الأي سيهات ولاحظ جيدا ... وانظر إلى مكان الأي دي هل به سنون مخلوعة أم لا .......... ثم نزل وندوز كااااااااامل والعب عليها شوية جيم و جرافيك محترم .... فترة لا تقل عن ساعة أو ساعتين ....

ثالثا : الرام :
برضه انظر جيدا لمكان السنون بتاعتها عشان ساعات بتكون واحدة طايرة ........ وبرضه نزل عليها وندوز كااااااااااامل ....

رابعا : الفيجا :
برضه انظر جيدا لنفس المكان : السنون بتاعتها والمكثفات والحالة العامة وبعدين العب جييييييييييييم لما تشبع .............. وبعدين اشتري .....

خامسا : البروسيسر :
لاحظ البنات بتاعته ساعات بتكون معووجة أو واحدة مكسورة ومتغيرة ........... وبرضه نزل وندووووووووووووز كاااااااااااامل واهريه لعب ...

سادسا : كروت الصوت :
جرب تسمع بهدفون مش سماعات عادية : الهدفون صوته حيبقى أوقع في التست .... وبعدين جرب أهم حاجة : التسجيل ببرنامج التسجيل اللي نازل مع الوندوز لو سمعت خروشة أوعى تاخده ..... لو الصوت نقي يبقى اشتري ...........

سابعا : السي دي روم :
جرب اسطوانة تكون واثق فيها وانقل كل محتوياتها على الهارد بتاعك .وما فيش مانع لو تجرب اسطوانة تعبانه شوف حيقراها وينقل ولا لأ ..وبالنسبة للريتر : حاول تنسخ عليه تلات اسطوانات من أنواع مختلفة .

ثامنا : الاسكانر :
طبعا : اسحب ورقة بيضا فيها كلام مكتوب وبعدين تشوف حيبان بوضوح ولا لأ واسمع كويس صوت الماكينة ......لو بتتخانق مع نفسها أوعى تشتري .........

تاسعا : البرنتر :
اعمل تست من زرار التست وشوف عاملة كام ورقة .................. لو لقيتها بالألافات نصيحة ما تشتريش ....أو اشتري بسعر مناسب .........وحط كمية ورق كويسة واعمل برنت لكذا ورقة وشوف حتحشر ولا لأ ............ ولاحظ هل الورقة بها نقط أو أي عيوب .........

عاشرا : الشاشة :
بص كويس أوي على حوافها شوف فيها مكان فتح ولا لأ .......... وبعدين على الشاشة نفسها وشوف هل بها تجريح عشان ده بيقلل من تمنها ........ وبعدين هات أرضيه سوداء ثم أرضية بيضاء ثم أرضية صفراء لو لقيت أي بقع أو تغير في اللون يبقى انت حر .....ولاحظ أي كتابة خفيفة على الشاشة يعني عليها برنت ولا لأ .....

حادي عشر : كروت الستالايت : جربه كويس أوي مع برامج العرض المختلفة وخاصة البروج وشوف في تقطيع ولا لأ ..... وكالعادة بص كويس على السنون بتاعته .......

ثاني عشر :
اللاب توب : خليك دقيق جداااااا ومنظم في التست : يعني أول حاجة تشوفها : الحالة العامة بتاعته : هل تم فتحه أم لا : ولاحظ مكان المسامير جيدا وخاصة اللي على الشاشة .مع العلم إن في حاجات في اللاب توب لو اتغيرت ما تعيبش الجهاز .............. زي الهارد والرام والس دي والبطارية : اما اللعب في البردة هو ده الصعب ...........وبعدين : افتح الجهاز وهات أرضيه سوداء ثم أرضية بيضاء ثم صفراء للشاشة وشوف فيها أي عيوب زي : تغير في اللون أو نقط بنسميها خلايا ميتة أو خطوط عشان في خطوط ما تبانش في الأرضية البيضا وبتبان في السودا .... فخلي بالك ......... وبعد ما تتطمن لنقاء الشاشة اعمل تست للكي بورد .. على الورد شوف حرف حرف ............ عشان الحرف البايظ مكلف ........ وبعدين اعلم تست للسي دي روم وأفضل تست للجهاز بالكامل هو ان تنزل وندوز .......... وما تنساش التعريفات بتاعة الجهاز ....................ودمتم بخير

بعد أن كثرت الشكاوى من بعض وقائع قلة الضمير فهذه نصائح للبائع والمشتري ويا ريت نطبقها عشان ما يكونش في زعل من الطرفين :
أولا : بالنسبة للبائع :
1 – اتق الله في بيع سلعتك ... وو ضح عيوبها إن وجدت ....
2 - عشان المشتري يطمئن إليك .... اكتب له مبايعة (وده بيثبت حسن نيتك الكاملة ) وسجل فيها ما يلي :
أ : نوع السلعة ومواصفاتها بالتفصيل
ب : تاريخ الشراء
ج : العيوب إن وجدت
د : رقم بطاقتك وعنوانك من واقع البطاقة
هـ : رقم تليفونك
ز : المشتري يوقع على إنه استلم السلعة خالية من العيوب : ومع البائع صورة من المبايعة ....
( وده لمصلحة البائع قبل المشتري إن المشتري يقرر إنه اشترى السلعة خالية من العيوب لحظة تاريخ الشراء )
وهذا نموذج للمبايعة باختصار
وما حدش يقول : هو إنت مش واثق فيا ... لو إنت محل ثقة حتوافق على المبايعة دون نقاش ده شرع ربنا ....
والنموذج كما يلي : - إنه في يوم :........... الموافق : / /
باع الطرف الأول : .........................بطاقة رقم ............
عنوان محل الإقامة : ..............................تليفون : .........
للطرف الثاني : .................................بطاقة رقم ............وعنون محل الإقامة : ..........................
ما هو : ............................................. وقد استلمه الطرف الثاني خاليا من العيوب ساعة البيع .....
توقيع الطرف الأول توقيع الطرف الثاني ..
بالنسبة للمشتري :
1 - اعمل تست للسعلة كويس جدا في منزل اللي حتشتري منه : ولو ظروفه ما تسمحش : استضيفه في منزلك واعمل تست براحتك .... وسيبكم من شراء المترو والرصيف والقهاوي إلا لو كان البائع معروفا ومحل ثقة طبعا ........
وده ما ينفيش إن في ناس كويسة أول مرة تتعامل معاها ولكن هذا ضمان للاطمئنان ..
2 – خد مبايعة من البائع مسجل فيها ما سبق ذكره أكرر مش عيييييييييييييييب ........
ملحظ : لو المشتري والبائع يعرفوا بعض طبعا الثقة المتبادلة هي عقد البيع ...........
وربنا يوفق الجميع