شي مهم

انتظرها · #11 (**permalink**) 15-08-2010, 08:54 PM

الله يوفقك ان شاء الله وتنقبلي في اقرب وقت ممكن

أم عقاب · #12 (**permalink**) 15-08-2010, 10:09 PM

اقتباس:

المشاركة الأصلية كتبت بواسطة ثوار

سلا م اشكركم علي كلا مكم احيب اقول انا قد ميت علي كليه التقنيه علي جا معه االامام جا معه الملك سعود
جامعة الأميرة نورة

انتضام اام لمنح الي تقدم من بعض الكليات الأهليه الرفضوا يقبلوني ما توفرات الشروط بس القدم السنه القدميه البختبر القدرات مرا ثانيه ابي اسال اذ نطبق شريط يقبلوني احيب اسال شلوان اقدم النتساب سمعيت فيه تقديم مساي في كليه التقنيه متي يبدا التقديم احلول صلح املا ء علي فكيره انا قسمي ادبي

هلا وغلا ياعسل ..

شوفي يالغلا فيه بجامعة الإمام إنتساب مطور وهذا مايحتاج قدرات بنوووب وحتى لو أنتس خريجه أدبي عادي ترى ..

لكنها برسوم بس إذا شديتي حيلتس في البدايه تقدرين تحولين إلى إنتظام ..

شوفي هالرابط عن الإنتساب المطور في جامعة الإمام لكن لازم من وجود دورة تأهيليه قبل التخصص وهذا شرط من شروطهم وعليه رسوم ب 3000 ريال ..

http://www.imamu.edu.sa/support_deanery/e_learn/access_to_e-learn/Pages/qualifying_session.aspx

إذا نجحتي بالدورة التأهيليه خلاص تقدرين تتخصصين وفيه اقسام رهيبه وعادي تدخلينها لو أنتس أدبي ..

وبرضو فيه دبلومات وبكالوريوس موازي مطروح من جامعة الملك سعود لكن حاطين شرط اللي هو درجة قدرات إذا أنتِ أختبرتي قدرات قبل الحمد لله سجلي وأتكلي على الله وإذا ما أختبرتي قدرات فالشكوى لله ..

موفقه يالغلا في الدينا والأخرة ..

ثوار · #13 (**permalink**) 16-08-2010, 05:10 AM

مشكوره اختي احب اسال 1 عن دبلوم جا معه الامام هاذي سنيه فيه دبلوم 2 اما انسبه انتساب جامعه الامام وش الشرواط 3 عندي قدرات بس وطي اختبر اسنه اجديده فاتني 3 فيه كليه التقنيه فيه مساي متي يبدا التقديم 3 باقي الجمعات فيه دبلومات منحيه اولا 5 احب اسال عن جامعه المزحميه شلوان اقدم متي يبدا التقديم ابي جامعه ما تكوان غاليه مشكره مرا ه تكفوان سعدواني

أم عقاب · #14 (**permalink**) 16-08-2010, 06:15 PM

اقتباس:

المشاركة الأصلية كتبت بواسطة ثوار

مشكوره اختي احب اسال 1 عن دبلوم جا معه الامام هاذي سنيه فيه دبلوم 2 اما انسبه انتساب جامعه الامام وش الشرواط 3 عندي قدرات بس وطي اختبر اسنه اجديده فاتني 3 فيه كليه التقنيه فيه مساي متي يبدا التقديم 3 باقي الجمعات فيه دبلومات منحيه اولا 5 احب اسال عن جامعه المزحميه شلوان اقدم متي يبدا التقديم ابي جامعه ما تكوان غاليه مشكره مرا ه تكفوان سعدواني

شوفي يالغلا دبلومات جامعة الإمام كان فيه السنة الماضيه لكن هذي السنة ما أدري لكن تابعي موقعهم لعل وعسى ينزلون شي ..

http://www.imamu.edu.sa/agencies/Dfsa/community_service/Pages/programs.aspx

من ناحية الإنتساب في جامعة الإمام لها شروط :
1- تدخلين دورة تأهيليه برسوم 3000 ريال وتختبرين فيها وإذا نجحتي خلاص تصيرين داخله في الإنتساب المطور و تتخصصين بالقسم اللي تبينه ..

هذا هي معلومات عن الدورة التأهيليه في جامعة الإمام ..

http://www.imamu.edu.sa/support_deanery/e_learn/access_to_e-learn/Pages/qualifying_session.aspx

2- الأن تنتسبين إنتساب مطور وتختارين القسم اللي تبينه وهذي هي الاقسام :
تخصص الشريعة
تخصص الدعوة
تخصص إدارة الأعمال
تخصص الاقتصاد
تخصص اللغة العربية

كل ترم تدفعين 2500 ريال وهذي معلومات عن الإنتساب المطور ..

http://www.imamu.edu.sa/support_deanery/e_learn/access_to_e-learn/Pages/developer_association.aspx

3- إذا شديتي حيلتس في القسم اللي دخلتيه تقدرين تحولين من منتسبه إلى منتظمه لكن بشرط تجيبين معدل مرتفع وهذا يختلف من قسم إلى قسم ..

جامعة الإمام ماتطلب درجة قدرات أبد لكن شوفي جامعة الملك سعود منزلين دبلومات وبكالوريوس وطالبين درجة القدرات وهذا رابط التقديم ..

http://w3.ksuag-admit.net/Default.aspx

إذا درجة القدرات عندتس واطيه عادي الغلا تقدرين تختبرين مرة ثانية لكن ما أعتقد فيه الحين لأنهم مقفلين التسجيل أنتِ تابعي موقع المركز الوطني للقياس وشوفي مواعيد الإختبارات يمكن ينزلون أوقات الإختبار عشان تختبرين مرة ثانيه ..

من ناحية كلية التقنية وجامعة المزاحمية وبقية الجامعات من ناحية المنحه ماعندي خبر عنها أبد ..

لكن شوفي موقع صندوق تنمية الموارد البشرية منزلين برامج لعل وعسى يفيدتس بشي ..

http://news.hrdf.org.sa/overview/OrgDetails.aspx

الله يوفقتس يالغلا ..

ثوار · #15 (**permalink**) 16-08-2010, 07:06 PM

مشكوره اختي صراع ابي عريف وش النسبه المطلوبه اشان اجتاز الدوره التا هليه 2 اذ جتزته اصير النتضام 3 وش يدرسوان 4 شلوان اسجال في الدوره التا هليه اذ ما جتزات الدوره وش بصير 5 متي يبدا التسجيال 6 وش شرطهم 7 اذ عرفتي مكان ثاني مجان قلوي ماقدر الدرس بفلوس اقدر سنه وحده ماقدر اكثير انا كنيت مقبلوله في دبلوم جا معه الامام السنه الماضيه بس اجلتها ضروف رحيت رجعتهم هاذلسنه قا لو مادي الاقسم ما ندرسيه ها ذي السنه رفضوي حولين قلول اسنه ما ضيه عادي تجلين رحيته الترم ثاني سنيه الملضيه قلو غير مو جود تعالي السنه الجديد رحتلهم قلو ما فيه هاذي الترم دبلوم الترم ثاني قسمي سكتاري مشكوره مراه علي المعلومات

أم عقاب · #16 (**permalink**) 16-08-2010, 09:53 PM

اقتباس:

المشاركة الأصلية كتبت بواسطة ثوار

مشكوره اختي صراع ابي عريف وش النسبه المطلوبه اشان اجتاز الدوره التا هليه 2 اذ جتزته اصير النتضام 3 وش يدرسوان 4 شلوان اسجال في الدوره التا هليه اذ ما جتزات الدوره وش بصير 5 متي يبدا التسجيال 6 وش شرطهم 7 اذ عرفتي مكان ثاني مجان قلوي ماقدر الدرس بفلوس اقدر سنه وحده ماقدر اكثير

انا كنيت مقبلوله في دبلوم جا معه الامام السنه الماضيه بس اجلتها ضروف رحيت رجعتهم هاذلسنه قا لو مادي الاقسم ما ندرسيه ها ذي السنه رفضوي حولين قلول اسنه ما ضيه عادي تجلين رحيته الترم ثاني سنيه الملضيه قلو غير مو جود تعالي السنه الجديد رحتلهم قلو ما فيه هاذي الترم دبلوم الترم ثاني قسمي سكتاري مشكوره مراه علي المعلومات

هلا وغلا يالغلا ..

شوفي مافيه نسبة محدده في الدورة التأهيليه اللي يهم أنك تنجحين بكل المواد ولا فيه رسوب أبد ..

إذا نجحتي وأجتزتي الدورة التأهيليه تروحين للإنتساب المطور وتختارين القسم اللي تحبينه وذكرت لك الاقسام الموجوده في الجامعه وتسجلين فيها عادي طبعاً كله برسوم وعلى حسب أختيارتس للقسم اللي تبين إذا شديتي حيلتس فيه وجبتي معدل مرتفع تحولين من المنتسب إلى منتظم وتصير مجاني مافيه رسوم ..

اللي اعرفه قسم إدارة أعمال بعد المستوى الثالث وجبتي معدل مرتفع تحولين إلى منتظمة عادي ..

فيه اقسام تحولين إلى منتظمة من المستوى الأول لكن بشرط المعدل المرتفع ..

يدرسون في الدورة التأهيليه 8 مواد لكن سهله جداً وبإذن الله تجتازينه بنجاح ..

إذا ما أجتزتي الدورة التاهيليه ياعمري ماتقدرين تتخصصين وتختارين القسم لأنه شرط من شروط دخولك للإنتساب المطور إجتيازك للدورالتأهيله ..

مثلاً رسبتي في مادة من المواد ماتقدرين تتخصصين حتى تمتحنين هذي الماده ..

في موقع العمادة - التعليم عن بعد - يحطون تواريخ الدورة التأهيليه متى تفتح التسجيل فيها وكيف الطريقة للتسجيل هنا على هالرابط ..

http://www.imamu.edu.sa/support_dean...er_course.aspx

الحين منتهي التسجيل لكن راح يفتحونه وعلى ماسمعت بنص رمضان وأنتِ تابعي الموقع كل شوي حتى مايفوتس شي ..

إذا تبين مجاني ياعمري شوفي جامعة الملك سعود نزلت لك الرابط في ردي السابق عن أن عندهم دبلومات وبكالوريوس تقدرين تقدمين عليهم مادام معك درجة قدرات سجلي قبل ماينتهي التسجيل ..

من ناحية دبلومات جامعة الإمام ماعندي خبر عنها لكن مثل ماقالوا لك تعالي لمهم على الترم الثاني وشوفي وش يصير عليك بس لاتسكتين وش ذا من العام وهم يصرفونك إذا زودوها خلي أبوتس وإلا أحد محارمتس يروح لقسم الرجال يقول لهم على هالمرمطة ذي

موفقه يالغلا ..