حياك الله اخوي أحمــد ...

ادخل على مقابلات واستفسارات ونتائج الوظائف واسأل راح تلقى الجواب بأذن الله
اضغط هنا

والله يوفقك
مقابلات واستفسارات ونتائج الوظائف

يا رجل انا رايح لصندوق التنميه للموارد البشريه ما عندهم ما عند جدتي مرزوقه
اول ما تروح يمهم يستقبلونك ويقولون هلا وعلا ومدري ويش عندتا وظايف ما عليك خذ رقم وبنزهم عليك يا اخينا العزيز واخذت رقم وانتظر وانتظر وانتظر لين جاني الملل ثم زهمو علي وجلست امام موظف قال وش تخصصك يا اخي العزيز قلت تخصصي دعم فني قال ابشر عندنا التخصص قلت الحمد لله قال بكره ان شاء الله تجينا الساعه 9 ونص عندك مقابله في شركة المنهل للتحليه قلت ابشر على ها الشحم من بكره عقب الفجر تشوف خشتي
وجا بكره ورحت بدري ويا ليتني ما رحت .
قال يله عندك محاضره عند الدكتور ادخل القاعه ودخلت القاعه وراح يثرثر علينا ومدري وش وانتم ان شاء الله موظفين وراح يخرط ويمرط
انتهت المحاضره وجانا واحد م***ك حاط ***وكه وعصقول قال كم عددكم يا حقين شركة المنهل يله وقفو
ووقف امزح اذا قلت 100 شخص الله لا يوريك قام حوالي 100 شخص وقال يله خذو ارقام للمقابله الان وراحو يتراكضون العاطلين وانا معهم والله ما يلامون يبون الريال ماتو من الجوع وصار رقمي من بينهم 16 ويمشي السرى يوم جاني السرى دخلت الباب للمقابله وشفت مندوب من الشركه يحلق الدقن شكله موظف عادي جدا قال وش اسمك قلت فلان بن فلان الفلاني قال يله بكره تروح يم شركتنا يم المنهل جنوب الرياض قلت خلاص جا بكره وانطلقت متشفق للوظيفه وضعت وحر وظما وما افطرت وانشد واحوم لين مت من الملل وتالي لقيتها الما خوذه
وقابلت موظف قلت انا من طرف الصندوق قال رح فوق في المكان الفلاني للمقابله ودقيت الباب وقابلني مصري وقال لي بعض الاسئله وقال عايزين واحد قلت من المئه واحد قال اه قلت في نفسي الله لايغيدها من صندوق شمس وحر ومسراح وظما وضايع واخرتها واحد الله لا يغيدها من ساعه

بالغربي وباختصار صندوق التنميه للموارد البشريه ما فيه فائده

يُنقل للمكآن المنآسب

والله بجد
ماعندهم سالفه
هم صح يدرسون البعض
لكن كمان حتى في هذي
يبغالك واسطه تمشي طلبك من فوووووووق

حسيبهم ربي


لكن انت قدم
ولاانت خسران شيء