السلام عليكم ورحمة الله وبركاته
لوموزين جاهز مجهز للاستخدام
فورد مونديو 2004
قير اوتوماتيك تكفيك عناء التعشيق في الزحمه والبهذله >
وسياره راسيه وثباتها قوي جدا
الموتر استخدامي انا شخصيا
شريته قبل سنه وحولته لوموزين
كمل معي سنه كامله
واستخدامي له كان بسيط جدا
في الشهر من ثمان الى تسعه ايام وقد تصل الى 15 يوم
بحكم استخدامي لسيارتي الخاصه وقت الدوام ومشاويري الخاصه
محركات على الشرط وبووودي نظيف
قزاز امامي اوتو ماتيك
وخلفي عادي
السياره
مرشوشه بويه بيضاء
لان لون الموتر الاصلي ذهبي
والبويه البيضاء كما تعلمون من شروط اللوموزين
جنوط عاديه ليست بكروم جنوط سوداء وطاسات
داخليه سوداءوالموتر متماسك جدا جدا جدا جدا >> يعني موب مهربد
وفيها العديد من المميزات :
مفتاحه الاصلي فيه ريموت وشغال ميه ميه
الريموت يجي في نفس المفتاح مو منفصل
فتح وغلق ابوبا وفتح وشنطه
وشغال ميه ميه
مكيف الكتروني
مسجل شد بلد
تحكم الكتروني في المرايا
تحكم في المسجل والراديو من الطاره
بطاريه جديده
فحمات جديده
كفر فيه اكثر من نص عمر
غيرت كومبروسر تكيييف
مكيف شغال ميه ميه
يحتاج فريون
الموتر ماشي حدود الميتين الف ومو مو متأكد
بتأكد كم ماشي وراح انزل صور بعد داخليه وخارجيه وفي كل طس وزاويه فيه
للي يبي يشوفه طبعا
وانا في مدينة الرياض
للي يبي يجرب الموتر ويشوفه مو مشكله
اقتصاااادي بكل ماتعنيه الكلمه
اعبيه ب 25 ريال فلللل مقارنة بالسيارات الاوتوماتيك
شريته قبل سنه وكلفني الموتر 21 الف
قيمة السياره + البويه + رسوم التحويل الى لوموزين والتامين وما الى ذلك + صيانه بسيطه اول ماشريته
وانا الحمد لله عينت خير في هالموتر المبروك
علما ان استخدامي فيه كان يتراوح شهريا مابين ثمانية ايام الى عشرة ايام او 15 يوم
لارتباطي بالدراسه
والان اتجهزر للرحيل عن البلاد
ومواصلة الدراسه في امريـــكا اسأل الله ان يكتب لي ما فيه خيــــــــر ,,
وانا متابع لهذا المنتدى من فتره واسجل اعجابي بروح اعضائه وهمتهم في تجاوز ازمة البطاله
ووالله انني لفخور جدا باعضاء هذا المنتدى وما لمسته منهم من مكافحه وصبر وجلد للتغلب على ازماتهم وامورهم وشدائدهم ,, التي استفدت منها كثيرا وخصوصا روحهم ومقاتلتهم في الحصول على لقمة العيش
والان بعد ان ابتدأ العد التنازلي وبعد اقتراب السفر والرحيل عن البلاد
اجدني مرغما لبيع هذه السياره التي قضيت فيها اجمل ايام حياتي رغم مرارة بعض ايامها ورغم قصر الفتره التي امضيتها فيها
الا انها تضل هذه المدعوه ( لوموزين ) ( مدرسه ) من مدارس الحياه تجمعك بكبار القوم وبصغارهم وتجمعك باطياف المجتمع اطيبهم واسوؤهم معا وتوالي عليك الدروس يوم بعد اخر
ولعل اعظم ماجنيته من هذه المدعوه هو : ( تعرفي على احد الاشخاص والذي بدوره سيسهل لي امور الابتعاث ونسال الله ان يكتب ولكم مافيه الخير )
ادري طولت لكن والله العظيم انه من الي في قلبي من ذكريات حلوه ومره في هذه السياره
اي استفسار عن الموتر انا حاظر
وطرحت هالموضوع هنا لاني اعرف نوعية الاعضاء الموجودين هنا وحاجتهم لمثل هذه المشاريع التي تدخل عليهم دخل شهري يتراوح مابين 5000 الى 8000
وقد تزيد وتصل الى تسعه الاف وعشرة الاف بشرطين اثنين فقط :
التفرغ>> المتفرغ لهذه المهنه او على الاقل من يستطيع ان يواظب عليها ثمان ساعات يوميا ستكفيه هذه اللوموزين وتغنيه عن الوظائف والارتباط
اما الشرط الثاني والاهم
احسان النيه عند شراء هذه المدعوه (لوموزين ) والسعي للرزق فقط فقط فقط ولا غيــــــــر
وعدم استخدامها في مايغضب الله جل في علالالاه
سلام

اسف جدا واعتذر للمشرفين بخصوص الموضوع
اعتقد انه مخالف
لكن للاسف ماعرفت ان في قسم بيع وشراء الا الحين بعد تصفحي جميع الاقسام
انتظر من المشرفين نقل الموضوع
او اغلاق وحذف هذا الموضوع
وانا راح انقل المووضوع وانزله مره ثانيه في قسم البيع والشراء

بوو شمران
الله يووفقك ان شاء الله
بس ياليت تنزل صوور له وعلمني كم حدكـ فيه..
بانتظاركـ...

مرحبا / اخوي بوشمران

اولا: الله يوفقك في داستك بالخارج ويسهل دربك .


ثانيا: كم حدك فالموتر .

ترني صامل بس اهم شي تكون السيارة نظيفة .


وشكرا

الله يوفقك

الله يسهل لك امورك وبعثتك بوشمران

واذا تقسط الموتر بـ 20 الف على سنة او سنة ونص انا شراي

لكن هل الموتر مفحوص ؟
المكينة تنقص او لا ؟