21-08-2010, 06:52 AM
|
عضو متواصل
|
|
تاريخ التسجيل: Aug 2010
المشاركات: 68
معدل تقييم المستوى: 29
|
|
اقتباس:
المشاركة الأصلية كتبت بواسطة مبتدء طموح
[align=center]
السلام عليكم ورحمة الله وبركاته
[/align]
اولاُ : صبحكم الله بالخير جميعا .. والله يوفقك فيما نويت أخوي
أنا طال عمرك ارشح انك تفتح مكتب اذا عندك رأس مال حلو أو تقدر توفر رأس مال مع الوقت مع العلم ان موقع المكتب ضروري وبالنسبه لتوفير رأس المال مع الوقت ... الا وهو استقطاب المستثمرين سواء ناس تعرفها او ناس تبيك تشغل فلوسها لها وهي تستفيد وانت تستفيد ... لانك على حسب النظام الي تحطه هل انت تبي تأخذ نسبه على المستثمر او تبي تستفيد من قيمة العقود مع العملاء بتقسيطهم عن طريق هـ المستثمر .. طبعا [ المستثمرين ] شغلهم لحال لاحق عليه .. وبالنسبه للمكتب انا اقولك توكل على الله وافتح هذا رأيي وأتمنى تقول كم رأس المال في الأول .. عشان اشوف لك اذا تبي تستمر او تحتاج لمستثمرين بوقت سريع .
|
وعليكم السلام ورحمة الله وبركاته
في الحقيقة أخي رأس المال المتوفر في الوقت الحالي ليس كبيراً لا يتجاوز 50000 ريال
ومن خلال دراستي للمشروع في اليومين السابقين وجدت أن المكتب قد يكلف علي قليلاً خاصة أني اذا نويت فتح مكتب سأختار مكان مميز قد يكون إيجاره عالي الكلفة فقررت العمل دون مكتب حتى يتوفر لدي مبلغ يساعد على فتح مكتب
اقتباس:
المشاركة الأصلية كتبت بواسطة مبتدء طموح
[align=center]
وبالنسبه طال عمرك لأحتياجات المكتب ؟
1 - لازم يكون بطريق مزدحم او معروف بالحي الي انت فيه او بالحي الي بيكون فيه طبعا لابد يكون الحي من الاحياء الي سكانها يحتاجون لهـ المبالغ الصغيره لتدبر أمورهم .
2 - استخراج سجل تجاري : يعني لو بأسم زوجتك .. راح تحتاج وكاله عامه من زوجتك ومكتوب فيها يحق له توكيل الغير .. وبهالوكاله انت راح تسوي لك وكالتين وكاله للمعقب الي راح يراجع الأوراق و وكاله لمدير المؤسسه الي طبعا بتحطه زوجتك في طلب استخراج السجل ولابد يكون [ متسبب ] وهذي غالبا سهله لان كثير بمكتب الخدمات يحط اسمه متسبب ويأخذ عليها مبلغ بسيط اضافه لخدماته في استخراج السجل التجاري لك .. وقيمة السجل 1000 ريال .. [ مدير المؤسسه . ليس له صلاحيات مجرد أسم فقط ] وبعد ماتستخرج السجل طال عمرك .. هناك تصديق المؤسسه وختمها ورأس مالها بالغرفه التجاريه .. والغرفه التجاريه تسأل عن رأس المال وغالبا مايكون رأس المال 25000 ريال .. توضع في حساب صاحب السجل التجاري [ وهذي بعد يقدر يدبرها لك المعقب حسب علاقاته ] طبعا الغرفه التجاريه تاخذ مبلغ 900 ريال .. وبالنسبه للمحل رخصة المحل من عند البلديه وهي بعد مايطلع الموظف يقرر كم يأخذ عليك حسب اللوحه والاشياء هذي ..
|
أشكرك حقيقة على هذه المعلومات بخصوص السجل واستخراجه مع أنهم معقدين السالفة حبتين لكن مقدور عليها أذا نويت على المكتب
اقتباس:
المشاركة الأصلية كتبت بواسطة مبتدء طموح
[align=center]
وصيغة العقود والكمبياله وهـ الاشياء كلها في برنامج معروف للتقسيط .. الي عليك هو تجيب لك جهاز كمبيوتر وطابعه بالمكتب وتنزل هـ البرنامج وموجود فيه كل شي بالنسبه للتقسيط وسهل الاستخدام ولكن هـ البرنامج مو مجاني ... انا راح اقولك اسم البرنامج وراح اقولك وين تلاقيه ... [ اذا اردت معلومات عن البرنامج وكم سعره وتجربته راسلني بالخاص .. احترام لهذا المنتدى ماقدر احط سعره ومكانه يمكن هذا ممنوع ]
|
هناك صيغ كثيرة يستخدمها أصحاب المكاتب والأهم هي أن تحفظ الحق ولايوجد بها ثغرات
ولكن ارسلي معلومات عن هذا البرنامج لاهنت
اقتباس:
المشاركة الأصلية كتبت بواسطة مبتدء طموح
[align=center]
وبالنسبه للفائده .. انا اشور عليك انك تقسط بطاقات سوا لسهولة حملها وحفظها عندك ماتحتاج مستودع ولا اي شي وفائدتك يعني على ماشفت من المكاتب واطلاعي على هـ الامور لو تكون 50% راح تكون حلوه وراح تستقطب لك عملاء .. لان اغلب المكاتب فؤادهم 60% وأنت والي تشوفه ..
وبتطلع عليك الحسبه :
5000 تقسط بقيمة 7500 على 15 شهر . كل شهر 500 ريال
10000 تقسط بقيمة 15000 على 15 شهر . كل شهر 1000 ريال
............. وهكذا
|
وهذه هي الطريقة التي سأنتهجها بحول الله
اقتباس:
المشاركة الأصلية كتبت بواسطة مبتدء طموح
[align=center]
اتمنى اني ماطولت عليك واي شي تأمرني فيه انا تحت امرك .. وانا درست هـ الموضوع كثير والان ابشرك تم استئجار المكتب وتأثيثه . وبأنتظار رخصة البلديه لبدء العمل فيه .. والله الموفق
واتمنى دعواتكم لي بالتوفيق جميعا ... واسف لو تأخرت بالرد ولكن لانشغالي وقلة دخولي للمنتدى
|
أبداً أخي الكريم بالعكس بل استفدت منك معلومات قيّمة
ماقصرت بارك الله فيك وأسأل الله أن يثيبك ويجزيك خير الجزاء ويكتب لك التوفيق في مشروعك ويرزقك الكسب الحلال ويبعد عنك الحرام
|
العرض العادي
