بسم الله الرحمن الرحيم

السلام عليكم ورحمة الله وبركاته

الكتاب من عنوانه ارجوا مساعدتكم

ياشباب حبيت استشيركم >لا خاب من استشار

انا مقدم على الدفاع المدني عندي ثانوي بس واخترت فني اتصالات > بدون شهاده

وقدمت كمان على المعهد السعودي الصحي وانقبلت وعطوني موعد >الله يخارجنا من الانجليزي

طيب اذا انقبلت بالدفاع المدني بيقلعونا ولا بمشونا تهقون واذا انقبلت ماروح لهم ولا اروح؟

واي احسن المعهد ولا الدفاع المدني اذا قدر الله وانقبلنا؟

والشكر موصول لـــــــــكم

حسب مؤهلك الشهادة الثانوية (ترشح للوظائف الادارية )

لية تخرب على نفسك 0!!!

ابوي خلك بالوظيفة اللي انت ضامنها حسب كلامك 000الخ

موفق بأذن الله ’’’

امسك الوظيفه اذا لك قدره عليها لاتخليها

[align=center][/align]وعليكم السلام ورحمة الله وبركاته

ابشر بالمساعده ياذيبان ماطلبت شيء

شوف اما المعهد اول مره اسمع به ولاعندي خلفيه عنه

واما الدفاع المدني حتى انا مقدم بالثانويه لحالها واخترت اداري
واذا انقبلت روح لهم لان بيشوفون تقديمك في الموقع وش عند دورات وزي كذا
واذا قبلوك ترا هم مطلعيمن على كل شيء
يعني مايقبلونك عاى الفاضي كذا

والله مدري وش احسن لاني مااعرف عن المعهد شيء

والله يوفقك

[align=center]
اسمع العلم ياصاحبي الدفاع المدني افضل بمليون مره لا كن المشكله هل سيقبلونك ..؟ نقول ان شاء الله لأن الوظايف الاداريه شبه معدومه

وبالنسبه للمعهد الصحي اكيد تقصد الي بفلوس ..؟

اذا كان الي بالفلوس فعلى حد علمي ان المعاهد الصحيه الأهليه مستقبلها مش ولا بد

لاكن إنت أدعوا الله وأستخير وإن شاء الله تجيك الوظيفه المناسبه
" دمتم بود "
[/align]

موفق بإذن الله

[align=center]انا مثلك مقدم علي الدفاع المدني ومعي ثانويه حاف واخترت اداري
ومانقول الي الله يوفقنا موفق بإذنن الله ... لك مي أجمل تحية[/align] .

شوف حبيبي
كل منا بتلكم من سعه وبيقول اللي يبي
انت قدم في الثنتين
إذا قبلت في المعهد واصل أمورك فيه
المعهد اللي انت قدمت فيه <<حالياً يخرجون على فني بصريات
وماكفئه 1000 ريال
وإذا تعاقدت مع شركه بتسير مكافئتك 1360 ريال
وفوق هذا أول سنه رح تكون لغة أنجليزيه بتطلع من أول سنه وانت بلبل أنقليزي
يعني الى الآن مانت خسران شيء الحمد لله
عندك مكافئه وعندك لغة
بعد سنه
تبداء بالتخصص وتدرس سنه ونص
بعد سنه ونص تطبق في الشركه أو مستشفيات مغربي 6 شهور

وبعدها تتوظف على طول بنفس الشركه اللي تعاقدت معها

براتب من 4000 إلى 5000ريال
شهرياً
دوامين فتره صباحيه وفتره مسائيه
بس لو تحسبها بتطلعلك دوام تقريباً 10 إلى 11 ساعه باليوم ومتفرقه


حلو
يعني إلى الآن
منت خسران شيء
إذا معدلك حلو
تقدم على وزارة الصحه
أو الخدمه المدنيه
وإذا انت من المتفوقين
تطلع بعثه وتكمل البكالوريوس
وإذا تخرجت تكون
أخصائي عيون
كمان بعدها
إذا تبغى تكمل ماجستير
يكون أفضل
بعد ماتتخرج
تكون استشاري عيون
وإذا انت طموح وتبغى توصل لأعلى القمم
فكمل الدكتوراه
وتصبح دكتور عيون
وكلها في صالحك مافي شيء ضدك أبد



الدفاع المدني
إذا قبلت فيها راجع
مابيسئلونك عن المعهد
ولارح يحاسبونك
إذا قبلت نهائياً في الدفاع المدني
وتنتضر الدوره
وملفك في المعهد
عادي أسحب ملفك
ورجع للمعهد مستحقاته
وصلىى الله وبارك



إذا بتدعي لي
جعل ربي ماينقصك الأجر

جـــــــــــــزاكم الله خـــــــــــــــير

والخيره فيما اختاره الله

يارب ننقبل بالدفاع بس