مشكور اخوي القلعه التجارية على مرورك وتعليقك المكلل بالدعاء ولا خلا ولا عدم ولك بالمثل واشاطرك الدعاء..واسمحلي ان اقول ابيات علي بن ابي طالب رضى الله عنه داؤك منك وما تبصر ودواؤك فيك وما تشعر.و تحسب أنك جرم صغير وفيك انطوى العالم الأكبر..
لانك قلت تكاسلت .. وهذا اعتراف جميل واحترمه منك ..وبالنسبة للطن تأتي به وبسهوله بإذن الله ,, كيف؟ لا تقول ساعتين , الجهد يختلف من شخص لاخر..نرجع نقول كيف؟ وارد الحين انت تجمع من البوفيه نفترض انها 50 كيلو يوميا ومن البقاله 100 كيلو هذي 150 كيلو ومجاني حسب ما فهمت منك..نسيت البقالات الاخرى والبوفيات الاخرى ونسيت ان فيه عمال تجمع كل يوم اقل شي 70 كيلو لكل عامل ..اذا اشتريت من هذا وهذا وهذاك.. راح تجيب الطن بسهوله بل اطنان ,,بوجود دينه, وفي اطار او محيط حارتك او حيك الي تسكن به ايضا كطن تقدر تجمعه ولو معك دينه او سيارة نقل خفيف ددسن , تمر المستودعات والمحلات والعمال والحجات الي يجمعونها ,, وحتى لو انهم يبيعون لغيرك تفرق بالسعر والتجارة شطارة.. ولك الخيار بأن تجمع وتختار اماكن تواجد الكراتين بكثرة في الحاويات اعزك الله القريبه المحلات الي ترمي الكثير من الكراتين ,, وتكون ببلاش.,وبالنسبه لي انا وعملي لا اجمع من الخارج بحكم عدم فراغي لاني ادرس واعمل مع والدي اطال الله بعمره وعمل حر خاص بي.. ايضا, فطريقتي ,, هو الشراء من العمال الي يجمعون كل شخص يجمع يوميا من 50 الى 70 واشتري منه وفيه ناس 100 كيلو يوميا وفيه ناس كل اسبوع 300 كيلو وعلى حسب.. فمكاني انعرف من قبل العمال فيجون من انفسهم للبيع علي ,, وبالرغم من منافسة من قبل الدينات الي يجمعون منهم وباسعار منافسة الا اني ابذل قصار جهدي باستمرارهم معي بعلاقتي معهم وخدماتي المغريه لهم.. ولا تنسى ان هذا الشي لا يكلفك كثيرا ,, وتربح منه سواء كثير الربح او قليل .,,

شوري عليك انك تستمر بتعاملك مع البوفيه وتقول له جمع عندك خلال اسبوع واجيك اخذها ,, وكذلك المحلات الاخرى,, لكي تكون لو معك دينه 3 او اربع ردود وتكون حققت الطن وزياده والقياس والمعيار هو الجهد..ولا تنسى ان راسمالك قليل جدا..
ولو انك لا تملك دينه .,, وعندك مكان للتجميع فعليك بالبقاله الي ذكرت والبوفيه.. وكم عامل تعطيهم عربيات( تشتريها لهم من قدم السبت يجيه الاحد ) " وسيوله في ايديهم مقدما عشان ينبسطون او بطايق شحن " كنحفيز وتشجيع وتقولهم جمعوا واشتري منكم الكيلو ب 30 هلله وهكذا.. اذا مافيه في حارتكم من يجمع الكراتين ..

وارجو انك تشوف الموضوع كامل بالردود لاني صورت الكراتين والميزان وحتى العربيه الي يشتغلون عليها العمال.


ومهوب في يوم وليله تبي يجيك الطن وانت ما بذلت جهد بالبدايه بالتجميع والتنسيق مع البياعه كعمال او معرفة الاماكن للكراتين الكثيره .. اول شهر اعتبره تجربه والشهر الثاني راح تجيب الطن باليوم بالراحه ويزيد ..

ولو جمعت باليوم نص طن في الشهر = 15 * 400 سعر البيع = 6000 ريال * 25% ربح او 100 ريال * 15 طن = مكسبك 1500 ريال في الشهر صافي ,, نعمه ,, وانت ولا خسرت فيها شي. لا عمال ولا رواتب ولا شي.,,
سعر الشراء معروف 300 ريال للطن تزيد تنقص.. وتنويه لاني كتبت في احد الردود الربح 10% ,, والصح هو 20 % الى 30% وحاليا 25%

ولك مني وافر الامتنان

كنت متعاون مع احد الزملاء الله يذكره بالخير في شغلت الكراتين وقعدنا يمكن فترة السنه ونص
بس على ايامها رخيصه اسعار البيع ولاكن لم نكمل معاه لانه الصراحه تخسرك زياده
وماتطلع غير راس المال واحيانا غير الخساره ولاكن لاتيئسو وجربوها يمكن بعضكم رزقه فيها
بس حاول لتحط لك ميزانيه معقوله.وشكرا لكم على اتاحة الفرصه والطرح الجميل للموضوع واعذرني على الاطالة
بالتوفيق للجميع ....

مشرووووووع اكثر من راااااااااااااائع

فكره حلوه


بالتوفيق ان شاء الله

السلام عليكم ورحمة الله وبركاته

يا أخواني أ،ا دقيت على مندوب شركة تدوير الورق

بالمنطقة الجنوبية

و أفادني بأن سعر الطن 200 ريال مش 400 ريال

موفقين بإذن الله ... لكم مني أجمل تحية .

سعر حلو ولا حنا خاسرنين ابدا لان الكراتين في كل شارع

الله يوفقك الجميع يارب

اخواني انسان وعادي ومشاعر طفل وهامتي فوق ومحمد سهل اشكركم على المرور والتعليق ,, ولا خلا ولا عدم منكم ولا من تواصلكم,,

وبالنسبة لاخواني انسان وعادي ومحمد سهل.. ارجو عدم بث التشاؤم والتحطيم للشباب,,وبالنسبة للمندوب الي كلمتة يا محمد سهل في الجنوب ,, بس لا تحكم على بقية المدن ..والان اقل سعر للطن 350 ريال كمشترى من العمال .. في جدة ,,
وبعدين الشركات اذا لقت عندك شي ملموس وكميه يوميا راح تتحكم بالسعر معهم ,, بشكل مقبول ..
وبعدين الي يستفسر بالتلفون فقط بيجيه اسعار تحطيميه ...
انا اول ما بديت اتصلت .. على واحد قالي الطن ب 320 ريال ,, وبحثت على غيره ولفيت واتصالات ودوران ,, لحد ما حصلت 450 ريال للطن شوف الفرق..

ولكم مني جزيل الشكر