0500437819 هذا رقم الباكستاني مندوب شركة العربية للورق والكرتون

علما بأن سعر البيع عليه او على غيرة ارتفع لاني حاليا ابيع بسعر 420 ريال للطن وللكيلو 42 هلله والمية كيلو 42 ريال

واتصل على كذا شخص او مندوب او شركة .. يمكن احد منهم يعطيك اعلا سعر ..
الي يسأل عن الشركات يقدر ياخذها من فوق او من الاستعلامات ..

[align=center]
فكرتك روووووووووعه

بس المشكله كم يبي لك من الوقت عشان تجمع كراتين وورق
وتوصل الألف كيلو!!!!؟؟؟
[/align]

شكرا لكاتب الموضوع وفقه الله

انا اذكر زمان كان فيه واحد مستاجر له بيت شعبي يجمع فيه كراتين الموز علشان وقت التمر يبيع الكرتون الواحد ب3 ريال وكان طوال العام يجمع هالكراتين لمده سنه تقريبا لين يجي موسم التمر لان اصحاب التمر والمزارع يبون كراتين الموز وكان في السنه الوحده يطلع حوالى 90000 ريال وهو مستاجر البت الشعبي ب7000 ريال يعني مع مصاريف الكهرب والماء خلوها 10000 ريال يعني يحط في جيبه 80000 ريال .

تدوير النفايات ذهب وفيه ناس كثير شارو علي بمكبس كرتون
ومستودع اوحوش وتكبس الكرتون فيه وتبيعه مكبوس جاهز




تقبل تحياتي

الله يرزقك من اوسع ابوابه

السلام عليكم وشهر مبارك وكريم للجميع عامة وللأخ / مهاجر قريبا خاصة ...

جزاك الله كل خير لطرحك هذا الموضوع وردك على استفسارات الاخوه والاخوات الكرام وهذا ان دل على شيئ فيدل على حبك لفعل الخير وتحبه للجميع وبارك الله فيك وزادك بالرزق الحلال واتمنالك التوفيق لك وللجميع .....

أخي / مهاجر قريبا أأذنلي اطرح واعرض عرض من خلال موضوعك واستكمال لمسيرته وبناء عليه ..

الاخوه الاعزاء / من منطلق موضوع الآخ العزيز / مهاجر قريبا راح اعرض مشاركتي وعرضي ,,, انا من سكان الرياض واللي يقدر يوفر سيارة نقل دينا محجبه ومخزن كبير او مستودع او حوش بس يكون مسقف وعمال لديهم رخص قياده نقل ومبلغ تحت بند المصاريف المبدئيه للفتره الاوليه فقط
فانا مستعد ادير المشروع من الالف للياء بجميع حذافيره من اول وظع الخطط للمناطق المستهدفه
لتجميع المخلفات بانواعها المختلفه والتوجه لها وتحميلها لمكان التجميع وفرزها كلا على حدا مثلا : الورق يفرز لحاله والكراتين لحالها والبلاستيك لحاله والمعادن لحالها والزجاجيات لحالها والملابس ايظا لحالها وكل شيئئئئئ يفرز لحاله ( كل شيئ له سعره بالسوق الكراتين والاوراق لهم سعر والحديد السكراب والخرده لهم سعر والالمنيوم وعلب المشروبات الغازيه لهم سعر والملابس المستعمله لها سعر ... الخ ) ,,
الى خطوة العرض والبيع والتفاوض مع المشترين والموضوع له تفاصيل اكثر ممكن التطرق والتوسع به ولكن لكل حادث حديث ,,, اكيد البعض بيقول طالما اساس هيكلة المشروع بنوفرها اجل ايش لازمتي انا ؟؟؟ صح ؟؟؟ امعن النظر بالمشروع
وتطبيقه وادارته وبلاويه وتعبه ومرمطته ومسئوليته وانتم تعرفوا الاجابه لان ممكن يتوفر عند اي شخص اساسيات قيام مشروع بس الاهم من كل هذا كيف يتنفذ ومين يتفذه بجديه وأمانه والتنفيذ هو عصب اي مشروع ليكون موجود على ارض الواقع ويكتب له النجاح بعد مشية الله وتوفر النيات الطيبه ,,, على كلا كما ذكرت سابقا الموضوع مفتوح للمناقشه وسوف افتح له موضوع مستقل تفاديا لأي مظايقه او لخبطه ,,, والله الموفق .