تجربتي البسيطة مع الدواجن

عسى ما شر · #21 (**permalink**) 23-08-2010, 10:28 PM

اقتباس:

المشاركة الأصلية كتبت بواسطة السيد إيكو

[align=center]موفق بإذن الله ؛؛
اللي بغيت استفسر عنه هو هذا النوع اللي اول مرة اسمع فيه وهو دجاج البراهما وتقول انه دجاج زينه ؟؟
اللي اعرفه ان الدجاج كله للأكل

كيف يصير زينه ؟ واللي يشترون منك وش يبغون فيه ؟
وإذا شريته لغرض الزينه وين مكانه الطبيعي ، يعني هل هو هادئ وجميل المنظر مثل طاير الفلامنجو اللي يستخدم للزينه في الحدائق ؟ يعني لو احطه في حديقه المنزل بيكون له منظر جميل واهم شيء هل هو نظيف ؟ تحياتي لك[/align]

هذه هي مشكلتنا ما نعرف الا في الاكل . بعدين اذا كان لك قلب تاكل دجاجة براهما دافع فيها 300 على الاقل فعليك بالعافية ولا تنسى تعزمنا .

دجاج البراهما يوصل وزن الذكر البالغ 5 كيلو تقريبا والانثى 4 كيلو . وشكلهم زين وطبعهم هادي ومسالمين مع الاطفال والبشر عامة .
وهذا موقع ويكيبيديا يوضح عن البراهما بالنجليزي . http://en.wikipedia.org/wiki/Brahma_%28chicken%29

اقتباس:

المشاركة الأصلية كتبت بواسطة هشام الغزال

بشاير توهم باديين في انتاج البيض

انا ان شاء الله بشتري فقاسة من الاربع دجاجات

لاني ابي ابدا بالمشروع خطوة خطوة ومثل مايقولون مشوار الالف ميل يبدا بخطوة

وانا اول ما يفقس البيض ويطلعون الصيصان

بوديهم لشخص يعتني فيهم الين مايكبرون

وبعدين ابيع نصهم واستثمر النص الثاني

ما شاء الله بشاير يعني تو اعمارهم في الستة شهور . الله يبارك لك في حلالك .
موفق باذن الله .

يادافع البلاء · #22 (**permalink**) 24-08-2010, 12:55 AM

مشاء الله تبارك الله

الله يكرمك
يليت تبين لنا كم كلفك بناء الغرفة وتزودنا بصور لها لانها عجبتني وابي اسوي وحده نفسها حضيرة لدجاج

انتظر الصور
اتمنى لك التوفيق

ح مدان · #23 (**permalink**) 24-08-2010, 02:19 AM

اخوي الله يوفقك

ممكن ترسل لي على الخاص رقمك او ايميلك

هشام الغزال · #24 (**permalink**) 24-08-2010, 05:02 AM

ابشرك اخوي

خلصت اليوم من الغرفة وضبطتها وصلحتها

و ان شاء الله الساعة 5 الفجر انضفها وانقل الدجاج للغرفة

و الذكر بجيبه بعد صلاة العشاء

ولحد الان كلفني المشروع

1300 ريال

عسى ما شر · #25 (**permalink**) 24-08-2010, 07:30 AM

اقتباس:

المشاركة الأصلية كتبت بواسطة يدافع البلا

مشاء الله تبارك الله

الله يكرمك
يليت تبين لنا كم كلفك بناء الغرفة وتزودنا بصور لها لانها عجبتني وابي اسوي وحده نفسها حضيرة لدجاج

انتظر الصور
اتمنى لك التوفيق

يا حياك الله اخوي . بالنسبة للغرفة تحصلها عند سوق الابل اللي في طريق الثمامة ( طريق البعارين ) موجود جاهز عندهم من اخشاب مستخدمة وحالتها لابأس بها بـ 1200 ريال تقريبا مقاس 4*5 وعليهم التركيب . اللي سويته فيها اني صبغتها بوية وشوية تعديلات من الداخل .

اقتباس:

المشاركة الأصلية كتبت بواسطة ح مدان

اخوي الله يوفقك

ممكن ترسل لي على الخاص رقمك او ايميلك

حياك الله اخوي لك رسالة على الخاص . واذا لك استفسار ممكن تطرحه هنا . ممكن اني اكون غفلت عن شئ وتذكرني فيه ينفع الجميع .

اقتباس:

المشاركة الأصلية كتبت بواسطة هشام الغزال

ابشرك اخوي

خلصت اليوم من الغرفة وضبطتها وصلحتها

و ان شاء الله الساعة 5 الفجر انضفها وانقل الدجاج للغرفة

و الذكر بجيبه بعد صلاة العشاء

ولحد الان كلفني المشروع

1300 ريال

ما شاء الله تبارك الله . احييك اخوي على حماسك . ولا اوصيك تمر اي صيدلية بيطرية وتسألهم عن اللقاحات اللازمة للاعمار الموجودة عندك .
ايضا لا اوصيك بعلف اراسكو بياض تلقاه اذا انت في الرياض مقابل سوق الحمام في العزيزية ( الجهة الاخرى من الشارع العام ). ولا تنسى تقله انك تبيه علف بياض للبشاير . لان علف البياض يبدأ من الصوص الين الاعمار الكبيرة مراحل .
موفق يارب .

يااخوان المشروع هذا راس ماله قليل يعني كلفني تقريبا الى الآن حول 10 آلاف . وللمعلومية كلفني اكثر من ما يستحق لاني بديت على تغشامة وتجارب . والمفروض انه ما يتعدى 8000 ريال بالكثير .
خصوصا اللي عنده صطوح او حوش او استراحة غير مستغلة . يضبطله حظيرة صغيرة ويتوكل على الله .
الشغلة حلوة وفيها بركة باذن الله اذا اخلصت النية لله . وترى ماهي صعبة وتصلح للذكور والاناث شرط مع محرم للبيع والشراء فقط , لكن يبيلها شوي صبر وعناية وعزيمة وقبل كل شي توكل على الله . والله يوفقنا وياكم .

هشام الغزال · #26 (**permalink**) 24-08-2010, 08:19 AM

شوف اخوي

وشو يصير اذا حطيت لهم علف بياض بشاير

وكان الديك وياهم ياكل عادي

ولا وشو

عسى ما شر · #27 (**permalink**) 24-08-2010, 10:20 AM

اقتباس:

المشاركة الأصلية كتبت بواسطة هشام الغزال

شوف اخوي

وشو يصير اذا حطيت لهم علف بياض بشاير

وكان الديك وياهم ياكل عادي

ولا وشو

اي نعم عادي اخوي الديك خله ياكل وياهم نفس العلف .

هشام الغزال · #28 (**permalink**) 24-08-2010, 10:33 AM

ابسالك يمكن انا اشتري صيصان

ابي طريقة العناية بها

بعد اذنك وازعجتك

وتم تقييمك

عسى ما شر · #29 (**permalink**) 24-08-2010, 09:46 PM

اقتباس:

المشاركة الأصلية كتبت بواسطة هشام الغزال

ابسالك يمكن انا اشتري صيصان

ابي طريقة العناية بها

بعد اذنك وازعجتك

وتم تقييمك

بالعكس اخوي فرحتي لما اساعد احد وافيده مثل ما افادني غيري . وعلى الرحب والسعة .

بالنسبة للصيصان العناية بهم صعبة شوي . اهم شي تاخذهم وعمرهم مايقل عن اسبوع حتى يقدروا يتحملوا النقل ويكونو اخذوا تطعيم ( النيوكاسل ) حق الاسبوع الاول .

ثاني شي توفر لهم فرشة على الارضية من نشارة الخشب لايكون ناعن مررة ولا خشن مررة وسط .
كل 100 صوص يكفيهم متر * متر . وتزيد تدريجيا كل ما كبروا . ولمبات صفراء او الافضل حمراء حتى ما يجهرهم النور الاصفر وتكون قوة اللمبة 60 وات . وترفعها عنهم ارتفاع 30 سم تقريبا .

وارتفاع اللمبة ممكن تعرف اذا مناسب او لا من تصرف الكتاكيت , اذا كانوا متجمعين كلهم حول اللمبة ومتزاحمين فمعناها انهم بردانين فتقرب اللمبة لهم شوي . واذا كانوا مبعدين عن اللمبة وقاعدين في اطراف المكان ابعد مايمكن عن اللمبة فمعناها انها قريبة مررة وحاسين بالحر .
واذا كانو متوزعين ويتمشون وياكلون وتحس انهم مبسوطين بدون مزاحمة فمعناها الحرارة عندهم وبعد اللمبة مضبوطة . واهم شي تغيير الجو في المكان لو تركب مروحة شفط تغيير الجو على طول عندهم . واذا تبي تدلعهم حط مكيف صحراوي مقاس ربع حصان من الحراج .

وموفق باذن الله .

عسى ما شر · #30 (**permalink**) 24-08-2010, 09:52 PM

في شي نسيت اقوله اللي هو اذا نقلت الصيصان من مكان لمكان ثاني بعيد الافضل انك تعطيهم كورس مضاد حيوي . لان الدواجن عامتا مناعتها ضعيفة وتحتاج شي يقاوم . وللمعلومية ترى علاجات وفيتامينات الاستخدام الحيواني رخيصة وغير مكلفة .