[align=center]
بسم الله الرحمن الرحيم

صبحكم / مساكم الله بالخير ...


الاسبوع الماضي كنّا جالسين في احد المستوصفات الاهلية بالرياض أنا ومجموعه من الشباب ..

ننتظر دورنا لإجراء المقابله الشخصيه لعدد من الوظائف ...


أثناء جلوسنا في أماكن الأنتظار وكل واحد ماسك ملفه بيده , طلع رجل من أحد العيادات وكان معه أولاده (( مابقى ألا أكتب وش لابسين بعد !!))

المهم الرجال كل شوي يلتفت لمنا .. ثم يمشي ويلتفت .. (( أسلوب تشويق )) >> (( من خلف مامات يابو يارا (( غازي القصيبي ))



المهم والكلام الصريح .. جا ذاك الرجال لمنا وحنا جالسين وسألنا :

الرجال : أنتم جايين تقدمون على وظايف ؟

حنا : لا جايين نشري طبق بيض !! >>> قهرني سؤاله , كل واحد ماسك ملف اخضر وهو قاعد يستفسر ..

المهم

قال : إيش مؤهلاتكم ؟

الأغلبيه قالو جامعيين


قال الرجال : أجل ماتصلحون لي !!

قلنا ليش وش فيه ؟

قال أنا عندي وظايف , لكن أبي ناس خريجين ثانوية أو دبلوم بعد الثانوية

والرواتب من 4000 - 4500 ريال


وعلى ما أعتقد أنه قال الفيصليه مادري يقصد شغل بالفيصليه أو أنه شركه أسمه الفيصليه


مو متذكر بالضبط لكن هذا اللي اذكره ...



المهم أنه عطانا رقمه وأسمه أبو ناصر , وقال إذا خبرتو أي واحد معه المؤهلات اللي قلت لكم , هذا رقمي وخلوه يتصل علي ...


وللفائده حبيت أنقل الفرصه لكم .. لعل وعسا نكسب لنا ثواب ويتوظف أحد على ايديننا


أبو ناصر
0505289752




مع تمنياتي لكم بوافر الحظ والتوفيق في الدارين


وآسف على بثارتي >> لكن اعذرون عاااطل وقلقااان[/align]

الله يعطيك العافيه

بآرك آلله فيك .... وجزآك كل خير
يعطيك آلعآفيه

ربي يعطيك العافيه اخوي

بآرك الله فيكـ

عآفآك ربي اخوي ..

يعطيك الف عافيه اخوي

الله يجزاك كل خير ويرزقك ماتمني وكثر الله من أمثالك

شـكرا لك وبارك الله فيك... لك مني أجمل تحية .

عاش هتلرررررررررررررررر

الله يجزآك خير آخوي