السلام عليكم ورحمة الله وبركاته ..

شلونكم ..

آإتمنى آنكم بصحه وعافيه ..

الحين عندي فلسطيني دارس نفس تخصصي بالعماره عندنا دارس شبكات ..

وتخرج واشتغل بشركة اسمها روش طبعا والرجال مبسوط توه مطلعله ارمادا ..

ويحكيني عن الشغل في الشركة وان الشركة كلها فلسطنين اردنين هنود يعني اجانب

المهم قلتله طيب مافي سعودي قال والله ماشفت قلتله ليش ماتوظفو السعودي يقلي ياخي السعودي بس يبغى مدير يبغى يصير مدير على طول قلتله ياعمي الله يهديك مين قال نبي مدير قال الا يبغى مدير قلتله طيب انا عندك ماابغى مدير ابغى اتوظف وبس قال والله مابعرف بس يقلي ان السعودي مابيخلص في العمل ويقول هما يبغو شغيلين والسعودي ولد هاي مايبغى يشتغل وكذا يبغى بس يكون على مكتب وتكييف مركزي وشاي وبس قلتله ياعمي شيل الافكار الغبيه الي عندك
قال كلمت الحق لازم تنقال قلتله طيب حصل خير ..

وهذا القصه بالمختصر المفيد

وما اقول غير ارفع راسك انت سعودي ينقص قدرك والاجنبي يزودي

ما جبت شي جديد
يعني هذي الفكره قديمه عن الشباب

الله يعين


وهذا وجهة نظرهم اتجاه الشباب


اقسم بالله صرت اتمنى اني اماراتي كان ماخذ حقوقي كلها متوظف وكل شي


بدية احب الامارات ^_*

هذي وجهة نظرهم للسعودي
و نحن نعرفهم جيدا يتحملون حتى يتمكنون
و لو طلبت منه مشوار بدل السائق تجد التأفف
لأنه يريد المكتب و التكييف لأنه تعود و صار أفضل من السعودي
أما الشركة اللى ما فيها و لا سعودي
أبحث عن صاحبها و تجده متنفذ و غير قابل للمسائلة و العقاب
و يمكن كل الشركة صارت و إنشات من خلف المكتب و بالهاتف
و تجارة فيز و إستفاد من دعم و إستقدام و كل شئ وهمي
و أكرر أبحث من صاحب الشركة
و يمكن مستثمر أجنبي بظهر سعودي

المشكلة ياعزيزي ليست في الاجنبي وتسلطه وكرهه لسعودي فقط ..المشكلة في المسئول السعودي في

الشركة تجد السعودي دائما ضد السعودي واصحاب المؤسسات والشركات معضمهم سعوديين هم اللي

يعينون ويفصلون يعني بشكل افضل ابن عمك ما يبغاك يبغى اجنبي فلماذا نضع الظلم كله على الاجنبي..!!

تلك اذا قسمة ضيزى...

في شركة في تبوك اسمها (استرا ) هذي مالكها فلسطيني ومعينين واحد سعودي مدير التوظيف يعطونه راتب

فوق 15 ألف وله علاقات في الامارة لو احد اشتكى يسحبها ويوميا طرد للسعوديين والمشكلة ان المواطنين

يفكرون ان استرا للأمير وهذا غير صحيح ...

والنهاية نحن السعوديون لانحب بعضنا واي واحد يصلح مؤسسة راح يعين طاقمها اجانب صح...

بختصار .. قول له ..في شباب سعوديه يكرفون كرف ماكرفه المرحوم ياسر عرفات بين الدول اثناء مطاردته بالقضية الفلسطينية .^_(^
لكن .. اصحاب الشركات مايحبون يوظفون سعودي لجل راتبه يكون مرتفع شوي عن الاجنبي.
سعودي راتبه 1800 ريال لو حارس امن هذا الراتب يجيب فيه اثنين عمال بنقاليه .ويمكن ثلاثه بعد .
هذا السبب الاول اذا حصلت شركة مافيها سعوديه .
السبب الثاني ياطويل العمر .. ههه تحصل الشركة سعوديه وصاحبها السعودي مليان ومستلمين الاعمال كلها اجانب بالإدارة ولاعبين على وجهه لعب .. وموظفين اقاربهم ويوظفون اجانب .. لجل مايتكلمون لو شافوا منهم اي تصرف غير لائق او اي عملية نصب وإحتيال اتجاه الشركة وصاحبها .
لو جابوا سعودي يمكن .. يخرب عليهم الشغل كله ..ويفضح بملاعبيهم بالشركة .
لان السعودي ماقول الكل ولكن 85% منهم لايقبلون الرشاوي ولا يرضون بالحرام ولا التلاعب بحقوق الآخرين.
وثاني شيء وظائف الاجانب .. للأجانب .. والسعودي معروف قدره مع احترامي للأخوه العرب.
هم من أتوا إلى وطننا ليعملوا والي يتغرب عن موطنه يرضى بأي وظيفه .
وثاني شيء لو يستلم 1000 الف ريال .. تحصلها بوطنه تعمل له اشياء كثيرة ..
اما السعودي ماتسوي معه شيء حالياً 3000 ثلاثة الآف ريال . في ظل ارتفاع الاسعار والاوضاع المتردية بالبلاد. من عطاله وعنوسه وكثرة جرائم ووإلخ . بسبب العطالة والفقر.
اخوي الاجانب الرواتب قليلة لكن اساساً بلدانهم اقتصادها [ واطي ] هههه جداً جداً جداً .
تحصله ساكن بغرفة عزبه مع خمس اشخاص مايدفع شهرياً 50 ريال .. من راتبه والباقي يتحول لبلدهـ
وبعد خمس او عشرة سنوات عمل له مشروع ببلده وعمل خروج نهائي .. ولا اشترى له عقار ببلده وعمل خروج نهائي.
بختصار .. لايغرك الاجانب .. وتحسبهم انهم حقين كرف يوم يرضون بالوظائف القليلة .. لكن .. هذه الوظائف لو ماهي كافيه ووافيه له .. ماكان استلمها ابداً . وماظنتي هناك رجل عاقل ..يقبل ان يضيع وقته وعمله بلا فائدة ولانفع.
اما اتوظف براتب 1500 ريال وانا سعودي وعايش بين اهلي واصدقائي بالبلد والله ماتنفعك بريال.
لو هذا راتبي .. وجوني ههههه الي رادين عليك بالموضوع ضيوف اول يوم جاني عاطل بقوة جبت له نص تيس 500 ريال .. وبعدها جاني سيف جهينه بثلاث ايام وجبت له نص تيس 500 ريال .. وبعدها جاني راجو القحطاني وجبت له بعد نص تيس بـ 500 ريال .. هههه طار الراتب ههههههه ولا تبينا نعيش حياتنا بين اهلنا ومجتمعنا رخوم لانكرم الضيوف ونتنازل عن عادتنا وتقاليدنا .. خخخ كنا نجيب مفطحات لكن الحين بالاوضاع هذه نص تيس
عسى الله يستر لابكره نضيف ضيوفنا قشطة فراوله وبريال صامولي .
موفقين
تحيتي

الله يعين

اييييييييييييييييييييييييييييه كلن على همه سررررررررى ، ولله اماراتي بالإمارات معااه كفائة المتوسطة ويقول راتبي بالسعودي 7 الاف ريال .. اجل لونه ثانوي كم بياخذ

عزيزي العميل الوضع خربان كثير وان ماكبرت مابتصغر .وش تبينا نقول ننفخ بقربتن مشقوقه .مندبلتن سبدي
لاااا مفر تتصبح وتتمسى بوجيهم , هذا غير الطقطقه علينا في المنتدى مسوين انا سعوديين
حاشى لله ماهو تكبر لكن حدتنا الظروف خلتنا نبغضهم والمشكله انهم حاسين بوضعنا وفوق كذا يكررون اشاعتهم
اللي صدقنها انا مو حقين شغل . الله يلعـ#####