السلام عليكم ورحمة الله وبركاته



لا أعــرف أن أدخل بمقدمات بل سوف اطرح مالدي عسى أن

أجد ضالتي عندكم وما يروي عطش أفكاري

أنا شخص متخرج من الثانوية العامة أدبي نسبة 70% عام 1427هـ

بحثت عن وظائف وعن عمل فلم أجد فبودي الآن لو اكمل البكالوريوس

علماً بأنني لم أختبر قياس مدري اختبار القدرات ما اعرفه

س_اللي أبغاهـ منكم مشكورين متى أقرب اختبار قياس

وهل يمديني أدخله لأنني متخرج من عام 1427هـ ؟

س_وما هي أفضل جامعة من ناحية المستقبل وأفضل قسم يناسب

معدلي بالثانوية ؟...




بانتظار أجوبتكم التي سوف ترسم روح الأمل في وجهي

مطفوف خمس سنين ما اقدر افيدك انشاء الله شباب بفيدونك وتقبل مروري موفق بإذن الله ... لك مني أجمل تحية .

ادرس انتساب وجيب معدل صاحي وحول انتظام ماراح يفكرون بنسبتك راح يفكرون بالمعدل الي تجيبه من شان تحول انتظاام ادخل موقع جامعه الملك عبدالعزيز واقرا عن التحويل من انتساب لنتظاام
وماتوقع كذا يحتاج قدرات .
هذا الي اقدر افيدك فييه

وعليكم السلام ورحمة الله وبركاته ..

شوف جامعة الإمام عندهم إنتساب مطور ولا يحتاج قدرات أبد ولا يعتمدون على نسبتك حقت الثانوي حتى لو متخرج من الثانوي لك 20 سنة ولو نسبتك طايحه تراه عادي ..

الأهم أنك تجتاز الدورة التأهيليه بنجاح وهي برسوم 3000 ريال وبعدها تتخصص أي قسم وقسم إدارة أعمال ممتاز لأنه شامل وعام من ناحية المجالات الوظيفيه ..

غير أنك إذا شديت حيلك في دراسة الإنتساب تقدر تحول إلى إنتظام وتطيح عنك الرسوم وشد حيلك حتى تقدر تكمل دراسات عليا ..

مافي شي بعيد مادام همتك عاليه والله الموفق ..

يعني هذا رأيكم ...!

^ ^ ^

اللي تشوفه مناسب لك توكل على الله ..

على فكرة مادامك خريج ثانوي فعندك الأن إذا حاب تختبر في مركز القياس إختبار قدرات وفيه بعد تحصيلي يعني شغلتين موب شغله وحده ..

كل اللي عليك تشيك على موقع المركز الوطني للقياس وشوف مواعيدهم حقين الثانوي وللعلم أنا جامعيه نفس سنة تخرجك أنا متخرجه وأختبرت قدرات الجامعيين هالسنة ( فقط قدرات لأن مافيه عندنا تحصيلي للجامعيين ) ..

وبعدين درجة القدرات والتحصيلي بتعل قلبك حين التسجيل ليش ..؟!!

لأنهم يعتمدون على النسبة النهائية اللي بتطلع من هالحوسه كلها فأحسن حل لك أدخل إنتساب مطور في جامعة ماتطلب لا قدرات ولا حتى تنظر لمعدلك حق الثانوي ولا وش أنت من تخصص أدبي وإلا علمي كل اللي عليك تدرس وتدفع رسوم بس إذا شديت حيلك تطيح عنك الرسوم وتصير طالب منتظم والله الموفق ..