[align=center]بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
اخواني واخواتي اتمنى من اي شخص عنده خبره بهذا الموضوع يرد عليه
اولاً : انا موظف حكومي على المرتبة الثالثة واراتب كما تعلمون مرتبة ثالثة ضعيف جدا لا يفي بمتطلبات الحياة في هذا الوقت وهذا الغلاء الفاحش فهل استطيع ان اشتغل على لموزين بمعنى اني ارغب بشراء لموزين باسمي الشتغل عليه واترزق الله فهل يسمح لي النظام شراء لموزين واستخراج رخصة قيادة عمومي مع العلم ان الرخصة العمومي تسحب بمجرد تسجيل مهنتك بالاحوال المدنية بموظف حكومي كما حدث لاحد زملائي في العمل في السابق كان سائق اجرة وعندما حصل على وظيفه طلبو منه تعديل المهنة وعتند تعديل المهنة تم سحب رخصته العمومي فكيف تستطيع شراء لمزين والعمل عليه بطريقة نظامية
مع العلم بان نظام الخدمة المدنية يسمح لمن هو دون المرتبة الخامسة بشراء لموزين والعمل عليه.


ثانياً: هل يحق لموظف المرتبة الثالثة استخراج سجل تجاري وممارسة التجارة بشتى مجالاتها ام ان هناك ضوابط تحدد انشغال الموظف الحكومي بالتجارة

ارجو ممن لديه معلومة مفيدة الرد باسرع وقت ولكم تحياتي[/align]

الله يوفقك
أعرف موظف خطوط يعمل على ليموزين أخوه
و لا عنده مشكلة
و يوجد موظفين يعملون عمل خاص سواء بإسمائهم
أو اسماء أقاربهم
توكل على الله و العمل لا حرام و لا عيب
أشاهد ناس عسكر و يمكن رقيب في القاعدة
و يركب ناس و يوصل مشاوير و هو ليس في حاجة
فقط سد فراغ الوقت

موفق بإذن الله ... لك مني أجمل تحية .

كذا تكون رجل مكافح
الله يوفقك

اول شئ انت ماوضحت كثير في كلامك

الحين انت روح طلع رخصة عمومي من دله وطلباتهم اوراق مصوره ودراهم هذا اللي اعرفه

بعد كذا شف الليموزين اللي تبي تشتغل عليه ,, اذا كان عندك سياره خاصة وتبي تحولها للموزين بتمشي امورك وماعليهم من وظيفتك ومهنتك

واذا تبي تطلع ليموزين من عبداللطيف جميل روح لهم واتأكد من طلباتهم ولعلمك ترى يتغاضون عن اشياء كثير وبعض الشروط لا تأخذ الشروط بمحمل الجد عادي يمشونك ولو اني افضل لك تحول سيارتك للموزين

او زي ماقالوا الاخوان طلعها باسم اخوك او ابوك او اي شخص ثقة

واخر شئ تأكد من مهنتك في الاحوال المدنية فيه ناس موظفة ومهنتهم للحين ماتغيرت يمكن مهنتك لازالت طالب او متسبب تأكد ممن هالشئ اول


ترى الامور مفلوته ولاتغرك الشروط والقوانين البلد مسيبه وماحولك احد لو تسويلك مصنع اسلحة محد درى عنك


شف الاجانب مايعترفون بشئ اسمه قوانين القوانيني تمشي على السعودي بس

موفق

تأكد اذا كنت مسجل في الاحوال موظف ام لا زلت طالب او متسبب .
انا مثلك على الثالثة وفي وزارة التجارة والصناعة ولكن ممنوع اطلع سجل لاني موظف حكومي رغم اني دون الخامسة .

الله يوفقك ان شاء الله

تقدر تطلعها باحد الاقارب او ايجار من مؤسسات سيارات الاجرة بس مدري وش شروطهم ؟

السلام عليك فهد يعني لو انا مهنتي متسبب ونا موظف اقدر اطلع سجل تجاري وفرضن صادوك انك موظف

موفق بإذن الله ... لك مني أجمل تحية .

الله يوفقك