بسم الله الرحمن الرحيم



السلام عليكم ورحمة الله وبركاته



أولاً اخواني مشعل الهذلي وهلت الدمعات


انا مثل ماجاني الإتصال وقالي يافلان ترى النتائج بيوم 15 من بكرى إتصلت على المساعد قال والله ماأعرف ولا عندي خبر الله يجزاه خير عطاني رقم اللجنه حقة الفرز اتصلت عليهم رد علي جندي قال غداً ان شاء الله وهذا الكلام يوم السبت!!!!؟؟؟؟؟؟

انتظرت بكرى مثلكم ماطلع شئ اتصلت عليهم مره ثانية رد علي عسكري ثاني قال بتاريخ 15 الشهر!!!!!؟؟؟

اتصلت يوم الإثنين على المساعد قلت له يابوفلان السالفه كذا وكذا قال شوف بعطيك رقم العمليات الخاصة بالقبول والتسجيل هم اللي عندهم العلم الأكيد

عطاني الرقم مشكوراً

اتصلت عليهم وقالو مافيه يوم معين حنا الحين قاعدين نفرز ونفاضل بس بإذن الله خلال هذا الإسبوع

قلت له السالفه انه جاني اتصال يقول يوم 15 الشهر قال كذااااب قلت الرجال اعرفه قال لايهمك قلت كيف قال حنا الحين قاعدين نفرز والأرقام كثيره وحنا مانعرف متى بس إذا خلصنا اعلنا على طول واحتمال الإسبوع هذا إحتمال قلت طيب مافيه يوم تاريخ معين قال والله انا اللي مكلمك وانا مسؤول بلجنة الفرز ماأعرف يمكن اليوم يمكن بكرى يمكن الإربعاء يمكن الخميس بس اللي نقوله لك هو خلال هذا الإسبوع



اما الأخ عويطل

والله انا مثلك ومثل جميع الأعضاء مقدم على الدفاع المدني وعلى المنشأت بس يرضيك

تبغى تستفسر عن شئ إلا وفيه عشرين موضوع تلفهن كلهن ويمكن بعد ماتحصل الجواب اللي تبغى لو كان موضوعين ثلاثه بالكثير كان استفدنا احسن من كذا



والأخ خريج ثانوي مستجد


المديرية العامة مايدرون يقولون جالسين نفرز ونفاضل واول مانخلص راح نعلن بس هم يقولون إن شاء الله الإسبوع هذا بس ماهو اكيد يعني انتظر مثلنا وانا اخوك

واي واحد يقول باليوم الفلاني طقها في وجهه قله نصآآآآآآآآآآآآب واولهم انا اللي نقلت كلام عن واحد الله يهديه بس


وبالأخير العذر والسموحه من الجميع


اخوكم ومحبكم / شوقي المشتاق


دمتم بود


والسلام عليكم ورحمة الله وبركاته