بسم الله الرحمن الرحيم




حصلت وظيفة في شركة مسؤوله عن صيانة الأجهزة الطبيه في مستشفى حكومي براتب حوالي(2200ريال) وتبعد عن ديرتي حوالي (1000كم)

لكن ما لقيت ألا هي لأن لي سنتين عاطل وبحثت في ديرتي وفي غيرها أكثر من مرّه وتوسطت ولكن ما الله كتبها.

اللي اريده منكم يا أخواني نصيحتي هل أعمل فيها وأكتسب خبره وأتعلم واقضي وقت فراغي في شي يفيدني أو أتركها بسبب راتبها الذي قد لا يكفيني للعيش .

بالنسبه لي وافقت على عرض الشركه وارفعوا اوراقي للوزاره للموافقه ولكن فيه واحد من أخواني نصحني اتركها وانا الحين محتار!!! تكفووووون ساعدوني

*** ملاحظه / اسم الشركه إيمان ( اللي يعرف عنها شي يعلمني سواء شين او زين)

تكفى انصحني يا اخوي و وسامحني واعذرني على الوقت اللي اخذته منك

++ مع العلم اني مقدّم في ديوان الخدمه المدنيه والى الان لم اطابق الاوراق

وأكتسب خبره وأتعلم واقضي وقت فراغي في شي يفيدني<هذا كلامك وهو عين الصواب بالنسبه للي نصحك وش الاسباب الى خلاته يقول اتركها ؟عموما اخوي جلسه البيت والفراغ والله مرض تؤكل على الله وادخلها وبنفس الوقت قدم على غيرها

الله لا يهينك يا حي السفارات على تفاعلك والله يبيض وجهك
بالنسبه للي نصحني اتركها يريد ان اذهب للأردن ودراسة أطراف صناعيه(دبلوم) لأن وظائفهم متوفره حالياً وفي الديوان توظيف مباشر ولكن اليوم ليس بعد سنتين ونصف!! وأنا رفضت لسببين هما:
1- اعرف ظروف أهلي لانهم لا يستطيعون ان يدفعون لي مصاريف الدراسه هناك.حتى وان قدروا فسأتعبهم كثيراً وأنا لا أرضاها .
2- دراسة تقريباً ثلاث سنوات وحصلت على دبلوم عالي في الاجهزه الطبيه وغربه وتعب سوف تذهب هباءاً منثوراً.
اشكرك مرة اخرى أخوي على تفاعلك معي

س/ هل تعرف معلومات عن شركة إيمان؟؟ هل هي شركة قويه وممتازه ؟؟

مثل ما قال اخوي حي السفارات ,, توكل على الله وتوضف فيها , ولكن لا تعتمد على الاستمرار .
يعني ابحث عن وضيفه اخرى مناسبه وبراتب دبل هذا على الاقل 3 مرات ,
يعني 2200 وش تسوي ونقول ان المنطقة بعيده اللي فيها الوضيفه ولو بتسكن اما ايجار او انك بتمتر الخطوط رايح جاي ,
عموما انت استخير الله في هذا الشهر الفظيل وتوكل على الله .. ولا يهمك كلام اخوك عن تركها ,, اذا كان عند اخوك وضيفها غيرها قول وضفني وانا اتركها,

لكن قبل ما توقع العقد اقرى الشروط .. احيانا بعض الشركات اللي توها طالعه وتسمع في السعوده يحطون شروط في حالة الاستقاله .. كدفع راتب ثلاث شهور او العمل لمدة ثلاث سنوات .. او كلا الشرطين معا

عموما احرص على اخذ صوره من العقد بعد التوقيع ومزمز عليه في البيت

وانا عاطل وانا اخوك وادعلي بالتوفيق ,, وان الله يوضفني والله تعبت وانا ارز وجهي عند ابوي وامي كل شوي اخذ 15 و 10 ريال

يعلم الله اخوي اني ماحصلت اى معلومه عن الشركه الا بعض ارقامهم
الهاتف رقم: 492000

أو

على عنوان الشركة بالرياض (11471)ـ

صندوق بريد

3030

تبغى النصيحه اجلس بس والله بيعوضك بابرك منها
1000 كيلو ويبي لك سكن واجار وماكل ومشرب يعني راتبك ماراح يلحق معك
وبيجيك هم الغربه يكفي
نصيحه اخ توظف لو بـ 1500 ريال بس عند اهلك وقريبه
اما 1000 كيلوا واخرتها 2200 والله ماتسوى اصلن واجار الشقق الشهر باكثر من 3000 الف ريال
انت خطط صح وشوف امكانياتك تقدر ولا لا اجار + غربه+ مأكل ومشرب+ احتياجات اخرى= 2200 <هل بتكفي ؟! ولا لا!!!!!!!! ولا مايجي وسط الشهر الى ياهلي حولو لي فلوس <يعني ماستفد شي
نصحيه اخ يتمنى لك الخير انت حللها براسك وشوف
والله يوفقك ويسهل امرك يارب

شف يا اخوي
انت راتبك 2200 .

رح للموارد البشرية على شان يكملون راتبك إلين 3000 ريال
وبالتوفيق