السلام عليكم ورحمة الله وبركاته
مالنا بالطويله
<= مبعوص جوه ماقبلوه الدفاع المدني
.. لو ادري انهم ماراح يقبلوني ماقدمت ع الرخصه وتعبت ودفعت لكن الخساره بالعمر
.. ياخوان .. انا من حفر الباطن .. وأمن المنشأت . ما اعرف عنها أي شيء
.. وش رأيكم قبلوني .. ويوم الأحد الجاي مقابلتي الشخصيه !!؟ رأيكم ياعيال
كيف دورتها وكم شهر .. وراتبها يسوى او مايسوى ؟
{ نسبتي 86% علمي .. وشهادة حاسب آلي 6 شهور مُعتمدة التوظيف .. وعمومي }
وأخرر شي يحدوني ع أمن المنشأت يقولون ان أمن المنشأت يحطونك ع شركه ومدري أيش ؟ صحيح ؟؟؟؟؟؟؟؟ نصيحتكم ادخلها أو أسحب عليهــــــــــاا

اخوي الله يوفقك ويوفقنا
علمي علمك
وندور من يفيدنا

الي متي عاطل
الف الف مبروك ياخوي
حظك احسن من حضي توظف فيها رزقك ع الله
وتراها حلةه الجندي يصك اول راتب فوق5000 وانت بعتقادي راح تاخذ رتبه جندي اول
بالتوفيق ياخوي

يا ربي لا امن منشات ولا دفاع مدني
لا حول ولا قوة الا بالله

أخوي على ما سمعت ان دورتها 9 شهور أولا حجز 45 يوم ثانيه صراحه رواتبها تسوى وصحيح نفس حراس الأمن اللي على الشركات الكبيرة

كيف دورتها
زي اي دورة عسكريه يبالها رجال وصبر
وكم شهر
من 9 اشهر الى 11 شهر على حسب الانتظام
.. وراتبها
الجندي يصك براتب 5400واذا كان من يعمل في المنطقة الشرقيه
يستلم 5800 ريال
يسوى او مايسوى
انت ادرى

روح والتعينات حسب كلام الشباب 90منها في الشرقيه
اظن انها قريبه لك
موفق اخوي

الله يعطيكم العافيه شباب .. ويبارك فيكم ، والفال لكم ان شاء الله بالأفضل
.. ماعلي من الراتب ، وظيفه بـ راتب "4000 ونفسيتك مرتاحه " ولا وظيفه بـراتب "8000 ونفسيتك زفت "
اهم شي دوامها فلـه .. وزامات ، وحراسات يعني مافيها شيء .. يقهر الا شغله وحده .. مافي بـ حفرالباطن هههههه .. والله ياعيال أقبل الدوره لو تصير سنتين ماعندي مشكله .. بس اهم شي وظيفه لكن انا بسؤالي حسبتها .. شُبه عسكريه طلعت عسكريه رسميه ..

موفقين يا رب