السلام عليكم ورحمة الله وبركاته

كيفكم وش اخباركم

شباب انا انقبلت في امن المنشأت والحمدلله

بس يووم علمت الوالد اني انقبلت قال لا ترووحها

بصراااحه بعد كلمة الوالد تحطمت رغم انها كانت حلمي وكنت اتمنى ادخل امن المنشأت



تم قبولك مبدئيا فى قوات أمن المنشآت المجموعة رقم 19 يوم السبت الموافق 18/9/1431 فى مركز تدريب قوات أمن المنشآت بمزدلفة من الساعة 9:30مساءا حتى 3:30صباح

علماً

ان مكه تبعد عنا يمكن ب650 كيلو

بس دام الوالد رافض اني ادخلها

انا ماعد بارووح

والله يوفق الي انقبلو وان شاء الله عقبال القبوول النهائي

ممكن تعلمن مامعنى (الفراغ)

بارك الله فيك’’

قل للوالد عندك بديل عطني ورني يالله
<--- قايل لأبوهـ هالكلام... وبعدها قالي الوالد.. رح جرب حضك

خخخخخخخخخخخ

اسمع كلام ابوك
الله يوفقك

ذكرتني باحد المعارف
تخرج من الثانوية وقبل في البحرية برتبة عريف
زعل أبوه منه وقال له :انا أبيك تكمل جامعة ماأبيك تروح عسكرية إذا كان همك السيارة شرينا لك سيارة وإذا تبي تتزوج ساعدناك بس اهم شيء تكمل جامعة

قام الولد سمع كلمة أبوه ودرس جامعة وطلب منه يشتري له سيارة مثل ماوعده قال طيب لاتيسرت شرينا لك سيارة وبعد شهور إنتظار حصل من أبوه على عشرة ألف وزود عليها 5 ألف سلف وأشترى له سيارة ماشي حالها ( شبه قرمبع )

المهم الرجال كمل دراسة وللحين يقدم ماحصل على وظيفة
نفسيته تعبانة ويلوم أبوه كثير بعد ماكان على وشك عسكرية برتبة عريف نزل عند رغبة أبوه وكمل جامعة


المقصد إجلس مع أبوك وافهم منه ليش رافض أمن المنشآت وحاول تقنعه إنه هذي معيشة

شوف ونا اخوك قل لبوك خليني اخش وبعدين تقدر تكمل جامعه لتعينت

بس والله ترى الوظايف ماتحصلها الى بشمعه
والان كل سنة تزداد نسبة المتخرجين بشكل كبير جدا والعاطلين بشدة شوف تقديم المنشات الارقام وصلت فوق 60 الف
اجلس مع ابوك وشوف ليش رافض وحاول تقنعه لانه في الاخير هذا مستقبلك

الله يوفقك ويرزقك وما لنا كلام على الوالدين دامهم ارفضوو

ياخوي أبوك لية رافض
أذا ابوك قصدة عشان مصاريف بلغني
قسم بالله لجيك لين بيتكم وأوديك لين مركز المنشات وأرجعك وعلى حسابي
لا تفوت القبول
اي خدمة أرسلي على الخاص
أنا مثل أخوك

اخوي
ممكن تقول لبوك ليه ماتبيني اخش بها ,,,وقول هل عندك بديل لها
ترا مايصير اخوي شدحيلك ولاتتراجع العسكريه مو مثل اول اخوي
اول كرف وقلت حيى وذلحين وناسه وفلت حجاااااج


اتمنى ان تداقش من دون ترردد

انا من رأي انك تروح وتشوف وش يسير عليك لانه ماعندك وقت تقنع الوالد الله يخليه لك اذا قبلوك وعطوك الاوراق وكل شي تقنع الوالد على راحتك وتفهمه لان الدعوى مش قبول وتدخل الدوره على طول فيه كشف واحوال ورح وتعال علشان لو يوافق تكون معك الاوراق وما تندم اما اذا رفض تقطع الاوراق ويادار مادخلك شر . اما اذا الولد رفض يعني مافيه ماجال حتى تروح تشوف وش يسير عليك هذا شي ثاني وكلش ولا زعل الوالدين بس انت حاول وشف . والله يوفقك