السلام عليكم ورحمة الله وبركاته ..

لو سمحتوا ماهي الاجراءات النهائية بعد القبول لوظيفة معيدة يعني اروح اراجع شئون الموظفين وهل ضروري المحرم هو اللي يراجع وهل لازم يوقع المحرم

وماهي الاوراق المطلوبة اللي حيطلبوها مني ؟ ياليت لو توضحوا لي الخطوات بالتفصيل!

وهل ينفع اطالب بالتفرغ لدراسة الماستر (حيث اني قبلت بجامعة اخرى) قبل المباشرة بالعمل يعني من البداية ولا لازم ادّرس عندهم

ام انهم سيجبروني على الابتعاث الخارجي أو في حالة وافقوا على الابتعاث الداخلي فلازم هم اللي يختاروا الجامعة

جزاكم الله خير ....ورمضان كريم

ادارة اعمال
جزاك الله خيرا والله يوفقك ويرزقك من حيث لا تحتسب ويتقبل منك الصيام والقيام
يعني لازم سنة كاملة وبعدين يسمحوا لي بالتفرغ الله يعين يارب...

منتهى الذوق

الله يبارك فيك واللهم آمين ..
الله يستر يعني لازم المحرم هو اللي يراجع ..لاحول ولا قوة الا بالله ماينفع ارسل الحارس مثلا
عموما ربنا يسهلها
يعني بعد الكشف الطبي حيعطوني خطاب للاحوال المدنية اغير المهنة فهمت
يعني لازم اباشر وبعدين اطلب التفرغ لاني قبلت في ماستر جامعة اخرى فقلت فرصة مادام انهم بيطلبوني ماستر خليني اطلب التفرغ على طول ...يعني ان شاء الله حسب تفهم القسم ممكن يعطوني بعد اشهر مو لازم سنة كاملة ..شكلي بعمل تأجيل قبول..
وانا خايفة من حكاية الابتعاث الخارجي هذا !! لو حولوني ادراية نعمة ولكن لو فصلوني حقعد في البيت
ياليت تكون جامعة طيبة زي الملك عبدالعزيز تسمح بالابتعاث الخارجي مع اني شفت موقعهم لقيت نموذج للابتعاث الداخلي بس لما سألوني في المقابلة الشخصية ركزوا على حكاية الابتعاث الخارجي ..واتمنى يختاروا تخصص احبه مو كمان يجبروني على تخصص ماطيقه..

يارب يامنتهى الذوق يوفقك دنيا وآخرة ويرزقك من حيث لا تحتسبين ويرضى عنك جزاك الله خير افدتنيني كثير الله يوفقك يارب ...ويارب تتسهل امورك وتنقبلي في وظيفتك اللي تتمنيها
ويكون الله معاكي زي ماساعدتني الله يعطيكِ العافية ..