((القوات الخاصة للامن الدبلوماسي )) كل ما يتعلق بهذا القطاع (بالتفصيل)

سيبويه عاطل · #**541** (**permalink**) 11-11-2010, 02:00 PM

اقتباس:

المشاركة الأصلية كتبت بواسطة عويطل من زمان

شباب كيف ماني فاهم

ورقة حساب من احد البنوك

المقصود بطاقة صراف ولا وشهوو

رح للبنك وقل لهم عطني (نموذج تحويل راتب)

هذا المقصود

اقتباس:

المشاركة الأصلية كتبت بواسطة Ryan Al-harbi

اخوي سيبويه ابيك تشرحلنا كيف نظام الدورة يعني طريقة الهرولة وزي كذا

لاهنت

الدورة تختلف من مركز الى مركز...بس هي عموما تمارين رياضية وهرولة وبعدها فطور

وبعدها تعليم الحركات العسكرية...واحيانا تعليم بالفصول

اقتباس:

المشاركة الأصلية كتبت بواسطة كود مفقود

اخوي سيبويه يالغالي

انا من المدينه وابي امن السفارات 4<< بس المشكله مابي الرياض

يعني ابي جده << قريب من المدينه

واخاف اروحلهم بالرياض وان شالله انقبل وصعب انقل جده

يعني قصدي في تقديم بالادارة في جده ولا بس بالرياض <<

ويعطيك العافيه زماقصرت يالـغ ـلا

كثير من الزملاء بدورتنا يبغون جدة ....نقلوا بعضهم والباقي بعد الحج ينقلون ويباشرون بجدة

سيبويه عاطل · #**542** (**permalink**) 11-11-2010, 02:18 PM

اقتباس:

المشاركة الأصلية كتبت بواسطة مستر زاحف

والله ماضنيت انهم يبغون ينقلون لها والله الدوام في الجهاز الرئيس تستلم يوم وتسلم 7 ايام والثامن تداوم يلعن ام الفله

وأنا بعد ما ظنيت أن جهازك الرئيس يبتعثك للخارج براتبين راتب بالسعودية وراتب بالخارج

وما ظنيت انه بعد اول ما تسافر يصرف لك بدل تهيئ للسفر وبدل نقل عفش وبدل للتذاكر

و اول ما ترجع من الخارج يصرف لك مثلها وترا مبلغ البدلات موب قليل بل

هو بعشرات الالوف ويتفاوت من دوله الى دولة .

و ماظنيت بعد أن راتب الجندي عندكم يساوي راتب وكيل رقيب في بعض القطاعات

وادري ان بعض القطاعات العسكرية يداوم شهر ويروح 3او4 شهور بس راوتبهم قليله

ويكفينا فخر أن من مجالات عملنا أننا نعمل في سفارات خادم الحرمين الشريفين في الخارج

مع منسوبي وزارة الخارجية وتقبل فائق تقديري واحترامي.

بالتوفيق ودعواتكم لنا

اخوكم سيبويه