بسم الله الرحمن الرحيم..
مرحبااااا للجميع..بصراحة اول مرة اكتب بالمنتدى ..ويآرب ألاقي حل..

لو تكرمتوا انا ابي تعطوني مشروع او فكرة اطلع منه لو دخل بسيط لأني بأدرس بمعهد خاص هالسنه وجمعت جزء بسيط من المبلغ 4000 ريال ومجمل المبلغ 30000ريال ..وضماني كله راح يروح للمعهد وابي تسأعدوني بافكار اقدر اطلع لي منها لو مصروف بالشهر
والله ما حدني ادرس الا لاني مالقيت وظيفه ..ابي ادرس من شان احصل وظيفه تعيني..

تكفون اكسبوا فيني اجر يتيمه ام واب ومحتاجة اتوظف قبل لاتشتري زوجة ابوي بيت وتطردني..خآيفه منها..

كل اللي ابيه تعطوني طريقه او تدلوني على احد ممكن يساعدني بسلفه ومستعدة كل شهر اعطيه ضماني على حسب المبلغ ..

مدري وش اقول بس لاتخلوني من جد محتااااجة مشروووع بس يكون شي اقدر عليه..

والله يجزاااكم الجنة..

الله يوفقكـ

ولي عودهـ بأذن الله

..

يا اختي شوفي هواياتك ويش اللي تحبيه عشان تبدعي فيه

اذا كنت فنانه في تجهيز الحلا بيعيه على محلات الكافي وبالنص بينك وبينهم
ممكن معمول التمر وتبعينه على محلات العطارة والحلويات
في البداية شي قليل وجربي حظك معهم

يا بنتي لا تضيعين فلوسك على معهد هذا قدامك خريجين جامعة ما توظفوا

لاحقة على المعهد

استغلي فلوسك في مشروع يفيدك بإذن الله .. و يارب تشترين بيت و تزوجين امين

[QUOTE=احاسيس الزهر;3123834]قبل لاتشتري زوجة ابوي بيت وتطردني..خآيفه منها..

QUOTE]

لاحول ولاقوه الا بالله
من جد اقسم بالله قبل لااخش هنا كان ضايق صدري من هموم الدنيا
يوم قريت كلامك اعترفت بالمثل اللي يقول من شاف مصيبة غيره هانت عليه مصيبته
الله يكتبلك الخير ويوسعها بوجهك دنيا واخره
لي عوده علي الموضوع

مرحبا أحاسيس ,,
أسال الله القدير أن يفرج همك ويجعل لك من كل ضيق مخرج ,,,
ويرزقك من حيث لا تحتسبي ,,,

في البداية عزيزتي ,,, أنت تقولي أنك تحتاجي لمبلغ 30 ألف ,, لو افترضنا ان ضمانك الف ريال بالشهر ,, بذلك تحتاجي لمده سنتين ونصف تقريبا حتى تسددي المبلغ بشكل كامل ,, هل فعلا انت قادره على الاستغناء عن ضمانك طول هذه المده ؟؟ ,, ربما لو الظروف جيده الان لا تكون كذلك غدا ,,, لذلك راجعي حساباتك بشكل جيد ,,
بإمكانك بالمبلغ الذي لديك حاليا البدء بأخذ دورات قصيرة في الفوتوشوب وتصميم المواقع ,, وبعد ان تنتهي منها اعرضي خدماتك للتصميم بالمنتديات او ابحثي عن شركات الاستضافه التي ترغب بمصممين يعملون من المنزل ,,,او بإمكانك كتابة ابحاث لطالبات المدارس والجامعات وطباعتها ,,,الخ

لو كانت شهادة المعهد ستضمن لك وظيفه 100% سأكون معك في اقتراض مبلغ ,,
لكن اعتقد انه اذا كانت الامور سيئه يفترض بك الا تزيديها سوءا بالديون ,,,
اصدق الدعوات لك بالتوفيق ,,,

أكثري من الاستغفار وربي يفتحها في وجهك ان شاء الله

مرحباااا للجميع..
لكل اللي ردوا علي مشكورين الله يجزاكم خير..
ابي تعرفون انا اخترت المعهد لاني من جد ابي ادرس ما ابي اجلس بالبيت وماعندي مشروع اعتمد عليه واثق في ارباحه واستغل وقتي عليه ..انا مو خبرة بالمشاريع ولاعندي احد يدعمني معنويا..
وكل مافكرت بمشروع من داخل البيت لازم موافقه زوجة ابوي ..مثلا انا موهبتي بالماكياج والشعر وما اقدر اطلع للبيوت وبنفس الوقت هي ماترضى اخلي الزباين يجون البيت..والمشاغل كلهم يبون خبرة بالسنوات وانا ماعندي شغلي على قد حالي ..
وانا وربي خايفه من اليوم اللي تطلع فيه من البيت اللي احنا فيه وتتركني وهي قالت مجبورة تخليني لان احنا في بيت ايجار وبتشتري بيت على السنة الجديدة وين اروح ..
ابي ادرس اتوظف من شان اقدر اوفر لي سكن او اي شي مستقبلا..وبالنسبه لضماني انا مستعدة استغني عنه بس اهم شيء ادرس ..وطلبت فكرة مشروع لأجل اضيفه على الضمان واخلص بسرعه..
ادري مشكلتي عويصه بس الشكوى لله ..والحمد لله على كل حال..
بس ابي فكرة استفيد لو 50% من مدخولها...

ومشكورين مرة ثانيه..

اللهم اغفر لوالدي ووالدتي وللمسلمين والمسلمات والمؤمنين والمؤمنات الأحيـآء منهم والأموات..

قبل لاتشتري زوجة ابوي بيت وتطردني

حسبي الله ونعم الوكيل

حسبي الله ونعم الوكيل

حسبي الله ونعم الوكيل

إختي أكثري من الإستغفار وقراءة القرآن وخصوصاً سورة البقره

وأكثري من الدعاء فإنها سهام الله التي لاتخطيء ،،،

أسأل الله أن يفرج همك وهم المهمومين من المسلمين أجمعين

إنه على كل شيء قدير ........

[align=center]اخت احاسيس الزهر...

ابشري بالخير..

اولا اذا انتي بتدرسن في معهد صحي فالحكومه تتدفع عنك من خلال صندوق الموارد البشريه (هدف) وهذا الرابط حقهمhttp://www.hrdf.org.sa/hrdfnewsite/

او من خلال الصندوق الخيري وهذا رابطهم http://www.fund.org.sa/site/

اما اذا معهدك مهوب معهد صحي فلا تستتعجلين للدراسه فيه ..

اما من ناحية مشروع مضمون ..مافيه شي مضمون يااختي ..الضامن الله سبحانه ..تجار كبار ولهم خبره في السوق وخسروا خسارات كبيره .

ولي عوده ان شاء الله[/align]