السلام عليكم
ياخوان انا قبلت في التعليم وظهرت لي نتيجة ديوان المظالم
بإجتياز الاختبار التحريري
هل يمكن اذا قبلت في ديوان المظالم اني استقيل من االتعليم او انقل الى ديوان المظالم كيف الطريقه وهل فيه امكانيه؟؟
لايقول لي احد ان التعليم احسن من المرتبة السادسة انا موافقكم في هذا الكلام لكن غصب عني لان التعيين في نجران والنقل للرياض ما راح احلم فيه الا بعد 5 سنوات
وجزاكم الله الف خييييررررر

حرام عليك .. ما يقارن بين مستقبلك كمعلم وبين وظيفة مرتبة سادسه في الديوان
فرق كبير بين 5300 اول مربوط في ديوان المظالم وبين 8500 ريال للمعلم
وبعدين فيه فرق في التعديل السنوي والمستقبل الوظيفي حيث تعديل المعلم 400 ريال في السنة بينما المدني حدود 200 ريال

حاول تصبر كم سنة الى ان يحصل لك نقل في الرياض
واذا رحت لنجران وش فيها .. ترى الدعوى سهالات
اهم شئ لا تضيع مستقبلك بقرار خاطئ

السلام عليكم ورحمة الله وبركاته

الاخوان صادقين أصبر التعليم زين وزياداته طيبة

اما المرتبة السادسة فبتبطي سنين ماوصلت أول مربوط بالتدريس

وبالنسبة للنقل حاول تنقل للمناطق اللي حول الرياض لين ان شاء الله
تجي للمدرسة الي عند باب بيتكم ............

بالتوفيق...........

والله وأنا أخوك أعرف نااااااااااااااس جاهم تعيين بنجراااااان ورفضوه بس ترى كانوا على مستوى ثاني

وأعرف نااااااااااااااااس جاهم تعااااااااااااااقد بنجران وراحوا

هي تقف عند مزاجية الشخص فالناس شخصان

الشخص الأول

الوضع عااااااادي عنده ويقدر يمشي أموره بالغربة وأنسان ماهمه أهله وأقاربه وإنسان ليس بمريض وليس بإتكالي ويعتمد على نفسه خاصة في المأكل " يقدر يطبخ لنفسه فطوره وغدائه وعشائه " فليذهب للوظيفة الأفضل راتباً وإن كانت في مكان بعيد كنجران مثلاً

الشخص الثاني

مريض بدنياً ولا يستطيع أن يتحمل أو أن يمشي أموره وشخص كذلك أتكااااالي على أشخاص آخرين وعلى أهله بالبيت ولا يعرف كيف يتصرف يعني (( إنسان بيتوتي )) أو له سجل مرضي ونفسي ( كالتوحد مثلاً ) الله لا يبلانا فهذا لا تصلح له الوظيفة البعيدة جداً إطلاقاً وحتى وإن كان راتبها 10 الآلآف ريال وعلاوتها 400 ريال وحتى وإن كانت مؤقتة ... لأنها ستنعكس سلباً عليه وقد يصاب مستقبلاً بأمراض نفسية وبدنية خطيرة عندها ماراح تنفعه الوظيفة أم 10 الآلآف لأنه الصحة أهم شي بالدنيا ولا تشترى بأي ثمن




فأنظر لنفسك أنت من أي الشخصين و بالتوووفيق

والله الاخواااااااان كلامهم صحيح ..

وبعدين تزوج وصدقني بترتاح من الغربه ههههههه

الله يوفقك

ياشين السعوديين لا تفلسفوا

الرجال يقول مأقدر

وتحت مايقدر 100 سبب وأكثر تحول بينه وبين التعيين بعيدا

الواحد (أو الرجل العاقل) لابد يكون عنده بعد نظر

نعطي مثال لبعد النظر (وليسمحلي صاحب الموضوع)

لنفرض أن السائل لديه خمس أخوات أو أكثر في مراحلهم الدراسية ليسوا متزوجات وهو العائل لهم (ولي امرهم)
في الرياض وجاه تعيينه لمنطقة نائية بنجران

هل نعذر الرجل لو اعتذر عن الوظيفة

مشكلتنا نحاسب الناس على ظروفنا وقدراتنا

المهم عسا الفكرة وصلت

والأهم النقل من التعليم لوظيفة إدارية سهل جدا (المرتبة السادسة)
والعكس صعب وبالأحرى مستحيل

عذرا للإخوان على شدة اللهجة ولاكني أعتبرها نقد هادف

السلام عليكم ورحمة الله وبركاته

ايييييييه كلن على همــه ســرى

ناس محتاره وش تاخذ وضائف

وناس قاعده تحفرر ورى وضيفه ماهي لاقيه


الدنيا ارزااااق والله يكتبلنا الخير

وعليكم السلام ورحمة الله وبركاته

لا أعلم ولكن عليك

بصلاة الأستخارة


ولاتتهور وتفصل وأنت للحين ما انقبلت بس

تمنياتي لك ولنا بالتوفيق

موفق وترى موضوعك سهل وانا معاك بخصوص الوظيفة اللي ترتاح لها بغض النظر عن الاحسن ...اهم شي راحت النفس وموفق للمرة الألف