السلام وعليكم اخواني

انا ابقولكم مشكلتي وابغي منكم الحل او النصيحة وتكفون لا احد يبخل علي


مشكلتي هي القبول في الجامعات بالرياض كل الجامعات ما اقبلوني

وما اعرف كيف اسوي وما قبلني الا جامعة الملك فيصل بالاحساء تخصص اداراة اعمال

المشكلة ان اهلي بالرياض وما اقدر اخليهم ما فيه الا انا عندهم

مع العلم ان درجتي مو سيئة لذيك الدرجة 86 ادبي والقدرات 70

وانا اعرف واحد نسبته 62 ادبي ومقبول بجامعة الامام بس معه واسطه والله يهنيه


وانا الحين ما اعرف فيك اسوي بصراحه كل شي راح علي احس مستقبلي ضاع

فاليت تساعدوني وتقولون لي وش الطريقة

فيه ناس قالو انتظر لين يجي الفصل الثاني وسجل بالجامعات بالرياض بس ما ادري هل انقبل او لا

وواحد قالي لي سجل عن طريق الموارد البشرية بس ما اعرف هل فيه قبول لحد الحين او قفلو

ابي النصيحة منكم اخواني

اذا تبي الجد روح الجامعه وادرس كلها كم سنه وتخلص الحين الحياه صعبه وماراح تفيدك غير شهادتك حاول تنقل للرياض بعد مستوى "او بعد سنه "

مدري اخوي أنا اشوف الدراسه ما تتعوض ماشاءلله عليك حلو إدارة أعمال وبعدين مش بعيد عنهم مره!!

سبحانه الي عنده مايبي واللي ما عنده يبي..

طيب ما فكرت إنتساب مثلا؟؟!! يمكن فيه الحل

معليش لقافه.. بس أخوي وشصار بمعهد الإداره توك من يومين محتار بينه وبين الكليه التقنيه ؟؟؟ ماشاء الله قبلوك بأكثر من مكان وكلها زينه أنت طب وتخير!!!

هلا فيك انا كنت هاقي في معهد الاداراة وحاط كل املي فيه للاكن للاسف ما قبلوني


وقلت خلني اروح لكلية التقنية لانهم قبلوني من اول بس ما رحت لهم قاعدت انتظر معهد الاداراة وما قبلني