يا جماعة الخير انا محتار والله و حالتي حاله ودي باصحاب الخبره في الحياة يوجهوني
انا انقبلت في القوات جندي بجده و عندي بنفس الوقت ابتعاث ولا عملتهم ونا عمري 22 سنه بس عندي اهلي مصرين اني ادخل جندي و اتزوج و استقر ونا طموحي اكبر من كذا ودي اكون زي اصحابي و ابتعث للخارج بس واحد يقولي الدراسه صعبه و خايف اتخرج ونا عمري 27 سنه و ارجع و من غير خبره اتورط ولا احد يوظفني....تكفووون ساعدوني

شي راجع لك انت لأن هذا مستقبلك

لكن ابقولك شي واحد إذا انت تبي تظمن الوظيفة بسرعه وتتزوج ادخل عسكريه

وإذا انت بتروح برا ولا تظمن الشهادة وترجع مشكله وان تخرجت من هناك أقل شي بتجلس 5 سنوات يعني

بيروح عمرك لكن اذا تقدر تروح هناك وتجلس سنتين وترجع تتزوج وتكمل دراستك افضل والقرار لك

أخوي والله موضوعك أنت الوحيد اللى تقدر تقرر وش تبي تكون
لو قلنا بعثة بكالريوس تخصص حلو ولغة وترجع بعد أربع سنين أو أكثر يمكن تلقى وظيفة ويمكن لا
لازم تحط براسك أن أوضاع الوظائف في البلد من حفرة لدحديرة شف العالم جامعيين وعطالة وأنا منهم
لكن جندي تظمن وظيفة وتقدر تكمل دراستك وتقدر تتزوج وذيك الساعة أفصل أو غير مهنتك أهم شي تكون أنسان طموح وعندك هدف تبي توصله وفي الاخير أستخر والله يكتب لك الخير

روووح شوف الدنيا وتعلم لغة ثانية وادخل تخصص زين بلا زواج بلا وجع راس
لاحق على الزواج بحلوه وبمره
وبصراحة لا توظفت جندي مكانك سر يبغالك خمسة سنين عشان يمكن تصير جندي اول
روووح وجيب شهادة بكالوريوس وتعال ادخل سنتين الكلية الامنية وعلق نجمة ملازم
ونصيحة تري عمرك صغير وما ينفعك غير شهادتك
لحد يقولك الشهادة ما تنفع كل واحد ياخذ نصيبه
تفائل بالخير تجده والله يوفقك اخوي

لو انا مكانك مافكر بجندي ابد ولله الابتعاث واكمل الماستر والدكتوراه وترجع وراتبك فوق العشرين الف

استخر

اذا العسكرية مضمونة
توكل على الله وادخل
احمد ربك انك انقبلت ولا شوف غيرك
مئات الالاف يتقدمون ولا يحالفهم الحظ وانا أولهم

ربي يدلك ذا مستقبلك انت اللي تخططه بيديك
بس نصيحة مني اقضب الوظيفة ترى مافيه مثلها بهالايآم النآس تتعافس عليها
وش الفآيدة لو ابتعثت ورجعت خالي الكفين الشهادة والتعليم زينين محد يعوفهم بس الوظيفة من ذهب هالايام وزين انها رسمية تقدر تستقر بها مو عقد بأي وقت يتخلون عنك~~ ذي وجهة نظري

وربي يوفقك ويقدم لك اللي فيه الخير..

اب ت ع ا ث <<<<<<غيرك يدورها وما عمري شفت شخص درس برا ورجع وفشل بحياته<<<وجهة نظري وستخر ربك وسمع صوت نفسك