السلام عليكم ورحمة الله وبركاته
ماخاب من استشار شباب انا طلع اسمي في ديوان الظالم على وظيفة محضر خصوم طبعا منقبلت قبول نهائي بقي المقابلة الشخصية
بس في نفس الوقت انقبلت في شركة المنتجات الحديثه (بروكتر اند قامبل) وهذي شركة قوية وراتبها ضعف راتب المرتبة الرابعة في الديوان بس مشكلتها انها شفتات صباح ومساء وليل ومدري انا وش اعمل اروح اكمل الاجراءات والا اكتفي بالشركة الي انا فيها
الشركة فيها امااان وظيفي
والديوان راحت بال وخميس وجمعة اجازه بس الراتب لك عليه شوي
مع اني الشركة تبعد عن بيتي تقريبا 85 كيلو والديوان فرعه قريب جدا من البيت تقريبا مسافة 5 دقائق
انا احس اني مدوووش فالي عندي راي يفيدني فيه
وكل عام وانتم بخير

ماخاب من استشار ربه

وبما انك موظف الان امسك بوظيفتك الى بعد نتائج المقابلة وذا طلع اسمك من الناجحين

استخير مرة ومرتين و3و4و5
والله ماتندم

خلك بوظيفتك وانسى الديوان
إلا في حالة انك تنقبل قبول نهائي .. بعدها استشير
وطبعاً قبل كل شي استخـير ربك .. والله يوفقنا وإياك

اعمل بالشركة الان الى ظهور نتائج ديوان المضالم ان ظهر اسمك خير وبركه اترك الشركة فالقطاع الحكومي مريح والراحه نصف القوت



وقفه لا تخبر الشركة انك مقدم على وظائف الديوان _( سكتم بكتم ) تقبل مروري ودعواتك لنا بالتوفيق

الله يعطيكم العافية

الواحد مدري وش يسوي
الشركات رواتبها افضل من الحكومة ومميزات برضه افضل....بس عملها شين شفتات ماتدري ترتب يومك مع الشركة
والحكومة عكس رواتب ضعيفه بس راحة بال
بس الله يكتب الي فيه الخيره

[align=center]
اختار اللي يناسبك
إذا كنت راعي عمل بجد وتبغى راتب كثير خذ الوظيفة الشركة
وإذا كنت راعي دجه في العمل تبغى دجة في الراتب خذ الوظيفة الحكومية
وبالنسبة للشركات إجازاتهم 30 يوم في السنه بينما الحكومية 40 يوم في السنة
الشركات فيها تأمين طبي وأحتمال تأمين سيارة وأحتمال حتى تأمين سكن على حسب وظيفتك
لكن الحكومي إنسى تأمين طبي وإنسى السيارة إلا إذا كنت مسؤل أو معقب وبرضو السكن إنسى...
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,
[read]انا بالنسبة لي لو تعطيني راتب 10.000 في الشركة راح افصل عشان 4.000 في وظيفة حكومية[/read]
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,
ولك الخيار وبالتوفيق لك ...
[/align]

شوف اذا انت بشركه
خلك فيها
اوكي وخلص اجرائات الديوان
واذا قالو يلاهـ بتباشر بيوم الفلاني قدم استقالتك
بعدين الشركه 80 كيلو او ابعد
والراتب حلو واذا انت شخص شغيل مافي راسك لعب ونوم وسحبات ع الدوام روح لها
بس خذها نصيحه ع المرتبه الرابعه صح يالله راتب ياصل 4500 بس يكفي قربها لبيتك
وغير كذا حكومي افضل 100% من الشركه
واذا انت قنوع والدوام المدني راحه جرايد ونت وبراد ومكاتب
والله يوفقك يارب