السلام عليكم ورحمة الله وبركاته

اخواني عندي مقابله شخصيه في مصرف الانماء غداً في القصيم

مقابله شخصيه اتصلوا علي ادراة الرياض

ارجوا من الذين عندهم خبر ومعلومات عن المعلومات في المقابله الشخصييه

وكذالك كم راح يكون مقابله وهل فيه اختبار تحريري بعد المقابله الشخصيه

جزاكم الله خير في هذه الايام المباركه

ان شاء الله الموقع هذا يفيدك الله يوفقك وتعديها على خير
http://www.albonook.com/index.php?

يجي من يفيدك ان شاء الله والله يسهلها عليك يارب

بالتوفيق لك وإن شاء الله يقبلوك

ابد اهم شيء البس واكشخ باطلق جزمة وثوب

وخلك واثق من نفسك لاترقل وترتجف

وتكلم بوسطيه وخلك بالوسط يعني لا تقول اكيد وانا قوي واقدر ومااقدر ولا تقول مااقدر

يعني عطهم انك اهم شيء متحمس ترى مره يهم الحماس ويكتبونها بالتقرير حق مقابلة طلب التوظيف حقك

وبعدين بين لهم استعدادك للتعلم والعمل والشغف

يعني قل ودي اتعلم وودي واحب كثر من هالكلمات

وخلك بشوش

وهم لازم يقولون لك اي اداره ان شاء الله بتشتغل فيه او اي فرع المهم بيعلمونك المسمى الوظيفي قبل المقابلة وان ماعلموك دق واسال

لانه بيسالونك باسئله لها علاقة

واولا واخيرا هي لها علاقة بمدير القسم اللي راح تشتغل عنده

يعني كان فيه مدير الله يهديه قابل وحده من البنات قدامي

قالها هالصحن اللي قدامك وش ممكن نستخدمه فيه (صحن عالمكتب داخله ورد مجفف)

قالت نحط فيه شوكولاته
حلاو نعناع
ورد
كرات قزاز ملونة

هو بيشوف البنت نطاق تفكيرها محدود والا عندها ابداع
وممكن بيشوف رده فعلها تتفاجا والا تفكر وتتدارك الموضوع

يعني تعتمد على حسب

واقرا (وجعلنا من بين ايديهم سدا ومن خلفهم سدا فاغشيناهم فهم لايبصرون)
وان شاء الله يشوفون محاسنك ويبعدون عن عيوبك

>>موظفه موارد بشرية سابقة *

الله يجزاكم خير
بس حاب اعرف بعد المقابله فيه مقابله اخرى او اختبار تحريري

ولا مقابله واحد هي التي تحدد مصيركـ

والله بالنسبة لنا كانت مقابلة وحده تكفي اذا قابلت مدير الموارد البشرية ورئيس القسم اللي بتشتغل عنده
اما اذا المقابلة الاولى الموارد البشرية اعرف انه لسى ماصار شيء الين تقابل مدير القسم اللي بتشتغل عنده
وعاده يستغرق التوظيف من اسبوع الى شهر بالكثير لو قبلوك
وموفق ان شاء الله

دعواتك لي بالوظيفة

الله يوفقكـ ان شاء الله وجزاك الله خير

اذا احد عنده معلومات لايبخل علينا
جزاكم الله خير