الحمدلله والصلاة والسلام على رسول الله وعلى آله وصحبه أجمعين

موفق بإذن الله ... لك مني أجمل تحية .

انا اعرف اللي يدرسون بعد الثانويه ...
اللي اعرفه انو اللي نسبهم نازله الموارد تتكفل انها تنزل لهم مكافئه وطبعا تخصصات كثيره

في الكليات الاهليه زي في جده ابن سينا وعفت وحكمة والسياحه وكثير تلاقي الاسماءفي موقع وزارة التعليم العالي

في خانة المنح الداخليه وترا التسجيل ينتهي على 29 رمضان

طبعا حلو للي ما انقبل في الجامعات الحكوميه حلو انهم يكملون دراستهم وكمان بكالوريوس

واعرف اذا اذا اندعمت مره خلاص ما تندعم من الموارد الا بعد 5 سنين ماني متاكده ممكن يختلف شرطهم

وبالنسبه لو كانت وظيفه اعرف انو الشغل يدفع النص والنص الثاني الموارد يعني لو راتب الشركه

1500 الموارد تعطي كمان 1500 ويصير كذا الراتب 3000 واعتقد يختلف المبلغ ممكن ماتعطي النص
بس المهم انو الراتب يزيد ...

وكمان اعرف اذا مثلا دخلت وظيفه وجلست فيها لو مده بسيطه وطلعت ماراح تندعم في مكان ثاني يعني عندهم

شروط في الدعم مره ثانيه يمكن بعد 5 سنين

انا احس انها فرصه وكمان الراتب حلو بس ما ادري ايش هيا السلبيات في دعم الموارد

ان شاء الله اكون افدت بس برضو ان شاء الله اهل الخبره يأكدون لنا عشان يكون الكلام اكيد..

الله ييسر لنا جميعا ...

السلام عليكم ورحمه الله وبركاته

طبعا يا شباب انا اشتغلت معاهم في الصندوق الي بجده لمده سته شهور طبعا انا خريج كليه تقنيه قسم محاسبه وطبعا الكليه التقنيه بعد ماتخلص الدراسه يكون عندك ترم تطبيقي وانا طبقت عندهم واشتغلت عندهم وعرفت شغلهم والبرامج الي يقدمونها

طبعا هم شغالين على الجهتين يعني يا انهم يدخلون شباب للمعاهد سواء معاهد صحيه او ميكانيكا او اي معهد يكون موقع مع الصندوق اتفاقيه لانو فيه معاهد تكون موقعه مع الصندوق اتفاقيه والصندوق من خلاله يرسل طلاب لهذا المعهد طبعا الطلاب ذولا لازم يكونو مراجعين للموارد ويعرفون انو عندهم تقديم على المعهد الفلاني يعني لازم يكون فيه تردد منك اخي العاطل على الموارد كل فتره علشان تشوف ايش جديد المعاهد عندهم

او انك تسجل عندهم في موقهم وهم يجيبون لك وظائف او يتصلون عليك وقت مايحصلون لك وظيفه وهذا طبعا يحتاج الى وقت وشويه صبر وربي بيده كل شئ

بس للمعلوميه والله نفس صندوق تنميه الموارد والله ناس مجتهدين ومثابرين في اعمالهم رغم قله موظفينهم الا انهم مثابرين جدا جدا
طبعا اضافه بسيطه لو وظفوك راح يزودون على الراتب الي تاخذه من الشركه 1500

ولو درست على حسابهم راح يعطونك مكافاه 1500 او 1000 ريال في الشهر

وللمعلوميه يعني ترا 10 % من شركات جده هيه بس الي موقعه عقود مع صندوق التنميه وباقي الشركات ماهي موقعه ولا متعاونه مع الصندوق

اسف على كلامي الكثير بس اتمنى اني اجبت على تسؤلاتكم

والله يوفقنا ويوفقكم

الحمدلله والصلاة والسلام على رسول الله وعلى آله وصحبه أجمعين

[QUOTE=سراب الحلم;3151279]عليـــكمـ السلامــ ورحمة الله وبركاتهـ..

ماقصرت اخوي على الايضاح وجزاك الله خيــــ ر ,,, طيب الله يوفقكــ هل المتخرجيين من الكليات والجامعة ان شاءالله يلقون عن طريقهم وظايف تدعمــ

وياليت تفيدناا اكثرر..[/QUOT

شئ طبيعي بيحصلون وظائف لانو الوظائف الي عندهم يعني مالها اي مؤهلات محدده يعني للابتدائيه وللمتوسطه وللثانويه وللكليات والجامعات بس زي ماقلت لك اهم شئ تراجعهم كل فتره يعني كل ثلاثه اسابيع كل شهر تقريبا تراجعهم وتشوف ايش الجديد عندهم

يعني بالعربي تخش في عينهم وتقول هذي مؤهلاتي جيبولي وظيفه خخخخخخ

وصدقني مابيقصرو

والله ولي التوفيق

طيب انا ابغا ادرس دبلوم باحد المعهد اللي مدعومة من الصندوق كيف الطريقة اروح لهم واقولهم ابغا ادرس ادعموني ولا كيف الطريقة وهل هناك شروط
وانا حاليا لسه ادرس جامعه على وجة تخرج يعني الثانوية حقتي لها5 سنين
-----------------------------------------------------------------------------------

طيب انا ابغا ادرس دبلوم باحد المعهد اللي مدعومة من الصندوق كيف الطريقة اروح لهم واقولهم ابغا ادرس ادعموني ولا كيف الطريقة وهل هناك شروط
وانا حاليا لسه ادرس جامعه على وجة تخرج يعني الثانوية حقتي لها5 سنين