قصيدة عاطل لاتفوووووووووووووووتكم

صالح حائل · #1 (**permalink**) 05-09-2010, 01:10 AM

الا يالله عفـوك لا معي بيـجــر ولا جــــوال *** ولا عنـدي وضيـفه والتجـــاره فاشـلٍ فيـها

ولاعندي شهـاداتٍ ولاحــرفه تسـد الحــال *** ولا حــظٍ كبير لا اخـطـت الجــــره يقديها

مخابي الثوب تومي مادخلها من زمان ريال *** بها فاتورة الكهــرب ولا يمـديني اقضيـها

علىذيك العراوي تتعب الحادي مع الجمّال *** ثلاث اشهـور فالورشـه وشهـرينٍ مغطيـها

ابيها لو تجـمّـل يـوم واجلـبـها على الدلاّل *** يجيـها واحـدٍ حـظه مثل حـظي ويشــريها

نصيت العسـكـريّه يوم قالوا للنظـام رجــال *** وقـدّمـت المـلـف وصـورةٍ متشــخـصٍ فيـها

خـذا الاوراق مني واحـدٍ مـا عند ابـوه دلال *** سلوم الناس واهل المعرفه والطيب مخطيها

قراهـا في دقيـقه والتفـت عـجـلٍ علي وقـال *** شهادتك العظيمه يا ولد وين انت مخفـيها

هزّيت الراس ماعندي تقول اني من البنقال *** وقمـت احـب خشـمه واطلبـه بالله تمشّـيها

حـذفها من يده شين الطبيـعه والنبا والفـال *** وقـال ازين تعـوّد صـوب نوقاتـك تعشّـيها

تناوشته من الكرسي وعفت الحل والترحال *** وضربته بالبياله عقب ما بيّحت شـاهـيها

خذوني للسجـن لا نيب لا ظـالم ولا محـتال *** مجـرّد واحـدٍ جـا يكـحل عيونه فيعمـيها

ويوم اني خرجت اقفيت لارض الله وسيع الجال *** عـلى بـرٍ هـواه يـداوي العـلّـه ويـبـريـهـا

ادوّر قصعة الجـربوع والظـب الفتي يخـتال *** والارنب يا شفاة الروح ما احلاها وطاريها

بـلا كهــرب ولا بيجــر ولا غـازٍ ولا نقّــال *** قوانين الحضــاره لا تبي شـوفي ولا ابيـها

منقووول

المغااامر · #2 (**permalink**) 05-09-2010, 01:20 AM

[align=center]
لله درك

لاكن ما على الله كايد
[/align]

صالح حائل · #3 (**permalink**) 05-09-2010, 01:22 AM

الحمد لله على كل حال ونحن ولله الحمد بصحه وعافيه ولاكن هاذه مجرد قصبده منقوووووووووووله وشكرا

شبهه · #4 (**permalink**) 05-09-2010, 01:26 AM

[align=center][/align]عزتي له وبس

ياونتي ونه الجالي ... اللي جلا عن بني عمه
من اول عندهم غالي ... واليوم مطلوبهم دمه
وعزتي من حاله مثل حالي ... ضاعت دنياه بعد همه
ياوقتي الردي مالك ومالي ... تترك غيري وحظي تخمه
مرحبا بالموت لو كان فالي ... مثلي لو يموت محدن يمه

بــانــد