السلام عليكم ورحمة الله وبركاته

ماشاءالله تبارك الله

أنا عندي مقابلة في وظيفة بديوان المظالم ع المرتبة السادسة

والحين انقبلت بوظيفة فشركة وأجنبية


الديوان يقولون يعطون أساسي4800+400بدل سكن فقط

أما الشركة أساسي 5500+بدل سكن + بدل مواصلات+تأمين طبي


والله الشركة افضل بس ناس كثير يقولون الحكومي حتى لو الواحد يتلاعب بالدوام راح يستمر
وانا ولله الحمد من العالم اللي يحب الِإنتظام بالعمل


وش رايكم هل تؤيدون رأيي الشركة أفضل ولا اروح المقابلة بالرياض

ترى والله محتار

الله يوفقك ياااااارب ان شاء الله ويرزقك
انا من رايي اخوي تروح للشركه الحين وتتوظف وتضمنها وبعدين إذا جاك قبول نهائي بديون المظالم استخر والله يوفقك ان شاء الله,,,

رأي ولا أحلى من حظ عاطل , فاهم بصراحة .

انت رح لمقابله ديوان المظالم ماراح تخسر شي

العب على الحبلين الى النهايه

والله يوفقك

شباب معاهم حق توظف بشركه وروح مقابله واذا انقبلت نهائي روح الديوان حكومي احسن من شركه ماتدوم واستخر ربك

وظيفة المرتبة السادسه راتبها اللي ينزل على حسابك 5250 تقريبا
راتب اساسي + بدل غلاء معيشه + بدل نقل 600 ريال

رواتب الحكومه ضعيفه جدا وتعديلها ضعيف ولكن ترجع للرغبة الشخصية في توجهك لوظيفه في قطاع حكومي او في القطاع الخاص

ونصيحتي لك مثل ما قالو الشباب العب على المضمون

[align=center]أخوي صح بعض الشركات راتبها كويس

انا راتبي كويس في الشركة لكن المشكلة مافي زيادة سنوية والزيادة شبه مستحيلة يعني ممكن أقعد 15 سنة بدون زيادة ريال واحد

وهذا الفرق في الوظيفه الحكومية فيه هناك زيادة وفيه ترقيات يعني عند التقاعد يكون راتبك عالي هذا الفرق

يعني أنا ممكن أصبر على فر ق 1500 ولا 2000 في البداية لكن في النهاية يكون راتبي عالي[/align]

انا من رايي

انك تكمل اجرائتك في الشركه واذ جاء موعد المقابله في ديوان المظالم تروح تختبر

اذا الله يسرها لك وانقبلت في الديوان اسحب على الشركه واذا الله ماكتب لك الوظيفه في الديوان

تكون ماخسرت شي لانك موظف في الشركه

ولاتنسى تستخير


الله يرزقك ويوفقك ويدلك على الطريق الصحيح

ما خاب من استخار

صل ركعتين واستخير والله يختار لكـ مافيه الخير