@@@مواقف مضحكه للأعضاء@@@

السلامعليكمورحمةاللهوبركاته
انا اليوم حبيت انكم تشاركوني بمواقف لكم مضحكه وياليت دعمونها بالصور
علشان يصيرالموضوع ممتع ومشوق ..
وبم اني صاحبت الموضوع فراح اسدح لكم موقف مضحك ومرعب بالنسبه لي
وبالصور..لأني اول مره امر به وحصلي عن طريق جهازي بتستغربون وش اللي
سواه فيكِ..
اقولكم وعلى بركة الله..واجهتني مشكله بالمسنجروطلبت من وحده بالمتدى تساعدني
بحل مشكلتي العويصه مسكينه تعذبت صدق حاولت بشتى الطرق اللي اعرفها ولا
نفع فقلت مالي الا انتي يافلانه ماراح اقول هي حره اذا تبي تظهر نفسه تقوله بالرد
خلكم علشان تتحمسون وتمرون على كل الردود...
فوافقت البنوته فطلبت مني ارسل لها رقم الهوية والباسورد..عاد انا ما ادبرشي
بالحاسوب والنت الا من المزاوله ..تعبير شيء..فقلت قصدك أيميلي وكلمة المرور
وانافي نفسي اقول ابشري بقله اشتغل الشيطان يبي يشككني فيها ..وترى الحرص
زين بعد..فجاء ردها فوري وطاح وجهي وش هالغباء فيني قالت: ايش دخل الايميل
وعلى فكره اللي بالأحمر خطها نفسه(الموضوع موثق)ويوم فهمتني المطلوب
ارسلت لها وبدت الشغل والطلبات..
المهم قعدت احوس بالماوس واطق طق بالمفاتيح..
وطلعت لي هالصوره اللي مدري وش تبي ..



وفجأه طلع لي شيء يطير بالشاشه خفت من اللي يحرك ومن اللي يكتب..تدورون وشو هذا الشيء انه المفكره
والا الأخت كاتبه اتركي الفاره من يدك تخيلتها شايله علي رميت الفاره من غير رايي



على فكره العلبه من اشغالنا الفنيه..فاصل ونواصل...
المهم وتسمرت على الكرسي وعيوني بالشاشه تتابع الماوس اللي يتحرك
وانا على هالحال الا ويجيني كف اعظم من الاول ...يقول



انهبلت وش دراها اني حاطه يدي على خدي سحر ولا وش يكوووووووون..هالمره ماعاد فيها..


وصلت باب الغرفه من الروعه بسم الله علي

والكرسي يناديني قلت اجلس محلك زين...

ولقت جهازي مليان وبينتحروالسبب الثقافه العاليه اللي عندي..

وبعدها صار شيء برد قلبيشوفوا السطر الثاني



قلت احسن جعله يحترق روعتني على ذاالصبح وياريتها عندي
وبعدها استوعبت السالفه وراحت الروعه بس اني رحمة الفاره توني شايلتها فوق المكتب ثم محطت بها..

وواصلت اختي شغلها فواجهتنا مشكله والسبب بكل بساطه ان جهازي شايب ويندوز89يعني ماهو سبهه كل شيء يقبله وبس..



وش فاهمه اخلصي يالغلا بس...علشان نبدأالشغل الصح..
وبعد اربع محاولات تنزيل المسن الجديد قدرنا تثبيته بجهازي بحول الله وقوته..




واخيراً تم التثبيت ..
ومدري وش اقول لأختي على مساعدته لي الا الله يعطيكِ العافيه ..
وترى اي كلمه فوق لك مزوحه على قولت (وث وث مرت من هون) وينها
واتمنى من اخواني واخواتي ان اكون امتعتكم بالموضوع ويكون حافز انكم تشاركوني بمواقفكم الطريفه وماتنسوا التوثيق بالصورحتى لوصوره وحده..ودمتم بحفظ الله..

__________________
"لله دُر أمي إذا ابتسمت
تهادت جروح قلبي والتئمت"