السلام عليكم ورحمة الله وبركاته

الأخوة الكرام
عزمت بعد التوكل على الله عزوجل التفكير بمشروع تجاري
وهو (( مطعم ))

امل التكرم ومساعدتي بافكار ابداعية لتطوير الخدمة المقدمة للزبون

من حيث قائمة الطعام (( المنيو ))
من حيث نوع التغليف
من حيث اسم المطعم
بمعنى أصح من جميع النواحي

لاعدمنا مشاركتكم بانتظار افكار ابداعية متميزة

الله يوفقك
وين الموقع في اي منطقة ؟
كم راس المال ؟
نوع الماكولات شعبية او مشويات او او وجبات سريعة ؟
نوع العماله الموجوده ؟
عشان الشباب ما يقصرون في طرح الاراء
تحياتي

عندي بعض الملاحظات اتمنى تحطها في بالك
ويمكن اكون على خطأ أو صح لكن لكل مجتهد نصيب


1- إبدأ بمطعم صغير


لاتبدأ بمطعم كبير جدا وبعدين تواجهك صعوبات وفي النهاية المطعم للتقبيل او للبيع
حتى تعرف اسرار المهنة تعرف اللي بديت فيه صح واللي بديت فيه غلط تعرف نوعية العمالة اللي عندك


2- اختار الموقع الممتاز حتى لو دفعت مبالغ زيادة


3- اختار العمالة بنفسك واختر واحد منهم مدير عام وله نسبة من الارباح حتى يبدع ويهتم اكثر


4- ابتكر ديكور جديد ترى الناس شبعت من تشابه الديكورات


5- حاول انك تخترع او تضع اكلات او عصيرات جديدة في المنيو او (حتى خلطات النكهات في المشاوي)


6- الاكياس والتغليف واكواب العصيرات السفري حط عليها شعار المطعم



7- حط في بالك المطعم ماراح يوقف على رجوله غاااالبا الا بعد مرور سنة تقريبا

[QUOTE=الغرق في النور;3152395]عندي بعض الملاحظات اتمنى تحطها في بالك
ويمكن اكون على خطأ أو صح لكن لكل مجتهد نصيب


1- إبدأ بمطعم صغير


لاتبدأ بمطعم كبير جدا وبعدين تواجهك صعوبات وفي النهاية المطعم للتقبيل او للبيع
حتى تعرف اسرار المهنة تعرف اللي بديت فيه صح واللي بديت فيه غلط تعرف نوعية العمالة اللي عندك


هاذي اهم نقطة لابد تسويها



موفق بإذن الله ... لك مني أجمل تحية .

على قولة العضو غرق ابدا في محل صغير حتي لا تخسر تعلم اسرار المهنة بالتفصيل الممل جدا
سوي حركات استقبال الزبون بقهوي<<<<< هذا يدور الكيف

ليش ماتحط سعوديين طباخين في الداخل ماراح يشوفهم احد بس يصير له سمعه والمحاسب سعودي بحيث اللي يقدم

للزبون هندي لان الهندي عادي عنده واصلا هي مافيها شي بس العادات تحكمنا والله اتوقع انه افضل من الوضيفه

بمراحل لان الاعمال الحرة تتطور اما الوضيفه معروفه.

المحاسب سعوودي ******** عشان يروح كل اللي في القدور تجبيات وتكميل تخيل انت اللي تبيع وجاك ولد عمك يشتري والا واحد من خويياك ... لو سمحت حسابك 50 ريال خخخخخخخخخخ كثرلي منها اقل شيء بتقله هآت 20 وخل الباقي علي هذا اذا ماطلع كلح وقلك سجلها بالدفتر

اقول شفلك اسوداني وياحبذا لو انه مايعرف احد من السوادنه اللي بنفس المنطقه
موفق بإذن الله ... لك مني أجمل تحية .

انا اقولك اذا بينجح لك ثلاث خيارات

1- يكون مطعم عالمي (وجبات سريعة) تآخذ أمتياز .

2- مطعم مشويات شعبي .

3- مطعم هندي مع التركيز على البهارات و الخلطات و أن يكون السعر معقول

السلام عليكم ورحمة الله

الكل بلا استثناء لمن شرفنا بالرد على الموضوع
أسال الله العظيم بكرمه ومنه إلا يحرمكم الجنة

فعلا وجدت بردودكم بعض الافكار التي ايدتني ببعض الافكار لدي
واستفدت منكم بافكار جديدة

جزاكم الله كل خير ...

ملاحظة : المجال مفتوح لأي فكرة مهما كانت
وحتى وأن كان مبالغ فيها فربما منها نبتكر فكرة